Meropenem hydrate

ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ដូចជា អាការៈប្រតិកម្មធ្ងន់ធ្ងរប្រឆាំងនឹងការឆ្លងមេរោគចូលក្នុងឈាម(Sepsis) ជំងឺឆ្លងនៅស្រទាប់ជ្រៅនៃស្បែក ជំងឺរលាកកូនកណ្ដុរនិងសរសៃទឹករងៃ ជំងឺឆ្លងមេរោគបណ្ដាលមកពីរបួសក្រៅឬការរលាកភ្លើងឬការវះកាត់ ជំងឺខ្ទុះជុំវិញទ្វារធំ ជំងឺរលាកខួរឆ្អឹង ជំងឺរលាកសន្លាក់ ជំងឺរលាកក្រពេញអាមីដាល់(រួមទាំងជំងឺខ្ទុះជុំវិញក្រពេញអាមីដាល់) ជំងឺរលាកសួត ជំងឺខ្ទុះក្នុងសួត(Pulmonary abscess) ជំងឺខ្ទុះក្នុងទ្រូង ជំងឺឆ្លងមេរោគបណ្ដាលមកពីជំងឺផ្លូវដង្ហើមរ៉ាំរ៉ៃ ជំងឺរលាកប្លោកនោមស្មុគស្មាញ ជំងឺរលាកតម្រងនោមប្រភេទPyelonephritis ជំងឺរលាកស្រោមពោះ ជំងឺរលាកថង់ទឹកប្រមាត់ ជំងឺរលាកបំពង់ទឹកប្រមាត់ ជំងឺខ្ទុះក្នុងថ្លើម ជំងឺឆ្លងមេរោគក្នុងស្បូន ជំងឺរលាកដៃស្បូននិងក្រពេញអូវែរ(Adnexitis) ជំងឺរលាកជាលិកាជុំវិញស្បូន ជំងឺរលាកស្រោមខួរមានខ្ទុះ ជំងឺរលាកក្នុងភ្នែក(រួមទាំងរលាកគ្រាប់ភ្នែកទាំងមូល) ជំងឺរលាកផ្នែកកណ្ដាលនៃត្រចៀក(Otitis media) ជំងឺរលាកឆ្អឹងសងខាងច្រមុះ(Sinusitis) ជំងឺរលាកភ្នាសក្នុងនៃស្បែក(Cellulitis)នៅជុំវិញឆ្អឹងចង្កា ជំងឺរលាកចង្កា ជំងឺគ្រាប់ឈាមសណឺត្រូហ្វីលថយចុះលក្ខណៈក្ដៅខ្លួន(Febrile neutropenia)។

ថ្នាំចាក់：

・ជំងឺឆ្លងទូទៅក្រៅពីជំងឺរលាកស្រោមខួរលក្ខណៈមានខ្ទុះ：

- មនុស្សពេញវ័យ：ប្រើ1ថ្ងៃ0.5～1g បែងចែកជា2～3ដងក្នុង1ថ្ងៃ ព្យួរសេរ៉ូមតាមសរសៃវ៉ែនរយៈពេលចាប់ពី30នាទីឡើង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ករណីរោគសញ្ញាធ្ងន់ធ្ងរឬពិបាកព្យាបាល អាចបង្កើនកម្រិតដល់1ដង1g(អតិបរមា), 1ថ្ងៃ3ដង។

- កុមារ：ប្រើ1ថ្ងៃ30～60mg/kg បែងចែកជា3ដងក្នុង1ថ្ងៃ ព្យួរសេរ៉ូមតាមសរសៃវ៉ែនរយៈពេលចាប់ពី30នាទីឡើង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ករណីរោគសញ្ញាធ្ងន់ធ្ងរឬពិបាកព្យាបាល អាចបង្កើនកម្រិតដល់1ថ្ងៃ120mg/kg ប៉ុន្តែមិនត្រូវហួសកម្រិតអតិបរមា3gក្នុង1ថ្ងៃនោះទេ។

・ជំងឺរលាកស្រោមខួរលក្ខណៈមានខ្ទុះ(Purulent meningitis)：

- មនុស្សពេញវ័យ：ប្រើ1ថ្ងៃ6g បែងចែកជា3ដងក្នុង1ថ្ងៃ ព្យួរសេរ៉ូមតាមសរសៃវ៉ែនរយៈពេលចាប់ពី30នាទីឡើង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារ：ប្រើ1ថ្ងៃ120mg/kg បែងចែកជា3ដងក្នុង1ថ្ងៃ ព្យួរសេរ៉ូមតាមសរសៃវ៉ែនរយៈពេលចាប់ពី30នាទីឡើង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ កម្រិតអតិបរមាសម្រាប់កុមារគឺ1ថ្ងៃ6g។

・ជំងឺគ្រាប់ឈាមសណឺត្រូហ្វីល(Neutrophil)ថយចុះលក្ខណៈក្ដៅខ្លួន：

- មនុស្សពេញវ័យ：ប្រើ1ថ្ងៃ3g បែងចែកជា3ដងក្នុង1ថ្ងៃ ព្យួរសេរ៉ូមតាមសរសៃវ៉ែនរយៈពេលចាប់ពី30នាទីឡើង។

- កុមារ：ប្រើ1ថ្ងៃ120mg/kg បែងចែកជា3ដងក្នុង1ថ្ងៃ ព្យួរសេរ៉ូមតាមសរសៃវ៉ែនរយៈពេលចាប់ពី30នាទីឡើង។ កម្រិតអតិបរមាសម្រាប់កុមារគឺ1ថ្ងៃ3g។

・អ្នកដែលមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើឱសថSodium valproate (ប្រសិទ្ធិភាពរបស់Sodium valproate ចុះខ្សោយធ្វើអោយអ្នកជំងឺរើអាការៈឡើងវិញ)។

ផលរំខានរួមមាន រាករូស ឡើងកន្ទួលក្រហម ក្តៅខ្លួន រមាស់ ស្នាមក្រហមលើស្បែក អស់កម្លាំង បាត់បង់ចំណង់អាហារ ក្អួតចង្អោរ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម វិលមុខ ឡើងកន្ទាលត្រអាក (រោគប្រតិកម្មធ្ងន់ធ្ងរ)

- បរិមាណទឹកនោមថយចុះ ហើម ឈឺក្បាល (មុខងារតម្រងនោមធ្លាក់ចុះ)

- បាត់បង់ចំណង់អាហារ អស់កម្លាំង ស្បែកនិងភ្នែកឡើងពណ៌លឿង (រលាកថ្លើម មុខងារថ្លើមមានបញ្ហា ខាន់លឿង)

- ឈឺពោះ រាករូសច្រើនដង ក្តៅខ្លួន(រលាកពោះរៀនធំប្រភេទMembranous croup)

- ក្តៅខ្លួន ក្អកស្ងួត ពិបាកដកដង្ហើម (រលាកសួត បណ្តុំរោគសញ្ញាPIE)

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថSodium valproate - ប្រសិទ្ធិភាពរបស់Sodium valproate ចុះខ្សោយធ្វើអោយអ្នកជំងឺរើអាការៈឡើងវិញ

・ស្ត្រីមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・រយៈពេលនៃការប្រើប្រាស់អាស្រ័យទៅតាមស្ថានភាពជំងឺ។ ករណីប្រើប្រាស់ឱសថនេះរយៈពេលលើសពីមួយសប្តាហ៍ គួរធ្វើការពិនិត្យមុខងារថ្លើម។

ជាឱសថប្រឆាំងបាក់តេរីប្រភេទកាល់បាផេណេម(Carbapenem antibiotic) ដោយមានប្រសិទ្ធិភាពបង្អាក់សកម្មភាពបង្កើតភ្នាសកោសិការបស់បាក់តេរី ធ្វើអោយបាក់តេរីមិនអាចរស់ឬកើនចំនួនបាន។

ម្យ៉ាងទៀត មានប្រសិទ្ធិភាពទប់ទល់នឹងសកម្មភាពរបស់អង់ស៊ីមβ-lactamase ធ្វើអោយប្រសិទ្ធិភាពរបស់ឱសថមានលំនឹង មិនងាយបាត់បង់ប្រសិទ្ធិភាព។

លក្ខណៈពិសេសនៃឱសថនេះ គឺមិនទទួលរងសកម្មភាពបំបែករបស់អង់ស៊ីមDehydropeptidase I នៅក្នុងតម្រងនោមនោះទេ ដូច្នេះ ផលប៉ះពាល់ដល់តម្រងនោមក៏មានលក្ខណៈតិចជាងឱសថក្នុងប្រភេទដូចគ្នាដែរ។