Lidocaine hydrochloride + Adrenaline bitartrate

ជាទូទៅ ឱសថនេះប្រើនៅក្នុងការធ្វើអោយមានអាការៈស្ពឹកនៅក្នុងការព្យាបាលមាត់ធ្មេញ(Conduction anesthesia, Infiltration anesthesia)។

ថ្នាំចាក់：

・ក្នុងឱសថ1mL រួមមាន：Lidocaine hydrochloride 20mg និង Adrenaline bitartrate 0.025mg។

・ក្នុងឱសថ1.8mL រួមមាន：Lidocaine hydrochloride 36mg និង Adrenaline bitartrate 0.045mg។

មនុស្សពេញវ័យ：ចំពោះវិធីConduction anesthesia និង Infiltration anesthesia ប្រើ0.3～1.8mL។ ចំពោះការប្រើនៅក្នុងផ្នែកព្យាបាលផ្សេងក្រៅពីមាត់ធ្មេញ ត្រូវប្រើក្នុងកម្រិត3～5mL។ អាចបង្កើនឬបន្ថយកម្រិតប្រើប្រាស់ទៅតាមអាយុ រោគសញ្ញា វិធីស្ពឹក ផ្នែកនៃរាងកាយ និង ស្ថានភាពរបស់អ្នកជំងឺ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬថ្នាំស្ពឹកប្រភេទអាមីដ(Amide)។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលមានជំងឺលើសសម្ពាធឈាម ជំងឺរឹងសរសៃឈាម(Arteriosclerosis) ជំងឺខ្សោយបេះដូង(Heart failure) ជំងឺមុខងារក្រពេញទីរ៉ូអ៊ីតកើនឡើង(Hyperthyroidism) ឬ ជំងឺទឹកនោមផ្អែម។

ផលរំខានរួមមាន វិលមុខ ងងុយគេង អារម្មណ៍មិនស្ងប់ ស្មារតីកើនឡើងហួសហេតុ ក្អួតចង្អោរ ហើម បេះដូងលោតញាប់ សម្ពាធឈាមកើនឡើង ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ជីពចរដើរយឺត សម្ពាធឈាមធ្លាក់ចុះ ទឹកមុខស្លេកស្លាំង (អាការៈប្រតិកម្មធ្ងន់ធ្ងរ(Shock))

- ស្មារតីដឹងខ្លួនធ្លាក់ចុះ ញ័រដៃជើង សាច់ដុំកន្ត្រាក់ (បាត់បង់ស្មារតី ប្រកាច់)

- ជីពចរដើរញាប់ ចង្វាក់បេះដូងខុសប្រក្រតី សម្ពាធឈាមប្រែប្រួល កម្ដៅក្នុងខ្លួនកើនឡើងភ្លាមៗ រឹងសាច់ដុំ (ក្ដៅខ្លួនធ្ងន់ធ្ងរ(Malignant hyperthermia))។

・ថ្នាំស្ពឹកលក្ខណៈស្រូបដែលមានសារធាតុHalogen (Halothane ជាដើម) - អាចធ្វើអោយកើតមានអាការៈញ័រថតក្រោមនៃបេះដូង ឬ ចង្វាក់បេះដូងកើនឡើង។

・ឱសថព្យាបាលជំងឺបាក់ទឹកចិត្តប្រភេទTricyclic antidepressants (ឱសថImipramine ជាដើម), ឱសថប្រភេទMAO inhibitors - អាចធ្វើអោយសម្ពាធឈាមឡើងខ្ពស់។

・ឱសថប្រភេទβ blockers (Propranolol ជាដើម) - អាចធ្វើអោយសម្ពាធឈាមឡើងខ្ពស់ ជីពចរខ្សោយ ។ល។

・ឱសថព្យាបាលជំងឺស្មារតី (Haloperidol, Chlorpromazine ជាដើម), ឱសថប្រភេទα blockers - អាចធ្វើអោយសម្ពាធឈាមចុះទាបខ្លាំង។

・ឱសថជម្រុញការសម្រាលកូន(Oxytocin ជាដើម), ឱសថប្រភេទErgot alkaloids(Ergotamine ជាដើម) - អាចធ្វើអោយសម្ពាធឈាមឡើងខ្ពស់។

・ឱសថព្យាបាលជំងឺទាក់ទងនឹងចង្វាក់បេះដូងក្រុមទីIII (Amiodarone ជាដើម) - អាចធ្វើអោយសកម្មភាពរបស់បេះដូងថយចុះខ្លាំង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

ឱសថនេះផ្សំឡើងដោយសារធាតុសកម្មចំនួន2៖

- Lidocaine hydrochloride：មានសកម្មភាពទប់ស្កាត់គ្រឿងចម្លងអ៊ីយ៉ុងសូដ្យូម(Na+ Channel) ធ្វើអោយអ៊ីយ៉ុងសូដ្យូមមិនអាចចូលទៅក្នុងកោសិកាសាច់ដុំនៃបេះដូងឬសរសៃប្រសាទបាន ជាលទ្ធផល ឱសថនេះមានប្រសិទ្ធិភាពទប់ស្កាត់ការកើតឡើងនៃប៉ូតង់ស្យែលសកម្ម(Action potential)នៅក្នុងសរសៃប្រសាទញាណនិងចលនា បង្កជាអាការៈស្ពឹក។

- Adrenaline bitartrate：មានសកម្មភាពកន្ត្រាក់សរសៃឈាមអោយរួមតូច ដើម្បីកាត់បន្ថយការស្រូបចូលនៃសារធាតុLidocaine hydrochlorideពីកន្លែងចាក់ ធ្វើអោយអាចពន្យាររយៈពេលនៃប្រសិទ្ធិភាពស្ពឹក។