Mesna

ជាទូទៅ ឱសថនេះប្រើនៅក្នុងការទប់ស្កាត់ការកើតឡើងនៃផលប៉ះពាល់សរីរាង្គក្នុងប្រព័ន្ធតម្រងនោម (រលាកប្លោកនោមលក្ខណៈហូរឈាម បញ្ហាបញ្ចេញទឹកនោមជាដើម) ដែលកើតមានដោយសារការប្រើប្រាស់ឱសថIfosfamide ឬ ឱសថCyclophosphamide (នៅមុនពេលអនវុត្តការវះកាត់ផ្លាស់ប្ដូរកោសិកាផលិតគ្រាប់ឈាម(Hematopoietic stem cell transplantation))។

ថ្នាំចាក់：

・ករណីប្រើឱសថIfosfamide:

ជាទូទៅ ប្រើឱសថMesna ក្នុងកម្រិតស្មើនឹង20%នៃកម្រិតប្រើក្នុង1ថ្ងៃរបស់ឱសថIfosfamide សម្រាប់ការប្រើ1ដង ដោយចាក់ក្នុងសរសៃវ៉ែន។ ប្រើឱសថនេះក្នុងកម្រិតខាងលើ 1ថ្ងៃ3ដង (នៅពេលប្រើឱសថIfosfamide នៅរយៈពេល4ម៉ោងបន្ទាប់ពីនោះ និង នៅរយៈពេល8ម៉ោងបន្ទាប់ពីនោះ) ដោយចាក់ក្នុងសរសៃវ៉ែន។ កម្រិតប្រើក្នុង1ថ្ងៃនៃឱសថMesnaជាអតិបរមា អាចស្មើនឹង100%នៃកម្រិតប្រើក្នុង1ថ្ងៃរបស់ឱសថIfosfamide។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញារបស់អ្នកជំងឺ។

・ករណីប្រើឱសថCyclophosphamide (នៅមុនពេលអនវុត្តការវះកាត់ផ្លាស់ប្ដូរកោសិកាផលិតគ្រាប់ឈាម(Hematopoietic stem cell transplantation)):

ជាទូទៅ ប្រើឱសថMesna ក្នុងកម្រិតស្មើនឹង40%នៃកម្រិតប្រើក្នុង1ថ្ងៃរបស់ឱសថCyclophosphamide សម្រាប់ការប្រើ1ដង ដោយព្យួរសេរ៉ូមតាមសរសៃវ៉ែនរយៈពេល30នាទី។ ប្រើឱសថនេះក្នុងកម្រិតខាងលើ 1ថ្ងៃ3ដង (នៅពេលប្រើឱសថCyclophosphamide នៅរយៈពេល4ម៉ោងបន្ទាប់ពីនោះ និង នៅរយៈពេល8ម៉ោងបន្ទាប់ពីនោះ) ដោយព្យួរសេរ៉ូមតាមសរសៃវ៉ែនរយៈពេល30នាទី។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថប្រភេទThiolផ្សេងទៀត។