Lopinavir + Ritonavir

ជាទូទៅ ឱសថនេះប្រើនៅក្នុងការព្យាបាលជំងឺឆ្លងវីរុសហ៊ីវ(HIV)។

ថ្នាំលេប ទម្រង់ជាថ្នាំគ្រាប់：

ក្នុងឱសថ1គ្រាប់ រួមមាន：(1) Lopinavir 200mg, (2) Ritonavir 50mg។

-មនុស្សពេញវ័យ：លេប1ដង2គ្រាប់, 1ថ្ងៃ2ដង ឬ លេប1ថ្ងៃ1ដង4គ្រាប់ មុនឬក្រោយបរិភោគអាហារ។

-កុមារទម្ងន់40kgឡើងទៅ：លេប1ដង2គ្រាប់, 1ថ្ងៃ2ដង មុនឬក្រោយបរិភោគអាហារ។

ថ្នាំលេប ទម្រង់ជាថ្នាំទឹក：

ក្នុងឱសថ1mL រួមមាន：(1) Lopinavir 80mg, (2) Ritonavir 20mg។

-មនុស្សពេញវ័យ：ពិសារ1ដង5mL, 1ថ្ងៃ2ដង ក្រោយបរិភោគអាហារ។

-កុមារទម្ងន់7kg～ក្រោម15kg：ពិសារ1ដង(Lopinavir 12mg, Ritonavir3mg)/kg, 1ថ្ងៃ2ដង ក្រោយបរិភោគអាហារ។ កម្រិតអតិបរមាគឺ 1ដង5mL (Lopinavir 400mg, Ritonavir100mg) , 1ថ្ងៃ2ដង។

-កុមារទម្ងន់15kg～ក្រោម40kg：ពិសារ1ដង(Lopinavir 10mg, Ritonavir2.5mg)/kg, 1ថ្ងៃ2ដង ក្រោយបរិភោគអាហារ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថដូចខាងក្រោម：Pimozide, Ergotamine tartrate, Dihydroergotamine mesilate, Ergometrin maleate, Methylergometrine maleate, Triazolam, Midazolam, Vardenafil, Sildenafil citrate, Tadalafil, Blonanserin, Azelnidipine, Rivaroxaban, Lomitapide mesilate, Riociguat, Voriconazole, Grazoprevir hydrate។

・អ្នកដែលកំពុងប្រើប្រាស់ឱសថColchicineនិងមានមុខងារតម្រងនោមឬមុខងារថ្លើមខ្សោយ។

ផលរំខានរួមមាន រាករូស ចង់ក្អួត ឈឺពោះ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ស្ងួតក ផឹកទឹកច្រើន នោមច្រើន (ជំងឺទឹកនោមផ្អែម)

- ក្អួតចង្អោរ ឈឺពោះខ្លាំង (រលាកលំពែង)

- ចេញឈាមក្រោមស្បែក ឈាមច្រមុះ ឈាមតាមអញ្ចាញធ្មេញ (អាការៈងាយហូរឈាម)

- អស់កម្លាំង បាត់បង់ចំណង់អាហារ ភ្នែកនិងស្បែកឡើងពណ៌លឿង (រលាកថ្លើម)

- ដង្ហក់ វិលមុខ អារម្មណ៍មិនស្រួលក្នុងទ្រូង (ជំងឺចង្វាក់បេះដូងBradyarrhythmia)

- ឈឺសន្លាក់ ភ្នែកក្រហម (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(TEN)ជាដើម)

・ឱសថដូចខាងក្រោម：Pimozide, Ergotamine tartrate, Dihydroergotamine mesilate, Ergometrin maleate, Methylergometrine maleate, Triazolam, Midazolam, Vardenafil, Sildenafil citrate, Tadalafil, Blonanserin, Azelnidipine, Rivaroxaban, Lomitapide mesilate, Riociguat, Grazoprevir hydrate - អាចធ្វើអោយមានផលរំខានធ្ងន់ធ្ងរទាក់ទងនឹងចង្វាក់បេះដូង ប្រព័ន្ធផលិតឈាម ឬ សរសៃឈាមជាដើម ដូច្នេះ ហាមប្រើរួមគ្នា។

・ឱសថVoriconazole - អាចធ្វើអោយកំហាប់ក្នុងឈាមនៃVoriconazoleធ្លាក់ចុះ ដូច្នេះ ហាមប្រើរួមគ្នា។

ក្រៅពីនេះ មានឱសថជាច្រើនផ្សេងទៀតដែលត្រូវប្រុងប្រយ័ត្ននៅពេលប្រើរួមជាមួយនឹងឱសថនេះ សូមពិនិត្យមើលព័ត៌មានបន្ថែម។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・អាហារបំប៉នដែលមានសារធាតុ St.John's Wort អាចធ្វើអោយប្រសិទ្ធិភាពនៃឱសថនេះថយចុះ ដូច្នេះត្រូវចៀសវាងការប្រើប្រាស់រួមគ្នា។

・ឱសថនេះមានប្រសិទ្ធិភាពត្រឹមទប់ទល់នឹងការកើនឡើងនៃវីរុសហ៊ីវក្នុងរាងកាយ ប៉ុន្តែមិនអាចកម្ចាត់វីរុសហ៊ីវអស់ទាំងស្រុងនោះទេ។

・សម្រាប់ថ្នាំប្រភេទទឹក អាចមានផ្ទុកសារធាតុអេតាណុលដែលជាគ្រឿងស្រវឹង ដូច្នេះ ត្រូវប្រុងប្រយ័ត្ននៅពេលបើកបរឬធ្វើការងារដែលមានគ្រោះថ្នាក់។ សូមពិនិត្យមើលព័ត៌មានអំពីសារធាតុផ្សំរបស់ឱសថនីមួយៗ។

ជាឱសថដែលមានសារធាតុប្រឆាំងវីរុសហ៊ីវ(HIV)ចំនួន2ប្រភេទ។

- Lopinavir មានប្រសិទ្ធិភាពបង្អាក់សកម្មភាពរបស់អង់ស៊ីមProteaseរបស់វីរុស ធ្វើអោយវីរុសមិនអាចវិវត្តទៅជាវីរុសសកម្មឬកើនចំនួនបាន។

- Ritonavir មានប្រសិទ្ធិភាពបង្អាក់សកម្មភាពអង់ស៊ីមCYP3Aដែលជាអង់ស៊ីមបំលែងLopinavirទៅជាអសកម្ម។ ការបង្អាក់សកម្មភាពអង់ស៊ីមCYP3A ធ្វើអោយកំហាប់ក្នុងឈាមនៃLopinavirកើនឡើង ហើយប្រសិទ្ធិភាពប្រឆាំងវីវុសក៏កើនឡើងផងដែរ។