Levodopa + Carbidopa hydrate

ជាទូទៅ ឱសថនេះប្រើនៅក្នុងការព្យាបាលជំងឺឬបណ្ដុំរោគសញ្ញាប៉ាឃីនសុន(Parkinson's disease and Parkinsonism)។

ថ្នាំលេប：

・ករណីអ្នកជំងឺមិនកំពុងប្រើឱសថLevodopa：

មនុស្សពេញវ័យ：ចាប់ផ្ដើមប្រើពីកម្រិត 1ដង100～125mg (កម្រិតLevodopa) 1ថ្ងៃ100～300mg(កម្រិតLevodopa)។ បន្ទាប់ពីនោះ បង្កើនកម្រិតម្ដង100～125mg(កម្រិតLevodopa) រៀងរាល់ថ្ងៃឬ2ថ្ងៃម្ដង រហូតដល់កម្រិតដែលសមស្របសម្រាប់ការប្រើជាប្រចាំ (ជាទូទៅគឺ1ដង200～250mg(កម្រិតLevodopa) 1ថ្ងៃ3ដង)។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ មិនត្រូវប្រើលើសពី1500mg(កម្រិតLevodopa)ក្នុង1ថ្ងៃនោះទេ។

・ករណីអ្នកជំងឺកំពុងប្រើឱសថLevodopa：

មនុស្សពេញវ័យ：ក្រោយប្រើឱសថLevodopaតែឯងរួច ត្រូវទុកគម្លាតរយៈពេលយ៉ាងហោចណាស់8ម៉ោងមុននឹងចាប់ផ្ដើមប្រើឱសថនេះ។ នៅលើកដំបូង ប្រើឱសថនេះក្នុងកម្រិតដែលបរិមាណLevodopaក្នុង1ថ្ងៃនៃឱសថនេះស្មើនឹង1/5នៃបរិមាណឱសថLevodopaដែលកំពុងប្រើ ដោយបែងចែកជា3ដងក្នុង1ថ្ងៃ។ បន្ទាប់ពីនោះ បង្កើនឬបន្ថយកម្រិតប្រើប្រាស់ទៅតាមរោគសញ្ញា រហូតដល់កម្រិតដែលសមស្របសម្រាប់ការប្រើជាប្រចាំ (ជាទូទៅគឺ1ដង200～250mg(កម្រិតLevodopa) 1ថ្ងៃ3ដង)។ មិនត្រូវប្រើលើសពី1500mg(កម្រិតLevodopa)ក្នុង1ថ្ងៃនោះទេ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានជំងឺក្លូកូមប្រភេទបិទជិទ(Angle-closure glaucoma)។

ផលរំខានរួមមាន ចង់ក្អួត ក្អួត បាត់បង់ចំណង់អាហារ ចលនាមិនអាចគ្រប់គ្រងបាន(ញ័រ អណ្ដាតឬចង្ការមានចលនាដោយឯកឯង) ងងឹតមុខពេលក្រោកឈរ ឡើងកន្ទួលក្រហម អាការៈខ្វះឈាម ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ក្ដៅខ្លួនខ្លាំង សាច់ដុំរឹង ញ័រដៃជើង សាច់ដុំកន្ត្រាក់ (Syndrome malin)

- មិនស្គាល់ទីកន្លែងឬពេលវេលា ឃើញរូបភាពឬស្ដាប់លឺសម្លេងដែលមិនមានពិត អស់កម្លាំង (វង្វេងវង្វាន់ រវើរវាយ ជំងឺបាក់ទឹកចិត្ត)

- ឈឺនៅចុងដង្ហើម ឈឺដូចគេសង្កត់ ក្អួតចង្អោរ (អាការៈនៃជំងឺដំបៅក្រពះឬគល់ពោះវៀនតូចកាន់តែធ្ងន់ធ្ងរ)

- អស់កម្លាំង បេះដូងលោតញាប់ ដង្ហក់ ទឹកនោមពណ៌ក្រហមត្នោត ឈាមច្រមុះ ឈាមតាមអញ្ចាញធ្មេញ (ជំងឺខ្វះឈាមប្រភេទHemolytic anemia រោគសញ្ញានៃចំនួនប្លាកែតថយចុះ)

- ងងុយគេងភ្លាមៗ (ការគេងលក់ភ្លាមៗ)

- ភ្នែកព្រិល ឈឺភ្នែក ភ្នែកក្រហម ឈឺក្បាល ចង់ក្អួត (ជំងឺក្លូកូមប្រភេទបិទជិទ(Angle-closure glaucoma))។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថReserpine, ឱសថTetrabenazine - អាចធ្វើអោយសារធាតុដូប៉ាមីននៅក្នុងខួរក្បាលថយចុះ ហើយប្រសិទ្ធិភាពនៃLevodopaក៏ថយចុះ។

・ឱសថMethyldopa hydrate, ឱសថReserpine - អាចធ្វើអោយសកម្មភាពបញ្ចុះសម្ពាធឈាមកើនឡើង។

・ឱសថព្យាបាលជំងឺទាក់ទងនឹងស្មារតី (ឱសថប្រភេទPhenothiazine (Chlorpromazine ជាដើម), ឱសថប្រភេទButyrophenone(Haloperidol ជាដើម), ឱសថPerospirone ជាដើម) - អាចធ្វើអោយសកម្មភាពនៃLevodopaថយចុះ។

・ឱសថប្រឆាំងគ្រឿងទទួលNMDA (Memantine hydrochloride ជាដើម) - អាចធ្វើអោយសកម្មភាពនៃLevodopaកើនឡើង។

・ឱសថPapaverine hydrochloride - អាចធ្វើអោយសកម្មភាពនៃLevodopaថយចុះ។

・ឱសថព្យាបាលអាការៈប៉ាឃីនសុនផ្សេងទៀត (ឱសថប្រឆាំងអាសេទីលកូលីន, ឱសថAmantadine hydrochloride, ឱសថBromocriptine mesilate) - អាចធ្វើអោយកើតមានផលរំខានទាក់ទងនឹងសរសៃប្រសាទស្មារតី។

・ឱសថជាតិដែក - អាចធ្វើអោយសកម្មភាពនៃLevodopaថយចុះ។

・ឱសថIsoniazid - អាចធ្វើអោយសកម្មភាពនៃLevodopaថយចុះ។

・ឱសថSpiramycin - អាចធ្វើអោយកំហាប់ក្នុងឈាមនៃLevodopaថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើប្រាស់ឱសថនេះទេ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថនេះអាចធ្វើអោយការបញ្ចេញទឹកដោះថយចុះ។

・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា ងងុយគេង ពិបាកផ្ដុំអារម្មណ៍ ងាយធ្វេសប្រហែស ឬការគេងលក់ភ្លាមៗ ជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

・ការប្រើប្រាស់ឱសថនេះអាចធ្វើអោយញើស ទឹកនោម ឬ ទឹកមាត់ ប្រែពណ៌ទៅជាខ្មៅ។

・ប្រើចំពោះអ្នកជំងឺដែលរោគសញ្ញាបានវិវត្តមួយកម្រិតហើយ ដោយឱសថនេះមានប្រសិទ្ធិភាពកាត់បន្ថយអាការៈគ្មានចលនា(Akinesia)និងសាច់ដុំរឹង(Rigidity)របស់អ្នកជំងឺប៉ាឃីនសុន។

・ត្រូវផ្ដល់ដំបូន្មានអោយអ្នកជំងឺដែលអាចកើតមានជំងឺក្លូកូមប្រភេទបិទជិទ(Angle-closure glaucoma) ទៅទទួលការពិនិត្យនៅផ្នែកចក្ខុ។

ឱសថនេះផ្សំឡើងដោយសារធាតុសកម្មចំនួន2៖

- Levodopa：នឹងបំលែងទៅជាសារធាតុដូប៉ាមីន(Dopamine) ដោយគេសន្មតថាការខ្វះសារធាតុដូប៉ាមីននៅក្នុងខួរក្បាលធ្វើអោយកើតមានរោគសញ្ញាប៉ាឃីនសុន។ ដូច្នេះ សារធាតុឱសថនេះមានតួនាទីបំពេញកង្វះខាតនៃសារធាតុដូប៉ាមីននៅក្នុងខួរក្បាល។

- Carbidopa：ទប់ស្កាត់សកម្មភាពនៃអង់ស៊ីមDecarboxylaseដែលបំលែងសារធាតុឱសថLevodopaទៅជាដូប៉ាមីន។ ដោយសារCarbidopaមិនអាចជ្រៀតចូលក្នុងខួរក្បាលបាន វាធ្វើអោយការបំលែងពីLevodopaទៅជាដូប៉ាមីនមិនអាចកើតឡើងទេនៅផ្នែកក្រៅពីខួរក្បាល ដូច្នេះ Levodopaកាន់តែច្រើននឹងជ្រៀតចូលក្នុងខួរក្បាលដើម្បីទទួលប្រតិកម្មបំលែងទៅជាដូប៉ាមីន។