Lenalidomide hydrate

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺមហារីកខួរឆ្អឹង ប្រភេទMultiple myeloma

- ជំងឺកកើតខួរឆ្អឹងខុសប្រក្រតី (Myelodysplastic syndromes, MDS) ដែលមានរោគសញ្ញានៃការខ្វះផ្នែក5qនៅលើក្រូម៉ូសូមលេខ5 (5q-syndrome)

- ជំងឺ Adult T-cell leukemia lymphoma (ATL) ដែលរើឡើងវិញឬពិបាកព្យាបាល

- ជំងឺ Follicular lymphoma និង ជំងឺ Marginal zone lymphoma ដែលរើឡើងវិញឬពិបាកព្យាបាល។

ថ្នាំលេប：

・ករណីជំងឺមហារីកខួរឆ្អឹង ប្រភេទMultiple myeloma:

ប្រើរួមជាមួយឱសថDexamethasone ដោយមនុស្សពេញវ័យ លេបក្នុងកម្រិត 1ថ្ងៃ1ដង 25mg រៀងរាល់ថ្ងៃ រយៈពេល21ថ្ងៃ បន្ទាប់មក ផ្អាកការប្រើប្រាស់ឱសថនេះរយៈពេល7ថ្ងៃ (1វដ្ដ)។ បន្តអនុវត្តបែបនេះតទៅ។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

・ករណីជំងឺកកើតខួរឆ្អឹងខុសប្រក្រតី (Myelodysplastic syndromes, MDS) ដែលមានរោគសញ្ញានៃការខ្វះផ្នែក5qនៅលើក្រូម៉ូសូមលេខ5 (5q-syndrome):

មនុស្សពេញវ័យ លេបក្នុងកម្រិត 1ថ្ងៃ1ដង 10mg រៀងរាល់ថ្ងៃ រយៈពេល21ថ្ងៃ បន្ទាប់មក ផ្អាកការប្រើប្រាស់ឱសថនេះរយៈពេល7ថ្ងៃ (1វដ្ដ)។ បន្តអនុវត្តបែបនេះតទៅ។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

・ករណីជំងឺ Adult T-cell leukemia lymphoma (ATL) ដែលរើឡើងវិញឬពិបាកព្យាបាល:

មនុស្សពេញវ័យ លេបក្នុងកម្រិត 1ថ្ងៃ1ដង 25mg រៀងរាល់ថ្ងៃ។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

・ករណីជំងឺ Follicular lymphoma និង ជំងឺ Marginal zone lymphoma ដែលរើឡើងវិញឬពិបាកព្យាបាល:

ប្រើឱសថនេះរួមជាមួយឱសថRituximab។ មនុស្សពេញវ័យ លេបឱសថនេះក្នុងកម្រិត 1ថ្ងៃ1ដង 20mg រៀងរាល់ថ្ងៃ រយៈពេល21ថ្ងៃ បន្ទាប់មក ផ្អាកការប្រើប្រាស់ឱសថនេះរយៈពេល7ថ្ងៃ (1វដ្ដ)។ បន្តអនុវត្តបែបនេះរហូតដល់12វដ្តជាអតិបរមា។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដំងឺដែលមិនអាចអនុវត្តទៅតាមការណែនាំនៅក្នុងការប្រើប្រាស់ឱសថនេះ។

・អ្នកដែលធ្លាប់មានរោគប្រតិកម្មដោយសារសារធាតុនៅក្នុងឱសថនេះ។

・ឱសថនេះស្ថិតក្នុងស្រឡាយសារធាតុThalidomide ដែលមានឥទ្ធិពលប៉ះពាល់ដល់ការលូតលាស់របស់គភ៌ក្នុងផ្ទៃនៃស្ត្រីមានផ្ទៃពោះ ដូច្នេះ ហាមដាច់ខាតមិនត្រូវប្រើឱសថនេះចំពោះស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះនោះទេ។

・ស្ត្រីដែលអាចមានផ្ទៃពោះ គួរទទួលការពិនិត្យមុននឹងចាប់ផ្ដើមប្រើឱសថនេះ ដើម្បីបញ្ជាក់ថាមិនកំពុងមានផ្ទៃពោះនោះទេ។ ម្យ៉ាងទៀត ចាប់ពីរយៈពេល4សប្ដាហ៍មុនប្រើឱសថនេះរហូតដល់4សប្ដាហ៍ក្រោយឈប់ប្រើឱសថនេះ ទាំងស្ត្រីនិងដៃគូត្រូវអនុវត្តវិធីពន្យារកំណើតដែលមានប្រសិទ្ធិភាពអោយបានម៉ត់ចត់។

・ឱសថនេះអាចជ្រៀតចូលទៅក្នុងទឹកកាម ដូច្នេះ អ្នកជំងឺជាបុរសត្រូវប្រើស្រោមអនាម័យនៅពេលរួមភេទនិងវិធីពន្យារកំណើតដែលមានប្រសិទ្ធិភាពអោយបានខ្ជាប់ខ្ជួន។ ហើយក្នុងអំឡុងពេលប្រើប្រាស់ឱសថនេះ មិនត្រូវរួមភេទជាមួយនឹងស្ត្រីដែលមានផ្ទៃពោះនោះទេ។

・ត្រូវប្រុងប្រយ័ត្នចំពោះជំងឺកកើតកំណកឈាមនៅសរសៃវ៉ែនដែលស្ថិតនៅជ្រៅក្នុងរាងកាយ (Deep vein thrombosis) និង ជំងឺស្ទះកំណកឈាមនៅសួត(Pulmonary embolism)។ ប្រសិនបើមានភាពខុសប្រក្រតី ត្រូវបញ្ឈប់ការប្រើឱសថនេះ និង ធ្វើការព្យាបាលអោយបានសមស្រប។