Ivermectin

ជាទូទៅ ឱសថនេះប្រើនៅក្នុងការព្យាបាល：

- ជំងឺបណ្ដាលមកពីអៀន(StrongyloidesឬThreadworm)ហៅថាជំងឺStrongyloidiasisនៅក្នុងពោះវៀន។

- ជំងឺបណ្ដាលមកពីប៉ារ៉ាស៊ីតSarcoptes scabiei ហៅថាជំងឺScabies (លើកលែងជំងឺScabiesកើតនៅក្រចក)។

ថ្នាំលេប：

- ជំងឺStrongyloidiasisនៅក្នុងពោះវៀន：ប្រើ1ដងប្រមាណ200μg/kg ចំនួន2ដង ដោយទុកគម្លាតពីគ្នា2សប្ដាហ៍។ លេបឱសថនេះជាមួយទឹកប៉ុណ្ណោះ ម្យ៉ាងទៀត គួរពិសាឱសថនេះនៅពេលពោះទទេ។

- ជំងឺScabies：ប្រើ1ដងប្រមាណ200μg/kg។ ប្រើតែ1ដង។ លេបឱសថនេះជាមួយទឹកប៉ុណ្ណោះ ម្យ៉ាងទៀត គួរពិសាឱសថនេះនៅពេលពោះទទេ។

ជាទូទៅ កម្រិតប្រើប្រាស់ឱសថនេះក្នុង1ដង អាចកំណត់ទៅតាមទម្ងន់របស់អ្នកជំងឺ ដូចខាងក្រោម៖

+ ទម្ងន់ 15 - 24kg：3mg

+ ទម្ងន់ 25 - 35kg：6mg

+ ទម្ងន់ 36 - 50kg：9mg

+ ទម្ងន់ 51 - 65kg：12mg

+ ទម្ងន់ 66 - 79kg：15mg

+ ទម្ងន់ 80kgឡើងទៅ：ប្រមាណ200μg/kg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ផលរំខានរួមមាន ក្អួតចង្អោរ រមាស់ មុខងារថ្លើមថយចុះ ឡើងកន្ទួលក្រហម។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ក្តៅខ្លួនខ្លាំង ភ្នែកក្រហម រលាត់ស្បែកនៅតាមមាត់ (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(TEN))

- អស់កម្លាំង បាត់បង់ចំណង់អាហារ ភ្នែកនិងស្បែកឡើងពណ៌លឿង (មុខងារថ្លើមខុសប្រក្រតី ខាន់លឿង)

- ឈាមច្រមុះ ចេញឈាមតាមអញ្ចាញធ្មេញ ចេញឈាមក្រោមស្បែកនៃដៃជើង (ជំងឺប្លាកែតធ្លាក់ចុះ)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅដំណាក់កាលដំបូងនៃការព្យាបាល អាចមានអាការៈរមាស់កើនឡើង។

・គួរពិសារថ្នាំនេះនៅពោះទទេជាមួយទឹក ព្រោះសារធាតុឱសថនេះងាយរលាយក្នុងខ្លាញ់ ធ្វើអោយការស្រូបសារធាតុឱសថកើនឡើងខ្ពស់នៅពេលស្ថិតនៅលាយឡំជាមួយអាហារដែលមានជាតិខ្លាញ់ច្រើន។

ជាឱសថប្រឆាំងប៉ារ៉ាស៊ីត ដោយមានប្រសិទ្ធិភាពបង្អាក់សកម្មភាពចម្លងអ៊ីយ៉ុងក្លរឆ្លងកាត់ភ្នាសកោសិការបស់ប៉ារ៉ាស៊ីត ធ្វើអោយអ៊ីយ៉ុងក្លរកើនឡើងខ្ពស់នៅក្នុងកោសិកានាំអោយកោសិកាស្ពឹកនិងមិនអាចរស់រានបាន។