Mazindol

ជាទូទៅ ឱសថនេះប្រើជាជំនួយនៅក្នុងការសម្រកទម្ងន់បន្ថែមលើវិធីអនុវត្តរបបអាហារនិងលំហាត់ប្រាណ ចំពោះអ្នកដែលលើសទម្ងន់កម្រិតធ្ងន់ធ្ងរ (កម្រិតលើសទម្ងន់+70% ឬ កម្រិតBMIចាប់ពី35ឡើងទៅ)។

ថ្នាំលេប：

មនុស្សពេញវ័យ：លេប1ថ្ងៃ1ដង 0.5mg នៅមុនពេលបរិភោគអាហារថ្ងៃត្រង់។ កម្រិតអតិបរមានៃការប្រើប្រាស់ឱសថនេះគឺ1ថ្ងៃ1.5mg ដោយបែងចែកជា2~3ដងក្នុង1ថ្ងៃ លេបមុនពេលបរិភោគអាហារ ប៉ុន្តែ គួរប្រើឱសថនេះក្នុងកម្រិតអប្បបរមាដែលបង្ហាញប្រសិទ្ធិភាពតាមដែលអាចធ្វើទៅបាន។ គួរប្រើឱសថនេះរយៈពេលខ្លីតាមដែលអាចធ្វើទៅបាន ដោយកំណត់ត្រឹម3ខែចុះក្រោម។ ប៉ុន្តែ ប្រសិនបើឱសថនេះមិនបង្ហាញប្រសិទ្ធិភាពក្នុងអំឡុងពេល1ខែបន្ទាប់ពីចាប់ផ្ដើមប្រើនោះទេ ត្រូវបញ្ឈប់ការប្រើឱសថនេះ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានជំងឺក្លូកូមប្រភេទបិទជិទ(Angle-closure glaucoma)។

・អ្នកដែលមានបញ្ហាសរីរាង្គបេះដូងកម្រិតធ្ងន់ធ្ងរ។

・អ្នកដែលមានបញ្ហាក្រពេញលំពែងកម្រិតធ្ងន់ធ្ងរ។

・អ្នកដែលមានបញ្ហាតម្រងនោមឬថ្លើមកម្រិតធ្ងន់ធ្ងរ។

・អ្នកដែលមានជំងឺលើសសម្ពាធឈាមកម្រិតធ្ងន់ធ្ងរ។

・អ្នកដែលមានបញ្ហាសរសៃឈាមក្នុងខួរក្បាល។

・អ្នកដែលមានបញ្ហាផ្នែកស្មារតីដូចជា ភ័យ(Anxiety) បាក់ទឹកចិត្ត(Depression) រំភើបខុសប្រក្រតី ឬ មានជំងឺវិកលចរឹត(Schizophrenia) ជាដើម។

・អ្នកដែលធ្លាប់មានញៀនឱសថឬស្រា។

・អ្នកដែលកំពុងប្រើប្រាស់ឱសថប្រភេទទប់ស្កាត់អង់ស៊ីមMAO ឬ ស្ថិតក្នុងអំឡុងពេល2សប្ដាហ៍បន្ទាប់ពីឈប់ប្រើឱសថប្រភេទនេះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・កុមារ។

・ត្រូវចងចាំថាឱសថនេះមានសកម្មភាពស្រដៀងនឹងឱសថប្រភេទAmphetamine ដូច្នេះ វាអាចបង្កជាអាការៈញៀន។ ម្យ៉ាងទៀត មានសេចក្ដីរាយការណ៍ថាឱសថប្រភេទទប់ស្កាត់ចំណង់អាហារជាច្រើនអាចនឹងបង្កជាការស៊ាំនឹងឱសថក្នុងអំឡុងពេលតែប៉ុន្មានសប្ដាហ៍នៃការប្រើប្រាស់។