Magnesium hydroxide

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- បន្សាបជាតិអាស៊ីតក្នុងក្រពះ ដើម្បីព្យាបាលជំងឺដំបៅក្រពះ ដំបៅគល់ពោះវៀនតូច(Duodenal ulcer) រលាកក្រពះ(រួមទាំង រលាកក្រពះស្រួចស្រាវឬរ៉ាំរ៉ៃ និង រលាកក្រពះដោយសារការប្រើប្រាស់ឱសថ) ភាពខុសប្រក្រតីនៃមុខងារប្រដាប់រំលាយអាហារផ្នែកខាងលើ(រួមទាំង អាការៈបាត់បង់ចំណង់អាហារដែលទាក់ទងនឹងបញ្ហាសរសៃប្រសាទ(Anorexia nervosa) ជំងឺក្រពះយារធ្លាក់(Gastroptosis) អាការៈនៃអាស៊ីតក្រពះកើនឡើងហួសហេតុ)។

- អាការៈទល់លាមក។

ថ្នាំលេប：

・ករណីប្រើជាឱសថបន្សាបជាតិអាស៊ីតក្នុងក្រពះ：

មនុស្សពេញវ័យ：លេប 1ថ្ងៃ 0.9～2.4g ដោយបែងចែកជាច្រើនដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីប្រើជាឱសថបន្ទន់លាមកចំពោះអាការៈទល់លាមក：

មនុស្សពេញវ័យ：លេប1ថ្ងៃ 0.9～2.1g ដោយបែងចែកជាច្រើនដងក្នុង1ថ្ងៃឬប្រើនៅពេលមានអាការៈទល់លាមក។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ គួរពិសាជាមួយទឹកអោយបានច្រើន(ប្រមាណ180mL)។

・អ្នកដែលធ្លាប់កើតមានរោគប្រតិកម្មជាមួយនឹងទឹកដោះគោ (ករណីឱសថមានផ្ទុកសារធាតុCaseinតែប៉ុណ្ណោះ)។

ផលរំខានរួមមាន រាករូស ។ល។ ករណីប្រើយូវអង្វែង អាចធ្វើអោយកើតមានអាការៈនៃការកើនឡើងកម្រិតម៉ាញ៉េស្យូមក្នុងឈាម។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រឆាំងបាក់តេរីប្រភេទTetracycline(Minocycline, Doxycycline, Tetracyclineជាដើម), ឱសថប្រឆាំងបាក់តេរីប្រភេទNew quinolone(Ciprofloxacin, Tosufloxacin), ឱសថប្រភេទBisphosphonate(Etidronate disodium, Sodium Risedronate ជាដើម), ឱសថCefdinir, ឱសថDelavirdine, ឱសថPenicillamine - អាចធ្វើអោយការស្រូបនៃសារធាតុឱសថទាំងនេះថយចុះ។ ដូច្នេះ គួរចៀសវាងប្រើប្រាស់ឱសថទាំងនេះក្នុងពេលតែមួយ។

・ឱសថRosuvastatin, ឱសថGabapentin, ឱសថCelecoxib, ឱសថAzithromycin, ឱសថRabeprazole - អាចធ្វើអោយកំហាប់ក្នុងឈាមក៏ដូចជាប្រសិទ្ធិភាពនៃឱសថទាំងនេះថយចុះ។

・ឱសថប្រភេទDigitalis (Digoxin, Digitoxin ជាដើម), ឱសថFexofenadine, ឱសថជាតិដែក - អាចមានឥទ្ធិពលដល់ការស្រូបឬការបញ្ចេញចោលនៃឱសថទាំងនេះ។ ដូច្នេះ គួរចៀសវាងប្រើប្រាស់ឱសថទាំងនេះក្នុងពេលតែមួយ។

・ឱសថPolycarbophil calcium - អាចធ្វើអោយប្រសិទ្ធិភាពនៃឱសថPolycarbophil calciumថយចុះ។

・ឱសថព្យាបាលការកើនឡើងកម្រិតប៉ូតាស្យូមក្នុងឈាម(ឱសថCalcium polystyrene sulfonate, ឱសថSodium polystyrene sulfonate) - អាចធ្វើអោយសកម្មភាពនៃសារធាតុឱសថទាំងនេះថយចុះ។

・ឱសថវីតាមីនដេ (Alfacalcidol, Calcitriol, វីតាមីនដេ) - អាច្វើអោយកម្រិតម៉ាញ៉េស្យូមក្នុងឈាមកើនឡើងខ្ពស់។

・ទឹកដោះគោក្នុងបរិមាណច្រើន ឱសថជាតិកាល់ស្យូម - អាចធ្វើអោយកើតមានរោគសញ្ញា Milk-alkalisyndrome។ ប្រសិនបើកើតឡើង ត្រូវបញ្ឈប់ការប្រើប្រាស់ឱសថ។

・ឱសថMisoprostol - អាចធ្វើអោយកើតមានអាការៈរាករូស។

・ការបរិភោគទឹកដោះគោក្នុងបរិមាណច្រើនឬឱសថជាតិកាល់ស្យូម អាចធ្វើអោយកើតមានផលរំខាន រួមមាន រោគសញ្ញានៃការកើនឡើងខ្ពស់នៃកម្រិតកាល់ស្យូមក្នុងឈាម។

・ត្រូវប្រុងប្រយ័ត្ននៅពេលប្រើចំពោះអ្នកជំងឺដែលមានបញ្ហាតម្រងនោមឬបេះដូង។

ឱសថនេះមានសកម្មភាពដូចខាងក្រោម៖

- បន្សាបជាតិអាស៊ីតក្នុងក្រពះ។ ដោយប្រតិកម្មនៃឱសថនេះមិនបញ្ចេញឧស្ម័នកាបូនឌីអុកស៊ីត វានឹងមិនបង្កអោយមានការបញ្ចេញអាស៊ីតក្រពះសារជាថ្មីនោះទេ។

- សកម្មភាពបន្ទន់លាមកសម្រួលដល់ការបន្ទោរបង់។ ឱសថនេះនឹងប្រតិកម្មនៅក្នុងក្រពះបង្កើតជាអំបិលម៉ាញ៉េស្យូម រួចធ្វើដំណើរទៅក្នុងពោះវៀន ហើយមានប្រតិកម្មជាមួយនឹងសារធាតុSodium bicarbonate ក្លាយទៅជាMagnesium bicarbonateឬMagnesium carbonateដែលមានលក្ខណៈមិនរលាយនិងពិបាកស្រូបចេញពីពោះវៀន។ សារធាតុទាំងនេះនឹងស្រូបយកជាតិទឹកចូលក្នុងពោះវៀន ធ្វើអោយរីកមាឌនិងលាមកមានលក្ខណៈទន់ ហើយនៅពេលចូលដល់ពោះវៀនធំ វានឹងភ្ញោចអោយពោះវៀនធំមានចលនា ដើម្បីបញ្ចេញលាមក។