L-Arginine hydrochloride

ជាទូទៅ ឱសថនេះប្រើនៅក្នុងការទប់ស្កាត់ការកើនឡើងនៃសារធាតុអាម៉ូញាក់នៅក្នុងឈាម ដែលកើតមាននៅក្នុងជំងឺដូចខាងក្រោម ៖

- ជំងឺវដ្តអ៊ុយរាខុសប្រក្រតីពីកំណើត (Inborn urea cycle disorder) ដែលរួមមាន ជំងឺកង្វះអង់ស៊ីមCPS1(Carbamoylphosphate synthetase deficiency) ជំងឺកង្វះអង់ស៊ីមOTC(Ornithine transcarbamirase deficiency) ជំងឺCitrullinemia ជំងឺArgininosuccinic aciduria

- ជំងឺLysinuric protein intolerance (LPI) (លើកលែងករណីដែលការទប់ស្កាត់ការស្រូបសារធាតុអាជីនីន(Arginine)មានកម្រិតខ្លាំង)។

ម្យ៉ាងទៀត ឱសថនេះក៏ត្រូវបានប្រើនៅក្នុងការពិនិត្យមុខងារក្រពេញPituitaryផងដែរ។

ករណីថ្នាំចាក់：

ជាទូទៅ កំហាប់នៃថ្នាំចាក់គឺ 20g/200mL។

ប្រើ1ថ្ងៃ 2～10mL/kg (កម្រិតL-arginin hydrochloride 0.2～1g/kg) ដោយព្យួរសេរ៉ូមតាមសរសៃវ៉ែនរយៈពេលយ៉ាងហោចណាស់1ម៉ោង។

ករណីថ្នាំលេប：

ជាទូទៅ ឱសថ1.3g រួមមាន សារធាតុL-arginin hydrochloride 605mg និង សារធាតុL-arginin 500mg (កម្រិត L-arginin សរុប គឺ 1000mg)។

លេប1ថ្ងៃ 0.15～0.5g/kg (កម្រិតL-arginin 0.12～0.38g) ដោយបែងចែកជា3～6ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ជាទូទៅ ត្រូវចាប់ផ្ដើមលេបពីកម្រិតទាបទៅ និងអាចបង្កើនកម្រិតប្រើប្រាស់បន្តិចម្ដងៗ ដោយតាមដានកម្រិតអាម៉ូញាក់ក្នុងឈាម រោគសញ្ញារបស់អ្នកជំងឺ។ល។ ម្យ៉ាងទៀត ក្នុងអំឡុងពេលប្រើប្រាស់ឱសថនេះ ក៏អ្នកជំងឺត្រូវអនុវត្តការគ្រប់គ្រងរបបអាហារ(បរិភោគអាហារដែលមានប្រូតេអ៊ីនតិច) និង ការបំពេញអាស៊ីតអាមីនេចាំបាច់(Essential amino acids)ក្នុងរាងកាយជាដើមផងដែរ។

ករណីប្រើឱសថនេះនៅក្នុងការពិនិត្យមុខងារក្រពេញPituitary：

ថ្នាំចាក់：

អ្នកពិនិត្យត្រូវរក្សាពោះទទេរយៈពេល12~14ម៉ោង រួចស្ថិតក្នុងស្ថានភាពសម្រាកស្ងៀមរយៈពេល30នាទី។ បន្ទាប់ពីនោះ ទទួលការបញ្ចូលឱសថនេះក្នុងកម្រិត 0.5g (ឱសថកំហាប់30g/300mLត្រូវជា 5mL)/kg ដោយព្យួរសេរ៉ូមជាប់ឥតដាច់តាមសរសៃវ៉ែនរយៈពេលប្រមាណ30នាទី។ អនុវត្តការបូមឈាមសម្រាប់ការពិនិត្យកម្រិតអរម៉ូនលូតលាស់(Growth hormone)ក្នុងឈាម នៅខណៈពេលមុនចាប់ផ្ដើមការព្យួរសេរ៉ូម និង នៅ30នាទី 60នាទី 90នាទី 120នាទី 150នាទី ក្រោយពេលចាប់ផ្ដើមព្យួរសេរ៉ូម។

・អ្នកដែលមានជំងឺកង្វះអង់ស៊ីមArginase។

・អ្នកដែលមានជំងឺLysinuric protein intolerance (LPI) ដែលការទប់ស្កាត់ការស្រូបសារធាតុអាជីនីន(Arginine)មានកម្រិតខ្លាំង។

ការហាមខាងលើទទួលការលើកលែងក្នុងករណីប្រើឱសថនេះនៅក្នុងការពិនិត្យមុខងារក្រពេញPituitary។

ផលរំខានរួមមាន ក្អួតចង្អោរ រមាស់ស្បែក ងងុយគេង រាករូស។ល។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・អ្នកជំងឺគួរប្រុងប្រយ័ត្នចំពោះការគ្រប់គ្រងរបបអាហារ ដូចជា គួររក្សាកម្រិតប្រូតេអ៊ីននៅក្នុងអាហារអោយទាប និង ត្រូវបំពេញបន្ថែមនូវអាមីណូអាស៊ីតដែលចាំបាច់មួយចំនួន ។ល។

ឱសថនេះមានទម្រង់ដូចទៅនឹងសារធាតុអាជីនីន(Arginine)នៃរាងកាយមនុស្ស ហើយគេប្រើឱសថនេះដើម្បីបំពេញនូវកង្វះសារធាតុអាជីនីននៅក្នុងរាងកាយ និង ដើម្បីភ្ញោចសកម្មភាពនៃអង់ស៊ីមដែលត្រូវការសារធាតុអាជីនីននៅក្នុងដំណើរការប្រតិកម្ម។