Ledipasvir acetonate + Sofosbuvir

ជាទូទៅ ឱសថនេះប្រើនៅក្នុងការព្យាបាលជំងឺរលាកថ្លើមរ៉ាំរ៉ៃប្រភេទC ឬ ជំងឺក្រិនថ្លើមប្រភេទCលក្ខណៈនៅអាចដំណើរការមុខងារបាន(Compensated liver cirrhosis) ដែលស្ថិតក្នុងសេឡូគ្រូប1 ប្រភេទសែន1 (Serogroup 1(Genotype I)) ឬ សេឡូគ្រូប2 ប្រភេទសែន2 (Serogroup 2(Genotype 2))។

ថ្នាំលេប：

ក្នុងឱសថនេះ1គ្រាប់ រួមមាន：Ledipasvir 90mg និង Sofosbuvir 400mg។

មនុស្សពេញវ័យ：លេប1ថ្ងៃ1ដង 1គ្រាប់ រយៈពេល12សប្ដាហ៍។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានបញ្ហាតម្រងនោមកម្រិតធ្ងន់ធ្ងរ(eGFR＜30mL/នាទី/1.73m²) ឬ អ្នកដែលមានជំងឺខ្សោយតម្រងនោមនិងត្រូវអនុវត្តការលាងឈាម។

・អ្នកដែលកំពុងប្រើប្រាស់ឱសថដូចខាងក្រោម：Carbamazepine, Phenytoin, Rifampicin, អាហារបំប៉នដែលមានផ្ទុកសារធាតុSt.John’s Wort។

ផលរំខានរួមមាន ឈឺក្បាល ចង់ក្អួត ទល់លាមក រមាស់ស្បែក ដំបៅក្នុងមាត់។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឈឺក្បាល ធ្ងន់ក្បាល វិលមុខ រួយស្មា បេះដូងលោតញាប់ (សម្ពាធឈាមឡើងខ្ពស់)

- ឈឺក្បាល ចង់ក្អួត ក្អួត បាត់បង់ស្មារតីបណ្ដោះអាសន្ន ស្ពឹកដៃជើងមួយចំហៀង ពិបាកនិយាយ (ជំងឺទាក់ទងនឹងសរសៃឈាមខួរក្បាល)។

・ឱសថដូចខាងក្រោម：Rifampicin, Phenytoin, Carbamazepine, អាហារបំប៉នដែលមានផ្ទុកសារធាតុSt.John’s Wort - អាចធ្វើអោយកំហាប់ក្នុងឈាមក៏ដូចជាប្រសិទ្ធិភាពនៃSofosbuvir/Ledipasvirថយចុះ។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថបន្សាបជាតិអាស៊ីត (Aluminium hydroxide, Magnesium hydroxide ជាដើម) - អាចធ្វើអោយកំហាប់ក្នុងឈាមក៏ដូចជាប្រសិទ្ធិភាពនៃLedipasvirថយចុះ។

・ឱសថប្រភេទH2-receptor antagonists (Famotidine ជាដើម) - អាចធ្វើអោយកំហាប់ក្នុងឈាមក៏ដូចជាប្រសិទ្ធិភាពនៃLedipasvirថយចុះ។ គួរទុកគម្លាតពីគ្នាប្រមាណ12ម៉ោង។

・ឱសថប្រភេទProton pump inhibitors(Omeprazole ជាដើម) - អាចធ្វើអោយកំហាប់ក្នុងឈាមក៏ដូចជាប្រសិទ្ធិភាពនៃLedipasvirថយចុះ។

・ឱសថAmiodarone - អាចធ្វើអោយចង្វាក់បេះដូងឬជីពចរប្រែប្រួល។

・ឱសថDigoxin - អាចធ្វើអោយកំហាប់ក្នុងឈាមនៃDigoxinកើនឡើង។

・ឱសថRifabutin, ឱសថPhenobarbital - អាចធ្វើអោយកំហាប់ក្នុងឈាមក៏ដូចជាប្រសិទ្ធិភាពនៃSofosbuvir/Ledipasvirថយចុះ។

・ឱសថTenofovir disoproxil fumarate - អាចធ្វើអោយកំហាប់ក្នុងឈាមនៃTenofovirកើនឡើង។

・ឱសថRosuvastatin - អាចធ្វើអោយកំហាប់ក្នុងឈាមនៃRosuvastatinកើនឡើង បង្កជាផលរំខានផ្សេងៗទាក់ទងនឹងសាច់ដុំ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ឱសថនេះផ្សំឡើងដោយសារធាតុសកម្មចំនួន2៖

- Ledipasvir：មានប្រសិទ្ធិភាពទប់ស្កាត់សកម្មភាពនៃប្រូតេអ៊ីនHCV NS5A ដែលជាសារធាតុមានតួនាទីជម្រុញដំណើរការបង្កើនចំនួននៃHCVនិងប្រព័ន្ធបញ្ជូនសញ្ញានៅក្នុងកោសិកា។

- Sofosbuvir：សារធាតុនេះនឹងបំលែងទៅជាសារធាតុសកម្មនៅក្នុងថ្លើម ដោយមានប្រសិទ្ធិភាពទប់ស្កាត់សកម្មភាពនៃអង់ស៊ីមNS5B-RNA Polymerase ដែលជាសារធាតុមានតួនាទីចាំបាច់នៅក្នុងដំណើរការបង្កើនចំនួននៃវីរុសរលាកថ្លើមC(HCV)។