Liothyronine sodium

ជាទូទៅ ឱសថនេះប្រើដើម្បីបំពេញមុខងារអរម៉ូនក្រពេញទីរ៉ូអ៊ីត ដោយមានប្រសិទ្ធិភាពនៅក្នុងការព្យាបាលដូចខាងក្រោម ៖

- ជំងឺហើមដោយសារខ្សោយមុខងារក្រពេញទីរ៉ូអ៊ីត(Myxedema)

- ជំងឺខ្សោយមុខងារក្រពេញទីរ៉ូអ៊ីតពីកំណើត (Cretinism)

- រោគសញ្ញានៃការខ្សោយមុខងារក្រពេញទីរ៉ូអ៊ីត (ទាំងករណីគ្មានជំងឺជាមូលហេតុ និងករណីដោយសារបញ្ហាក្រពេញPituitary)

- ជំងឺរលាកក្រពេញទីរ៉ូអ៊ីតរ៉ាំរ៉ៃ

- ជំងឺមហារីកក្រពេញទីរ៉ូអ៊ីត។

ថ្នាំលេប：

មនុស្សពេញវ័យ：នៅលើកដំបូង លេបក្នុងកម្រិត1ថ្ងៃ 5～25μg បែងចែកជា2ដងក្នុង1ថ្ងៃ ដោយបង្កើនកម្រិតប្រើបន្តិចម្ដងៗរៀងរាល់1～2សប្ដាហ៍ រហូតដល់កម្រិតប្រើជាប្រចាំគឺ1ថ្ងៃ 25～75μg បែងចែកជា2ដងក្នុង1ថ្ងៃ។

・អ្នកដែលទើបតែកើតមានអាការៈស្ទះសរសៃឈាមក្នុងបេះដូង។

ផលរំខានរួមមាន ឡើងកន្ទួលក្រហម ជីពចរឬចង្វាក់បេះដូងលោតញាប់ ញ័រដៃជើង គេងមិនលក់ ឈឺក្បាល វិលមុខ បែកញើស អាការៈផ្នែកស្មារតី ក្អួតចង្អោរ រាករូស ឈឺសាច់ដុំ ស្រកទម្ងន់ បញ្ហាការមករដូវ ស្បែកក្រហម។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- បែកញើសទាំងត្រជាក់ ចង់ក្អួត ពិបាកដកដង្ហើម (អាការៈប្រតិកម្មធ្ងន់ធ្ងរ(Shock))

- ឈឺទ្រូង ថប់ទ្រូង អារម្មណ៍ចង្អៀតឬដូចត្រូវសង្កត់នៅទ្រូង ពិបាកដកដង្ហើម ហើមពេញខ្លួន(ជំងឺត្បៀតសរសៃឈាមក្នុងបេះដូង ជំងឺខ្សោយបេះដូងCongestive heart failure)

- អស់កម្លាំង បាត់បង់ចំណង់អាហារ ភ្នែកនិងស្បែកប្រែពណ៌លឿង (មុខងារថ្លើមចុះខ្សោយ ខាន់លឿង)

- អស់កម្លាំង សម្ពាធឈាមទាប បរិមាណទឹកនោមថយចុះ ពិបាកដកដង្ហើម (ជំងឺខ្សោយក្រពេញអាដ្រេណាល់ស្រួចស្រាវ(Adrenal crisis))។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រឆាំងកំណកឈាមWarfarin - អាចធ្វើអោយសកម្មភាពនៃWarfarinកើនឡើង។

・ឱសថភ្ញោចប្រព័ន្ធប្រសាទ (Adrenalin, Noradrenaline, Ephedrine, Methylephedrine) - អាចធ្វើអោយសកម្មភាពនៃឱសថទាំងនេះកើនឡើង។

・ឱសថបង្កើនសកម្មភាពបេះដូង (Digoxin, Digitoxin ជាដើម) - អាចធ្វើអោយសកម្មភាពនៃឱសថទាំងនេះប្រែប្រួល។

・ឱសថបញ្ចុះជាតិស្ករក្នុងឈាម - អាចធ្វើអោយការគ្រប់គ្រងជាតិស្ករក្នុងឈាមប្រែប្រួល។

・ឱសថColestyramine, ឱសថColestimide, ឱសថជាតិដែក, ឱសថមានផ្ទុកសារធាតុអាលុយមីញ៉ូម, ឱសថCalcium carbonate, ឱសថLanthanum carbonate hydrate, ឱសថSevelamer hydrochloride - អាចធ្វើអោយការស្រូបសារធាតុឱសថទាំងនេះថយចុះ។ ដូច្នេះ គួរទុកគម្លាតរវាងការប្រើប្រាស់ឱសថទាំងនេះជាមួយនឹងឱសថLiothyronine sodium។

・ឱសថPhenytoin - អាចធ្វើអោយកំហាប់ក្នុងឈាមនៃឱសថLiothyronine sodiumថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ករណីប្ដូរពីការប្រើឱសថអរម៉ូនT4 មកប្រើឱសថនេះ ត្រូវប្រុងប្រយ័ត្ន ព្រោះសកម្មភាពឱសថនឹងកើនឡើង ដែលអាចបង្កជាផលរំខានផ្សេងៗ។

ឱសថនេះមានសកម្មភាពដូចទៅនឹងអរម៉ូនក្រពេញទីរ៉ូអ៊ីតនៅក្នុងរាងកាយ រួមមាន ៖

- បង្កើនប្រសិទ្ធិភាពនៃការប្រើប្រាស់អុកស៊ីសែន ធ្វើអោយប្រតិកម្មនៅក្នុងរាងកាយកើនឡើង។

- ជម្រុញការលូតលាស់ ប៉ុន្តែ វានឹងទប់ស្កាត់ការលូតលាស់ទៅវិញ ករណីប្រើឱសថនេះក្នុងកម្រិតខ្ពស់។

- ជម្រុញការសំយោគប្រូតេអ៊ីន ប៉ុន្តែ វានឹងជម្រុញការបំបែកប្រូតេអ៊ីនទៅវិញ ករណីប្រើឱសថនេះក្នុងកម្រិតខ្ពស់។

- បញ្ចុះសារធាតុខ្លាញ់នៅក្នុងឈាម ជាពិសេសកូឡេស្តេរ៉ូល។

- ជម្រុញការបំបែកសារធាតុGlycogenនៅក្នុងថ្លើម។ល។