Mexiletine hydrochloride

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

・ជំងឺទាក់ទងនឹងចង្វាក់បេះដូងកើនឡើងខុសប្រក្រតីដោយសារបញ្ហាថតក្រោមនៃបេះដូង (Ventricular tachyarrhythmia)

・រោគសញ្ញាផ្សេងៗ (អាការៈឈឺចាប់ ស្ពឹក) ដែលបណ្ដាលមកពីផលប៉ះពាល់សរសៃប្រសាទដោយសារជំងឺទឹកនោមផ្អែម។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលជំងឺទាក់ទងនឹងចង្វាក់បេះដូងកើនឡើងខុសប្រក្រតីដោយសារបញ្ហាថតក្រោមនៃបេះដូង (Ventricular tachyarrhythmia)។

ករណីថ្នាំលេប：

・ជំងឺទាក់ទងនឹងចង្វាក់បេះដូងកើនឡើងខុសប្រក្រតីដោយសារបញ្ហាថតក្រោមនៃបេះដូង (Ventricular tachyarrhythmia)：

មនុស្សពេញវ័យ：ចាប់ផ្ដើមលេបពីកម្រិត1ថ្ងៃ300mg បែងចែកជា3ដងក្នុង1ថ្ងៃ ក្រោយបរិភោគអាហារ។ ករណីប្រសិទ្ធិភាពមិនគ្រប់គ្រាន់ អាចបង្កើនកម្រិតដល់1ថ្ងៃ450mg បែងចែកជា3ដងក្នុង1ថ្ងៃ ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・រោគសញ្ញាផ្សេងៗ (អាការៈឈឺចាប់ ស្ពឹក) ដែលបណ្ដាលមកពីផលប៉ះពាល់សរសៃប្រសាទដោយសារជំងឺទឹកនោមផ្អែម：

មនុស្សពេញវ័យ：លេប 1ថ្ងៃ300mg បែងចែកជា3ដងក្នុង1ថ្ងៃ ក្រោយបរិភោគអាហារ។

ករណីថ្នាំចាក់：

・វិធីចាក់តាមសរសៃវ៉ែនតែ1ដង：

មនុស្សពេញវ័យ：ប្រើក្នុងកម្រិត1ដង125mg (2～3mg/kg) ចាក់តាមសរសៃវ៉ែនយឺតៗរយៈពេល5～10នាទី ក្រោមការតាមដានចង្វាក់បេះដូងនិងសម្ពាធឈាម។ អាចប្រើឱសថនេះដោយលាយជាមួយសេរ៉ូមប្រៃឬសេរ៉ូមគ្លុយកូសជាដើម។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・វិធីព្យួរសេរ៉ូមតាមសរសៃវ៉ែន：

ករណីវិធីចាក់តាមសរសៃវ៉ែនតែ1ដងបង្ហាញប្រសិទ្ធិភាព និង ត្រូវការបន្តប្រសិទ្ធិភាពនោះ ត្រូវប្ដូរមកប្រើវិធីព្យួរសេរ៉ូមតាមសរសៃវ៉ែន ក្រោមការតាមដានចង្វាក់បេះដូងនិងសម្ពាធឈាម ដោយជ្រើសរើសអនុវត្តវិធីមួយក្នុងវិធីទាំងពីរខាងក្រោម៖

(1) ករណីប្រើឧបករណ៍សឺរ៉ាំងបាញ់ (Syringe pump)：ប្រើក្នុងកម្រិត125mg ចាក់បញ្ចូលឱសថក្នុងល្បឿន0.4～0.6mg/kg/ម៉ោង។ អាចប្រើឱសថនេះដោយលាយជាមួយសេរ៉ូមប្រៃឬសេរ៉ូមគ្លុយកូសជាដើម។

(2) ករណីប្រើឧបករណ៍ព្យួរសេរ៉ូមដែលអាចសម្រួលបរិមាណឱសថតិចតួចបាន：ប្រើក្នុងកម្រិត125mg ដោយពង្រាវដើម្បីទទួលបានបរិមាណ500mL រួចចាក់បញ្ចូលឱសថក្នុងល្បឿន0.4～0.6mg/kg/ម៉ោង។ អាចប្រើឱសថនេះដោយលាយជាមួយសេរ៉ូមប្រៃឬសេរ៉ូមគ្លុយកូសជាដើមបរិមាណ500mL។

ករណីថ្នាំលេប：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានបញ្ហាទាក់ទងនឹងការបញ្ជូនសញ្ញាក្នុងបេះដូងកម្រិតធ្ងន់ធ្ងរ (ជំងឺAtrioventricular blockកម្រិតII～III ដែលមិនទាន់ប្រើPacemaker ជាដើម)។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលមានជំងឺខ្សោយមុខងារបេះដូងកម្រិតធ្ងន់ធ្ងរ។ (ករណីប្រើចំពោះរោគសញ្ញាផ្សេងៗ (អាការៈឈឺចាប់ ស្ពឹក) ដែលបណ្ដាលមកពីផលប៉ះពាល់សរសៃប្រសាទដោយសារជំងឺទឹកនោមផ្អែមប៉ុណ្ណោះ)

ករណីថ្នាំចាក់：

・អ្នកដែលមានបញ្ហាទាក់ទងនឹងការបញ្ជូនសញ្ញាក្នុងបេះដូងកម្រិតធ្ងន់ធ្ងរ (ជំងឺAtrioventricular blockកម្រិតII～III ដែលមិនទាន់ប្រើPacemaker ជាដើម)។

វិលមុខ ឈឺក្បាល ញ័រដៃជើង រោគសញ្ញាក្រពះពោះវៀន សម្ពាធឈាចុះទាប ស្ទះការបញ្ជូនសញ្ញារវាងថតលើនិងថតក្រោមនៃបេះដូង(AV block)។ល។

・មានប្រសិទ្ធិភាពចំពោះជំងឺចង្វាក់បេះដូងខុសប្រក្រតីដែលទាក់ទងនឹងថតក្រោមនៃបេះដូង ជាពិសេស ・Ventricular extrasystole

និង Ventricular Tachycardia។

គេប្រើឱសថ Aprindine hydrochloride ករណីឱសថផ្សេងទៀតមិនមានប្រសិទ្ធិភាព។

・កម្រិតប្រើប្រាស់នៃឱសថនេះប្រែប្រួលនៅពេលប្រើនៅក្នុងការព្យាបាលជំងឺទាក់ទងនឹងចង្វាក់បេះដូង។

・ផលរំខានប៉ះពាល់ក្រពះពោះវៀនដែលបង្កដោយឱសថ Mexiletine hydrochloride អាចកាត់បន្ថយបានដោយការពិសារទឹកអោយបានច្រើន(1កែវពេញ)នៅពេលពិសារថ្នាំ។

មានសកម្មភាពទៅលើសាច់ដុំនៅថតក្រោមនៃបេះដូង។ ឱសថប្រភេទនេះមានសកម្មភាពទប់ស្កាត់គ្រឿងចម្លងសូដ្យូម(Na channel) ដូចទៅនឹងឱសថប្រភេទIaដែរ ប៉ុន្តែរយៈពេលនៃការបញ្ជូនប៉ូតង់ស្បែលមានលក្ខណៈខ្លី ហើយរយៈពេលមិនចម្លងប៉ូតង់ស្បែល(Refractory period)ក៏ខ្លីផងដែរ។