Magnesium L-aspartate + Potassium L-aspartate

ជាទូទៅ ឱសថនេះប្រើនៅក្នុងការបំពេញតម្រូវការសារធាតុប៉ូតាស្យូមនៅក្នុងរាងកាយនៅពេលអ្នកជំងឺស្ថិតក្នុងស្ថានភាពដូចខាងក្រោម (ករណីសង្ស័យថាអ្នកជំងឺក៏មានកង្វះម៉ាញេស្យូមក្នុងរាងកាយផងដែរ)៖

(1)កំពុងប្រើប្រាស់ឱសថបញ្ចុះទឹកនោមដើម្បីបញ្ចុះសម្ពាធឈាម ឱសថអរម៉ូនស្តេរ៉ូអ៊ីត ឱសថបង្កើនសកម្មភាពបេះដូង(Digitoxinជាដើម) ថ្នាំចាក់អាំងស៊ុយលីន ឱសថប្រឆាំងមេរោគមួយចំនួន រយៈពេលយូរជាប់ៗគ្នា

(2)មានអាការៈស្ពឹកនៅតាមដៃជើងដោយសារការធ្លាក់ចុះទាបនៃកម្រិតប៉ូតាស្យូមក្នុងឈាម

(3)មានអាការៈក្អួតចង្អោរធ្ងន់ធ្ងរ រាករូស ការបរិភោគសារធាតុប៉ូតាស្យូមមិនគ្រប់គ្រាន់ និង រយៈពេលក្រោយទទួលការវះកាត់

(4)អ្នកដែលមានជំងឺបេះដូងនិងស្ថិតក្នុងស្ថានភាពនៃកម្រិតប៉ូតាស្យូមក្នុងឈាមធ្លាក់ចុះទាប។

(5)អ្នកដែលមានជំងឺថ្លើមនិងស្ថិតក្នុងស្ថានភាពនៃកម្រិតប៉ូតាស្យូមក្នុងឈាមធ្លាក់ចុះទាប។

ថ្នាំចាក់：

ក្នុងឱសថនេះ10mL រួមមាន សារធាតុPotassium L-aspartate 500mg (K⁺:2.92mEq) និង សារធាតុMagnesium L-aspartate 500mg (Mg²⁺:3.47mEq)។

មនុស្សពេញវ័យ：ប្រើ1ដង 10～20mL (កម្រិតប៉ូតាស្យូម：2.92～5.84 mEq) លាយជាមួយទឹកសម្រាប់លាយថ្នាំចាក់ ឬ សេរ៉ូមគ្លុយកូស5% ឬ សេរ៉ូមប្រៃជាដើមដើម្បីពង្រាវអោយបានកំហាប់ប៉ូតាស្យូម40mEq/Lចុះ រួចព្យួរសេរ៉ូមតាមសរសៃវ៉ែនក្នុងល្បឿនមិនអោយលើសពី8mL/នាទីនោះទេ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលមានបញ្ហាតម្រងនោមធ្ងន់ធ្ងរ (មានអាការៈខ្សត់ទឹកនោមដោយបរិមាណទឹកនោមនៅ1ថ្ងៃមុនមានកម្រិតតិចជាង500mL ឬ បរិមាណទឹកនោមនៅមុនពេលប្រើប្រាស់ឱសថនេះមានកម្រិតតិចជាង20mL/ម៉ោង)។

・អ្នកដែលមានបញ្ហាមុខងារក្រពេញអាដ្រេណាល់នៃតម្រងនោម(ជំងឺអាឌីសាន់(Addison's disease))។

・អ្នកដែលមានកម្រិតប៉ូតាស្យូមក្នុងឈាមខ្ពស់(Hyperkalemia)។

・អ្នកដែលមានកម្រិតម៉ាញេស្យូមក្នុងឈាមខ្ពស់(Hypermagnesemia)។

・អ្នកដែលមានអាការៈស្ពឹកនៅតាមដៃជើងដោយសារការកើនឡើងខ្ពស់នៃកម្រិតប៉ូតាស្យូមក្នុងឈាម (Hyperkalemic periodic paralysisឬHYPPឬHyperKPP)។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថEplerenone។

・នៅក្នុងអំឡុងពេលនៃការប្រើប្រាស់ឱសថនេះ គួរតាមដានបម្រែបម្រួលអេឡិចត្រូឡាយនៅក្នុងឈាម និង បម្រែបម្រួលនៃចង្វាក់បេះដូង(Electrocardiogram)។ ប្រសិនបើមានសញ្ញាណនៃការកើនឡើងខ្ពស់នៃកម្រិតប៉ូតាស្យូមក្នុងឈាម ត្រូវបញ្ឈប់ការប្រើប្រាស់ឱសថនេះ។

・ក្នុងករណីថ្នាំចាក់ មិនត្រូវចាក់បញ្ចូលឱសថនេះក្នុងសរសៃឈាមដោយល្បឿនលឿននោះទេ ព្រោះអាចធ្វើអោយមានគ្រោះថ្នាក់គាំងបេះដូង គឺត្រូវបញ្ចូលឱសថនេះតាមរយៈការព្យួរសេរ៉ូម។