Menatetrenone

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

・កាត់បន្ថយអាការៈឈឺចាប់និងបង្កើនម៉ាសឆ្អឹងនៅក្នុងជំងឺពុកឆ្អឹង(Osteoporosis)

・ជំងឺឬរោគសញ្ញាផ្សេងៗដែលបណ្ដាលមកពីកង្វះវីតាមីនK រួមមាន ជំងឺប្រូត្រុំប៊ីនក្នុងឈាមចុះទាប(Hypoprothronbinemia)ដែលកើតមានចំពោះទារកទើបកើតឬដោយសារការប្រើឱសថប្រឆាំងមេរោគឬដោយសារការពុលថ្នាំសម្លាប់សត្វកណ្ដុរប្រភេទCumarin និង អាការៈហូរឈាមនៅពេលសម្រាលកូន។

・ព្យាបាលអាការៈហូរឈាមនិងអាការៈប្រូត្រុំប៊ីនក្នុងឈាមចុះទាប(Hypoprothronbinemia)ដែលកើតមានចំពោះទារកទើបកើត

・បង្ការអាការៈហូរឈាមដោយសារកង្វះវីតាមីនKដែលកើតមានចំពោះទារកនិងទារកទើបកើត

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលជំងឺឬរោគសញ្ញាផ្សេងៗដែលបណ្ដាលមកពីកង្វះវីតាមីនK រួមមានដូចខាងក្រោម៖

・ជំងឺប្រូត្រុំប៊ីនក្នុងឈាមចុះទាប(Hypoprothrombinemia)ដែលបណ្ដាលមកពីជំងឺស្ទះផ្លូវទឹកប្រមាត់ឬជំងឺថយចុះការបញ្ចេញទឹកប្រមាត់

・ជំងឺប្រូត្រុំប៊ីនក្នុងឈាមចុះទាប(Hypoprothrombinemia)ដែលកើតមានចំពោះទារកទើបកើត

・អាការៈហូរឈាមនៅពេលសម្រាលកូន

・ជំងឺប្រូត្រុំប៊ីនក្នុងឈាមចុះទាប(Hypoprothrombinemia)ដែលកើតឡើងដោយសារការប្រើឱសថប្រឆាំងកំណកឈាមប្រភេទCumarin

・ជំងឺប្រូត្រុំប៊ីនក្នុងឈាមចុះទាប(Hypoprothrombinemia)ដែលកើតឡើងដោយសារការពុលថ្នាំសម្លាប់សត្វកណ្ដុរប្រភេទCumari។

ករណីថ្នាំលេប：

・កាត់បន្ថយអាការៈឈឺចាប់និងបង្កើនម៉ាសឆ្អឹងនៅក្នុងជំងឺពុកឆ្អឹង(Osteoporosis)：

មនុស្សពេញវ័យ：លេប1ថ្ងៃ45mg បែងចែកជា3ដងក្នុង1ថ្ងៃ ក្រោយបរិភោគអាហារ។

・ ជំងឺប្រូត្រុំប៊ីនក្នុងឈាមចុះទាប(Hypoprothrombinemia)ដែលកើតមានចំពោះទារកទើបកើត និង អាការៈហូរឈាមនៅពេលសម្រាលកូន ：

ស្ត្រីមានផ្ទៃពោះ：លេប1ថ្ងៃ20mg រៀងរាល់ថ្ងៃ ចាប់ពី1សប្ដាហ៍មុនថ្ងៃសម្រាលកូន។

・ ជំងឺប្រូត្រុំប៊ីនក្នុងឈាមចុះទាប(Hypoprothrombinemia)ដោយសារការប្រើឱសថប្រឆាំងមេរោគ：

មនុស្សពេញវ័យ：លេប1ថ្ងៃ20mg បែងចែកជា2ដងក្នុង1ថ្ងៃ ក្រោយបរិភោគអាហារពេលព្រឹកនិងពេលល្ងាច។

・ ជំងឺប្រូត្រុំប៊ីនក្នុងឈាមចុះទាប(Hypoprothrombinemia)ដោយសារការពុលថ្នាំសម្លាប់សត្វកណ្ដុរប្រភេទCumarin：

មនុស្សពេញវ័យ：លេប1ថ្ងៃ40mg បែងចែកជា2ដងក្នុង1ថ្ងៃ ក្រោយបរិភោគអាហារពេលព្រឹកនិងពេលល្ងាច ដោយបង្កើនឬបន្ថយកម្រិតប្រើប្រាស់ផ្អែកទៅលើលទ្ធផលនៃការពិនិត្យមុខងារកំណកឈាម។

・ព្យាបាលអាការៈហូរឈាមនិងអាការៈប្រូត្រុំប៊ីនក្នុងឈាមចុះទាប(Hypoprothrombinemia)ដែលកើតមានចំពោះទារកទើបកើត：

ទារកទើបកើត：ពិសារ1ថ្ងៃ1ដង2mg (ថ្នាំទឹក0.2%ត្រូវនឹង1mL)។ អាចបង្កើនកម្រិតដល់6mg (ថ្នាំទឹក0.2%ត្រូវនឹង3mL) ទៅតាមរោគសញ្ញា។

・បង្ការអាការៈហូរឈាមដោយសារកង្វះវីតាមីនKដែលកើតមានចំពោះទារកនិងទារកទើបកើត：

ទារកនិងទារកទើបកើត：ត្រូវប្រាកដថាទារកកំពុងទទួលការបំបៅទឹកដោះ។ នៅលើកទី1 ពិសារ1ដង2mg (ថ្នាំទឹក0.2%ត្រូវនឹង1mL)។ នៅ1សប្ដាហ៍ក្រោយកើតឬក្រោយចេញពីមន្ទីរពេទ្យភ្លាមៗ ពិសារ1ដង2mg (ថ្នាំទឹក0.2%ត្រូវនឹង1mL) ជាលើកទី2។ ហើយនៅ1ខែក្រោយកើត ពិសារ1ដង2mg (ថ្នាំទឹក0.2%ត្រូវនឹង1mL) ជាលើកទី3។

ករណីថ្នាំចាក់：

・ជំងឺប្រូត្រុំប៊ីនក្នុងឈាមចុះទាប(Hypoprothrombinemia)ដែលបណ្ដាលមកពីជំងឺស្ទះផ្លូវទឹកប្រមាត់ឬជំងឺថយចុះការបញ្ចេញទឹកប្រមាត់ឬដោយសារការប្រើឱសថប្រឆាំងកំណកឈាមប្រភេទCumarin និង អាការៈហូរឈាមនៅពេលសម្រាលកូន：

មនុស្សពេញវ័យ：ប្រើ1ថ្ងៃ1ដង10～20mg ចាក់តាមសរសៃវ៉ែន។

・ជំងឺប្រូត្រុំប៊ីនក្នុងឈាមចុះទាប(Hypoprothrombinemia)ដែលកើតមានចំពោះទារកទើបកើត：

ក្រោយពេលទារកកើតភ្លាម ប្រើក្នុងកម្រិត1～2mg ចាក់តាមសរសៃវ៉ែន ដោយបន្តចាក់2～3ដងទៀតទៅតាមរោគសញ្ញា។

・ជំងឺប្រូត្រុំប៊ីនក្នុងឈាមចុះទាប(Hypoprothrombinemia)ដែលកើតឡើងដោយសារការពុលថ្នាំសម្លាប់សត្វកណ្ដុរប្រភេទCumari：

ប្រើ1ដង20mg ចាក់តាមសរសៃវ៉ែន ដោយអាចបង្កើនកម្រិតដល់1ថ្ងៃ40mg ទៅតាមរោគសញ្ញានិងលទ្ធផលនៃការពិនិត្យមុខងារកំណកឈាម។

ករណីប្រើចំពោះជំងឺពុកឆ្អឹង(Osteoporosis)：

・អ្នកដែលកំពុងប្រើប្រាស់ឱសថប្រឆាំងកំណកឈាមWarfarin potassium។

ផលរំខានរួមមាន ឡើងកន្ទួលក្រហម រមាស់ស្បែក មិនស្រួលក្នុងក្រពះ ឈឺពោះ រាករូសឬទល់លាមក ចង់ក្អួត ដំបៅក្នុងមាត់ បាត់បង់ចំណង់អាហារ ការរំលាយអាហារមិនសូវបានល្អ ឈឺក្បាល ហើម ។ល។

ករណីប្រើចំពោះជំងឺពុកឆ្អឹង(Osteoporosis)：

・ឱសថប្រឆាំងកំណកឈាមWarfarin potassium - អាចធ្វើអោយប្រសិទ្ធិភាពនៃWarfarinថយចុះ។ ដូច្នេះ ហាមប្រើរួមគ្នា។

・ជាទូទៅ គេប្រើឱសថនេះនៅក្រោយពេលបរិភោគអាហារ ព្រោះការប្រើឱសថនេះនៅពោះទទេ អាចធ្វើអោយការស្រូបសារធាតុឱសថថយចុះ។ ម្យ៉ាងទៀត ដោយសារឱសថនេះរលាយក្នុងខ្លាញ់ ការបរិភោគអាហារដែលមានជាតិខ្លាញ់តិចពេក ក៏អាចធ្វើអោយការស្រូបសារធាតុឱសថមានការថយចុះផងដែរ។

・អ្នកជំងឺពុកឆ្អឹងគួរបរិភោគអាហារដែលមានជាតិកាល់ស្យូមនិងវីតាមីនដេ(Vitamin D)អោយបានគ្រប់គ្រាន់។

・ឱសថនេះជាវីតាមីនK2 (Vitamin K2)ដែលមានសកម្មភាពបញ្ឈប់ការហូរឈាមក្នុងរាងកាយ។ ដូច្នេះ គួរចៀសវាងប្រើប្រាស់ឱសថនេះចំពោះអ្នកជំងឺស្ទះសរសៃឈាមបេះដូងឬខួរក្បាលជាដើមដែលកំពុងប្រើឱសថពង្រាវឈាមWarfarin ព្រោះឱសថទាំងពីរមានសកម្មភាពផ្ទុយពីគ្នា។

ការប្រើឱសថនេះក្រោយបរិភោគអាហារ អាចបង្កើនការស្រូបសារធាតុឱសថនេះ។

នៅក្នុងឆ្អឹងមានកោសិកា2ប្រភេទ គឺកោសិកាបំបែកឆ្អឹង និង កោសិកាផលិតឆ្អឹង។ ឱសថនេះមានប្រសិទ្ធិភាពជម្រុញសកម្មភាពរបស់កោសិកាផលិតឆ្អឹង និង ទប់ស្កាត់សកម្មភាពរបស់កោសិកាបំបែកឆ្អឹង ដើម្បីធ្វើអោយកំហាប់ឆ្អឹងនិងភាពមាំរបស់ឆ្អឹងកើនឡើង។