Laronidase

ជាទូទៅ ឱសថនេះប្រើនៅក្នុងការព្យាបាលជំងឺMucopolysaccharidosis ប្រភេទ I ។

ថ្នាំចាក់：

ជាទូទៅ ប្រើក្នុងកម្រិត1ដង 0.58mg/kg ដោយព្យួរសេរ៉ូមតាមសរសៃវ៉ែន 1សប្ដាហ៍ម្ដង។

・របៀបពង្រាវ: គណនានិងប្រើប្រាស់ឱសថក្នុងកម្រិតចាំបាច់ទៅតាមទម្ងន់របស់អ្នកជំងឺ ដោយពង្រាវជាមួយសូលុយស្យុងអំបិល(Saline)បានចំណុះចុងក្រោយ50mLចំពោះអ្នកជំងឺទម្ងន់ក្រោម7kg ឬ ពង្រាវជាមួយសូលុយស្យុងអំបិល(Saline)បានចំណុះចុងក្រោយ100mLចំពោះអ្នកជំងឺទម្ងន់ចាប់ពី7kgដល់ក្រោម20kg ឬ ពង្រាវជាមួយសូលុយស្យុងអំបិល(Saline)បានចំណុះចុងក្រោ250mLចំពោះអ្នកជំងឺទម្ងន់លើសពី20kg។

・ល្បឿនបញ្ចូលឱសថ: ចាប់ផ្ដើមពីល្បឿន 10μg/kg/ម៉ោង។ តាមដានស្ថានភាពរបស់អ្នកជំងឹ ដោយបង្កើនល្បឿនជាដំណាក់កាលរៀងរាល់15នាទីសម្រាប់រយៈពេល1ម៉ោងដំបូង ប៉ុន្តែ ត្រូវរក្សាក្រោម200μg/kg/ម៉ោង។ នៅពេលបង្កើនដល់ល្បឿនអតិបរមាសម្រាប់អ្នកជំងឺហើយ ត្រូវរក្សាការបញ្ចូលឱសថក្នុងល្បឿននោះនិងបន្តការព្យួរសេរ៉ូមរយៈពេល2～3ម៉ោង។

・នៅក្នុងពេលប្រើឱសថនេះ អ្នកជំងឹអាចកើតមានរោគសញ្ញា Infusion associated reaction (មុខក្រហម ក្ដៅខ្លួន ឈឺក្បាល កន្ទួលក្រហម។ល។)។ ដើម្បីកាត់បន្ថយរោគសញ្ញាទាំងនេះ អ្នកជំងឺគួរប្រើឱសថបំបាត់ការឈឺចាប់និងបញ្ចុះកំដៅ ឬ ឱសថប្រឆាំងហ៊ីស្តាមីន ឬ ឱសថទាំងពីរ នៅ60នាទីមុននឹងចាប់ផ្ដើមបញ្ចូលឱសថនេះ។

・អ្នកដែលធ្លាប់កើតមានរោគប្រតិកម្មអាណាហ្វីឡាក់ស៊ីស(Anaphylactic shock)ជាមួយនឹងសារធាតុនៅក្នុងឱសថនេះ។

・ត្រូវប្រុងប្រយ័ត្នចំពោះផលរំខាននៃឱសថនេះបង្កអោយកើតមានរោគសញ្ញាInfusion associated reaction ជាពិសេស រោគប្រតិកម្មអាណាហ្វីឡាក់ស៊ីស (Anaphylaxis)។