Methocarbamol

ជាទូទៅ ឱសថនេះប្រើនៅក្នុងការព្យាបាលអាការៈឈឺចាប់ដោយសារការកន្ត្រាក់សាច់ដុំ ដែលកើតមាននៅក្នុងជំងឺទាក់ទងនឹងសរីរាង្គធ្វើចលនាមួយចំនួន (រោគសញ្ញាឈឺចង្កេះនិងខ្នង បណ្ដុំរោគសញ្ញាកស្មានិងដៃ(Cervico-omo-brachial syndrome) ជំងឺរលាកជុំវិញសន្លាក់ស្មា ជំងឺឆ្អឹងកងខូចទ្រង់ទ្រាយ(Spondylitis deformans) ជាដើម)។

ថ្នាំលេប：

មនុស្សពេញវ័យ：លេប1ថ្ងៃ1.5～2.25g បែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ ចំពោះកុមារ មិនត្រូវប្រើលើសពីកម្រិត1ថ្ងៃ60mg/kgនោះទេ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ សារធាតុស្រដៀងនោះ(Chlorphenesin carbamate)។

ផលរំខានរួមមាន ឡើងកន្ទួលក្រហម រមាស់ស្បែក ឈឺក្បាល វិលមុខ ចង់ក្អួត។ល។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថទប់ស្កាត់សកម្មភាពប្រព័ន្ធសរសៃប្រសាទកណ្ដាល (ឱសថប្រភេទPhenothiazines, ឱសថប្រភេទBarbiturates ជាដើម), គ្រឿងស្រវឹង, ឱសថប្រភេទទប់ស្កាត់សកម្មភាពអង់ស៊ីមMAO - អាចធ្វើអោយសកម្មភាពនៃឱសថទាំងសងខាងកើនឡើង។

・ឱសថTolperisone hydrochloride - អាចធ្វើអោយប៉ះពាល់ដល់ភ្នែក។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា ងងុយគេង ពិបាកផ្ដុំអារម្មណ៍ ងាយធ្វេសប្រហែស ជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

・គ្រឿងស្រវឹងអាចធ្វើអោយសកម្មភាពរបស់ឱសថកើនឡើង ដូច្នេះ គួរចៀសវាងការពិសាគ្រឿងស្រវឹងនៅក្នុងអំឡុងពេលប្រើប្រាស់ឱសថនេះ។

ឱសថនេះមានសកម្មភាពដូចខាងក្រោម៖

- ទប់ស្កាត់ប្រតិកម្មនៃពហុស៊ីណាប់(Synapse)ទៅនឹងការភ្ញោចទាក់ទងនឹងការកន្ត្រាក់នៃសាច់ដុំជាប់ឆ្អឹង ដើម្បីបន្ធូរការកន្ត្រាក់ខុសប្រក្រតីនៃសាច់ដុំទាំងនោះ

- ទប់ស្កាត់សកម្មភាពនៃណឺរ៉ូនចលនាα,β (Motor neurons)

- កែលម្អបញ្ហាចរន្តឈាម ក៏ដូចជា មុខងារនៃការធ្វើចលនារបស់រាងកាយ។