Lapatinib tosilate hydrate

ជាទូទៅ ឱសថនេះប្រើនៅក្នុងការព្យាបាលជំងឺមហារីកសុដន់ដែលរើឡើងវិញឬមិនអាចវះកាត់បាន និង ដែលពិនិត្យឃើញកម្រិតHER2កើនឡើងខ្ពស់។

ថ្នាំលេប：

មនុស្សពេញវ័យ：លេប1ថ្ងៃ1ដង ក្នុងកម្រិតដូចខាងក្រោម នៅយ៉ាងហោចណាស់1ម៉ោងមុនបរិភោគអាហារឬ2ម៉ោងក្រោយបរិភោគអាហារ។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

・ករណីប្រើរួមជាមួយឱសថCapecitabine：1250mg។

・ករណីប្រើរួមជាមួយឱសថប្រភេទទប់ស្កាត់អង់ស៊ីមអារ៉ូម៉ាតាស(Aromatase inhibitors)：1500mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ ។

ផលរំខានរួមមាន រាករូស បញ្ហានៅបាតដៃនិងបាតជើង(ក្រហម ហើម ប្រេះ ឈឺ។ល។) ចង់ក្អួត ដំបៅក្នុងមាត់ ឡើងកន្ទួលក្រហម ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- អស់កម្លាំង ចង់ក្អួត ភ្នែកនិងស្បែកប្រែពណ៌លឿង (ប៉ះពាល់មុខងារថ្លើម)

- ពិបាកដកដង្ហើម ដង្ហក់ ក្អក ក្ដៅខ្លួន (ប៉ះពាល់មុខងារសួត ដូចជា រលាកសួតប្រភេទInterstitial pneumonia)

- បេះដូងលោតញាប់ ដង្ហក់ ហើម (ប៉ះពាល់មុខងារបេះដូង)

- លាមកជ្រាយឬទឹក ខ្សោះជាតិទឹក ដកដង្ហើមខុសប្រក្រតី ញ័រដៃ (រាករូសធ្ងន់ធ្ងរ)

- ឈឺទ្រូង បេះដូងលោតញាប់ អារម្មណ៍មិនស្រួលក្នុងទ្រូង (QTនៃចង្វាក់បេះដូងអូសបន្លាយ)

- ឡើងកន្ទួលក្រហម ក្ដៅខ្លួន ភ្នែកក្រហម (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(Toxic Epidermal Necrolysis, TEN) ជាដើម)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលទប់ស្កាត់សកម្មភាពអង់ស៊ីមCYP3A4 (ឱសថប្រឆាំងមេរោគផ្សិតប្រភេទAzole(Ketoconazole, Fluconazole, Itraconazole, Miconazole), ឱសថប្រឆាំងបាក់តេរីប្រភេទMacrolide(Erythromycin, Clarithromycin ជាដើម), ឱសថRitonavir, ឱសថIndinavir, ឱសថNelfinavir, ឱសថSaquinavir ជាដើម), ផ្លែក្រូចថ្លុង - អាចធ្វើអោយកំហាប់ក្នុងឈាមនៃLapatinibកើនឡើង បង្កជាផលរំខានផ្សេងៗ។

・ឱសថដែលបង្កើនសកម្មភាពអង់ស៊ីមCYP3A4 (Phenytoin, Carbamazepine, Rifampicin, Phenobarbital ជាដើម), អាហារបំប៉នដែលមានផ្ទុកសារធាតុSt.John's Wort - អាចធ្វើអោយកំហាប់ក្នុងឈាមក៏ដូចជាប្រសិទ្ធិភាពនៃLapatinibថយចុះ។

・ឱសថMidazolam, Vinorelbine, Paclitaxel, Pazopanib, Irinotecan - អាចធ្វើអោយកំហាប់ក្នុងឈាមនៃឱសថទាំងនេះកើនឡើង។

・ឱសថដែលមានឥទ្ធិពលទៅលើP-glycoprotein (Verapamil, Itraconazole, Quinidine, Ciclosporin, Erythromycin, Rifampicin, Digoxin ជាដើម) - អាចធ្វើអោយកំហាប់ក្នុងឈាមក៏ដូចជាប្រសិទ្ធិភាពនៃLapatinibប្រែប្រួល។

・ឱសថបញ្ចុះជាតិអាស៊ីតក្នុងក្រពះប្រភេទProton-pump inhibitors (

Esomeprazole ជាដើម) - អាចធ្វើអោយកំហាប់ក្នុងឈាមនៃLapatinibថយចុះ។

・ឱសថដែលមានឥទ្ធិពលលើចង្វាក់បេះដូង(Imipramine, Pimozide, Quinidine, Procainamide, Disopyramide ជាដើម) - អាចធ្វើអោយផលរំខានទាក់ទងនឹងរយៈពេលQTងាយកើតឡើងឬកាន់តែធ្ងន់ធ្ងរ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ ព្រោះសារធាតុឱសថអាចប៉ះពាល់ដល់ទារកក្នុងផ្ទៃ។

・អ្នកជំងឺជាស្ត្រីដែលអាចមានផ្ទៃពោះ គួរប្រើប្រាស់វិធីពន្យារកំណើតក្នុងអំឡុងពេលប្រើប្រាស់ឱសថនេះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅក្នុងការប្រើឱសថនេះ ត្រូវប្រុងប្រយ័ត្នជាពិសេសចំពោះផលប៉ះពាល់ទៅលើមុខងារថ្លើមនិងសួត ព្រោះវាអាចបណ្ដាលអោយមានគ្រោះថ្នាក់ដល់ជីវិតរបស់អ្នកជំងឺ។

・សារធាតុនៅក្នុងផ្លែក្រូចថ្លុង និង អាហារបំប៉នដែលមានសារធាតុSt.John's Wort អាចធ្វើអោយប្រសិទ្ធិភាពឱសថប្រែប្រួល ដូច្នេះ គួរចៀសវាងបរិភោគអាហារទាំងនេះក្នុងអំឡុងពេលប្រើប្រាស់ឱសថនេះ។

ឱសថនេះមានប្រសិទ្ធិភាពទប់ស្កាត់សកម្មភាពរបស់ HER2 និង EGFR ដែលមានតួនាទីនៅក្នុងការកើនចំនួននៃកោសិកាមហារីក។