Mercaptopurine hydrate = 6-MP

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការសម្រាលអាការៈនិងស្ថានភាពជំងឺនៃជំងឺមហារីកគ្រាប់ឈាមសលក្ខណៈស្រួចស្រាវ(Acute leukemia) និង ជំងឺមហារីកគ្រាប់ឈាមសប្រភេទខួរឆ្អឹងលក្ខណៈរ៉ាំរ៉ៃ(Chronic myelogenous leukemia)។

    • កម្រិតប្រើប្រាស់

      ថ្នាំលេប:

      ・នៅដំណាក់កាលព្យាបាលរោគសញ្ញាដើម្បីឈានដល់ដំណាក់កាលធូរស្បើយ:

      ជាទូទៅ មនុស្សពេញវ័យ ប្រើក្នុងកម្រិត1ថ្ងៃ 2~3 mg/kg តែឯងឬប្រើរួមជាមួយឱសថព្យាបាលជំងឺមហារីកផ្សេងទៀត។

      ・នៅដំណាក់កាលរោគសញ្ញាធូរស្បើយ: ប្រើក្នុងកម្រិតតិចជាងនៅដំណាក់កាលព្យាបាលរោគសញ្ញា។

      អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញារបស់អ្នកជំងឺ។

    • ហាមប្រើ

      ・អ្នកដែលធ្លាប់មានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

      ・អ្នកដែលកំពុងប្រើប្រាស់ឱសថFebuxostat ឬ ឱសថTopiroxostat។

      ・ការចាក់វ៉ាក់សាំងរស់(Live vaccine)។

    • ផលរំខាន

      ផលរំខានរួមមាន ឡើងកន្ទួលក្រហមឬស្នាមក្រហមលើស្បែក ខាន់លឿង ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - អាការៈខ្វះឈាម ក្ដៅខ្លួន ងាយហូរឈាមតាមច្រមុះ អញ្ចាញធ្មេញ ក្រោមស្បែក (ប៉ះពាល់មុខងារផលិតគ្រាប់ឈាមរបស់ខួរឆ្អឹង)។

    • អន្តរប្រតិកម្ម

      ・វ៉ាក់សាំងរស់(Live vaccine) - ក្នុងអំឡុងពេលប្រើឱសថនេះ ប្រព័ន្ធភាពស៊ាំរបស់អ្នកជំងឺមានការធ្លាក់ចុះ ដែលមិនអាចទប់ទល់នឹងវ៉ាក់ស៊ាំងរស់បាននោះទេ។ ដូច្នេះ ហាមប្រើរួមគ្នា។

      ・ឱសថFebuxostat, Topiroxostat - អាចធ្វើអោយផលប៉ះពាល់ដល់ខួរឆ្អឹងកើនឡើង។ ដូច្នេះ ហាមប្រើរួមគ្នា។

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថAllopurinol - អាចធ្វើអោយផលរំខានរបស់Mercaptopurineងាយកើតឡើង។

      ・ឱសថWarfarin - អាចធ្វើអោយប្រសិទ្ធិភាពនៃWarfarinថយចុះ។ អាចប្រើរួមគ្នាបាន ប៉ុន្តែត្រូវតាមដានប្រសិទ្ធិភាពឱសថអោយបានដិតដល់។

      ・វ៉ាក់សាំងអសកម្ម - អាចធ្វើអោយប្រសិទ្ធិភាពវ៉ាក់សាំងថយចុះ។

      ・ឱសថប្រភេទAminosalicylic acid derivatives (Mesalazine, Salazosulfapyridine) - អាចធ្វើអោយប៉ះពាល់ដល់មុខងារខួរឆ្អឹង។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

      ・ស្ត្រីបំបៅដោះកូន មិនគួរប្រើប្រាស់ឱសថនេះទេ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • សកម្មភាពឱសថ

      ឱសថនេះមានប្រសិទ្ធិភាពបង្អាក់សកម្មភាពបង្កើតសារធាតុអាដេនីន និង ហ្កានីនដែលជាធាតុចាំបាច់សម្រាប់បង្កើតDNAរបស់កោសិកាមហារីក ធ្វើអោយកោសិកាមហារីកមិនអាចកើនចំនួនបាន។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល