Melphalan

ករណីថ្នាំលេប：

ជាទូទៅ ឱសថនេះប្រើនៅក្នុងការកាត់បន្ថយរោគសញ្ញាផ្សេងៗនៃជំងឺមហារីកMultiple myeloma។

ករណីថ្នាំចាក់：

ជាទូទៅ ឱសថនេះប្រើនៅមុនពេលអនុវត្តការវះកាត់ផ្លាស់ប្ដូរកោសិកាដើមសម្រាប់ផលិតគ្រាប់ឈាម(Hematopoietic stem cell transplantation)ចំពោះអ្នកដែលកើតជំងឺមហារីកគ្រាប់ឈាមស(Leukemia) ជំងឺមហារីកកោសិកាប្រព័ន្ធទឹករងៃMalignant lymphoma ជំងឺមហារីកMultiple myeloma ជំងឺដុំសាច់មហារីកកើតចំពោះកុមារ។

ករណីថ្នាំលេប：

・វិធីទី1：លេប1ថ្ងៃ1ដង2～4mg រៀងរាល់ថ្ងៃ។

・វិធីទី2：លេប1ថ្ងៃ1ដង6～10mg រយៈពេល4～10ថ្ងៃ។ បន្ទាប់ពីនោះ ផ្អាកការប្រើប្រាស់ឱសថនេះ រង់ចាំរហូតដល់មុខងារផលិតគ្រាប់ឈាមរបស់ខួរឆ្អឹងត្រឡប់មកធម្មតាវិញ(ជាទូទៅ2～6សប្ដាហ៍) រួចប្រើជាប្រចាំក្នុងកម្រិត1ថ្ងៃ2mg។

・វិធីទី3：លេប1ថ្ងៃ1ដង6～12mg រយៈពេល4～10ថ្ងៃ។ បន្ទាប់ពីនោះ ផ្អាកការប្រើប្រាស់ឱសថនេះ រង់ចាំរហូតដល់មុខងារផលិតគ្រាប់ឈាមរបស់ខួរឆ្អឹងត្រឡប់មកធម្មតាវិញ(ជាទូទៅ2～6សប្ដាហ៍) រួចចាប់ផ្ដើមប្រើឱសថនេះតាមវិធីដូចគ្នានេះម្ដងទៀត។

ត្រូវធ្វើការពិនិត្យឈាមអោយបានញឹកញាប់ក្នុងអំឡុងពេលប្រើប្រាស់ឱសថនេះ ជាពិសេសចំនួនគ្រាប់ឈាមស ចំនួនប្លាកែត ដើម្បីបង្កើនឬបន្ថយកម្រិតឬផ្អាកការប្រើប្រាស់ឱសថអោយបានសមស្រប។

ករណីថ្នាំចាក់：

- មនុស្សពេញវ័យ(ជំងឺមហារីកគ្រាប់ឈាមស(Leukemia) ជំងឺមហារីកកោសិកាប្រព័ន្ធទឹករងៃMalignant lymphoma ជំងឺមហារីកMultiple myeloma)：ប្រើ1ថ្ងៃ1ដង60mg/m² រយៈពេល3ថ្ងៃ(បរិមាណសរុបសម្រាប់3ថ្ងៃគឺ180mg/m²)។ ករណីជំងឺមហារីកMultiple myeloma ប្រើ1ថ្ងៃ1ដង100mg/m² រយៈពេល2ថ្ងៃ(បរិមាណសរុបសម្រាប់2ថ្ងៃគឺ200mg/m²) ដោយចាក់តាមសរសៃវ៉ែន។ ត្រូវទុកគម្លាតរយៈពេល24ម៉ោងឬច្រើនជាងនេះក្រោយបញ្ចប់ការប្រើឱសថនេះ មុនអនុវត្តការវះកាត់ផ្លាស់ប្ដូរកោសិកាដើមសម្រាប់ផលិតគ្រាប់ឈាម(Hematopoietic stem cell transplantation)។ អាចបន្ថយកម្រិតប្រើប្រាស់សរុបឬក្នុង1ថ្ងៃទៅតាមស្ថានភាពរបស់អ្នកជំងឺ ឱសថប្រើរួមគ្នា ការប្រើរួមជាមួយវិទ្យុសកម្ម។

- កុមារ(ជំងឺមហារីកគ្រាប់ឈាមស(Leukemia) ជំងឺដុំសាច់មហារីកកើតចំពោះកុមារ)：ប្រើ1ថ្ងៃ1ដង70mg/m² រយៈពេល3ថ្ងៃ(បរិមាណសរុបសម្រាប់3ថ្ងៃគឺ210mg/m²)។ ត្រូវទុកគម្លាតរយៈពេល24ម៉ោងឬច្រើនជាងនេះក្រោយបញ្ចប់ការប្រើឱសថនេះ មុនអនុវត្តការវះកាត់ផ្លាស់ប្ដូរកោសិកាដើមសម្រាប់ផលិតគ្រាប់ឈាម(Hematopoietic stem cell transplantation)។ អាចបន្ថយកម្រិតប្រើប្រាស់សរុបឬក្នុង1ថ្ងៃទៅតាមស្ថានភាពរបស់អ្នកជំងឺ ឱសថប្រើរួមគ្នា ការប្រើរួមជាមួយវិទ្យុសកម្ម។

ករណីថ្នាំលេប：

・អ្នកដែលធ្លាប់មានរោគប្រតិកម្មធ្ងន់ធ្ងរដោយសារសារធាតុនៅក្នុងឱសថនេះ។

・អ្នកដែលមានចំនួនគ្រាប់ឈាមសថយចុះតិចជាង2000/mm3 ឬ ចំនួនប្លាកែតថយចុះតិចជាង50000/mm3។

ករណីថ្នាំចាក់：

・អ្នកដែលធ្លាប់មានរោគប្រតិកម្មដោយសារសារធាតុនៅក្នុងឱសថនេះ។

・អ្នកដែលកំពុងកើតមានជំងឺឆ្លងកម្រិតធ្ងន់ធ្ងរ។

ករណីថ្នាំលេប：

ផលរំខានរួមមាន មិនឃ្លានអាហារ ក្អួត ចង្អោរ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- អស់កម្លាំងពេញរាងកាយ ឈឺបំពង់ក ឈាមច្រមុះ (ប៉ះពាល់មុខងារផលិតគ្រាប់ឈាមរបស់ខួរឆ្អឹង)

- ទឹកមុខខៀវស្លេក ពិបាកដកដង្ហើម កន្ទាលត្រអាក (រោគប្រតិកម្មធ្ងន់ធ្ងរ)

- មិនឃ្លានអាហារ ចង់ក្អួត ស្បែកនិងភ្នែកប្រែពណ៌លឿង (ប៉ះពាល់មុខងារថ្លើមធ្ងន់ធ្ងរ ខាន់លឿង)

- ស្លេកស្លាំង ខ្វះឈាមក្រហម ក្ដៅខ្លួន ងាយហូរឈាម (ប៉ះពាល់មុខងារផលិតគ្រាប់ឈាមរបស់ខួរឆ្អឹង)

- ក្ដៅខ្លួន ក្អកគ្មានស្លេស្ម ពិបាកដកដង្ហើម (រលាកសួតប្រភេទInterstitial pneumonia ជំងឺក្រិនសួត)

- ឆាប់ហត់ បេះដូងលោតញាប់ (ជំងឺស្លេកស្លាំងប្រភេទបែកគ្រាប់ឈាមក្រហម(Hemolytic anemia))។

ករណីថ្នាំចាក់：

ផលរំខានរួមមាន ជំងឺឆ្លង រាករូស រលាកក្នុងមាត់(ពងបែកមាត់) រលាកភ្នាសសើម ក្អួត ចង្អោរ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ក្ដៅខ្លួន រួយខ្លួន រោគសញ្ញាស្រដៀងនឹងផ្ដាសាយ (ជំងឺឆ្លង ឬ ការហូរឈាម)

- ពិបាកដកដង្ហើម កន្ទាលត្រអាក ហើមភ្នែកនិងជុំវិញបបូរមាត់ (រោគប្រតិកម្មធ្ងន់ធ្ងរ)

- ឈឺទ្រូង ញ័រទ្រូង ដង្ហក់ (ជំងឺទាក់ទងនឹងសាច់ដុំបេះដូង ជំងឺចង្វាក់បេះដូងខុសប្រក្រតី)

- ក្ដៅខ្លួន ក្អកគ្មានស្លេស្ម ពិបាកដកដង្ហើម (រលាកសួតប្រភេទInterstitial pneumonia ជំងឺក្រិនសួត)

- ឆាប់ហត់ បេះដូងលោតញាប់ (ជំងឺស្លេកស្លាំងប្រភេទបែកគ្រាប់ឈាមក្រហម(Hemolytic anemia))។

ករណីថ្នាំចាក់：

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថCiclosporin, ឱសថTacrolimus - អាចធ្វើអោយប៉ះពាល់ដល់មុខងារតម្រងនោម។

・ឱសថNalidixic acid - អាចធ្វើអោយកើតមានជំងឺរលាកពោះវៀនលក្ខណៈហូរឈាម ដែលមានរោគសញ្ញារាករូសលាយឈាមធ្ងន់ធ្ងរ។

ករណីថ្នាំលេប：

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់ប៉ុណ្ណោះ ព្រោះអាចប៉ះពាល់ដល់គភ៌ក្នុងផ្ទៃ។

・ស្ត្រីដែលអាចមានផ្ទៃពោះ ឬ បុរសដែលមានដៃគូអាចនឹងមានផ្ទៃពោះ គួរប្រើប្រាស់វិធីពន្យារកំណើតក្នុងអំឡុងពេលប្រើប្រាស់ឱសថនេះ។

・ស្ត្រីបំបៅដោះកូន ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ករណីថ្នាំលេប：

・ស្ត្រីមានផ្ទៃពោះ(ជាពិសេសក្រោម3ខែ)ឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់ប៉ុណ្ណោះ ព្រោះអាចប៉ះពាល់ដល់គភ៌ក្នុងផ្ទៃ។

・ស្ត្រីដែលអាចមានផ្ទៃពោះ ឬ បុរសដែលមានដៃគូអាចនឹងមានផ្ទៃពោះ គួរប្រើប្រាស់វិធីពន្យារកំណើតក្នុងអំឡុងពេលប្រើប្រាស់ឱសថនេះ។

・ស្ត្រីបំបៅដោះកូន ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ករណីថ្នាំលេប：

・ក្នុងអំឡុងពេលនៃការប្រើឱសថនេះ អ្នកជំងឺត្រូវទទួលការពិនិត្យឈាមជាញឹកញាប់។

ករណីថ្នាំចាក់：

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលដោយប្រើឱសថនេះ។

・ឱសថនេះអាចប៉ះពាល់ដល់មុខងារផលិតគ្រាប់ឈាមរបស់ខួរឆ្អឹងធ្ងន់ធ្ងរដល់ជីវិត ដូច្នេះ ត្រូវប្រុងប្រយ័ត្នអោយបានម៉ត់ចត់។

ឱសថនេះមានសកម្មភាពបង្អាក់ចំណុចចាប់ផ្ដើមនៃដំណើរការសំយោគDNA របស់កោសិកាមហារីកMultiple myeloma ធ្វើអោយកោសិកាទាំងនេះមិនអាចកកើនចំនួនបាន។