Isoxsuprine hydrochloride

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- រោគសញ្ញាបន្សល់ទុកក្រោយរបួសប៉ះទង្គិចក្បាល

- រោគសញ្ញានៃផលប៉ះពាល់ចរន្តឈាមតាមអវៈយវៈ ដែលកើតមាននៅក្នុងជំងឺដូចជា ជំងឺBurger disease ជំងឺរឹងសរសៃអាកទែបង្កជាការស្ទះ(Atherosclerosis obliterans) ជំងឺរលាកសរសៃវ៉ែនបង្កជាកំណកឈាម(Thrombophlebitis) ជំងឺកកើតកំណកឈាមនៅសរសៃវ៉ែន(Venous thrombosis) ជំងឺរេណូ(Raynaud's disease)ឬបណ្ដុំរោគសញ្ញារេណូ(Raynaud's syndrome) អាការៈរលាកឬរបួសដែលបង្កដោយធាតុត្រជាក់ (Chilblain និង Frostbite) ជំងឺSpontaneous gangrene រោគសញ្ញាប៉ះពាល់សរសៃឈាមតាមអវៈយវៈដោយសារជំងឺទឹកនោមផ្អែម។

- ប្រើនៅក្នុងការទប់ស្កាត់ការកន្ត្រាក់នៃស្បូន (រោគសញ្ញាងាយរលូតឬកូនកើតមុនខែ(Threatened miscarriage/premature birth))។

- រោគសញ្ញាឈឺចាប់ពេលមករដូវ។

ករណីថ្នាំលេប：

・ករណីប្រើនៅក្នុងការព្យាបាលរោគសញ្ញាបន្សល់ទុកក្រោយរបួសប៉ះទង្គិចក្បាល និង រោគសញ្ញាទាក់ទងនឹងចរន្តឈាម:

ជាទូទៅ មនុស្សពេញវ័យ លេបក្នុងកម្រិត 1ដង10~20mg 1ថ្ងៃ3~4ដង។

・ករណីប្រើនៅក្នុងការទប់ស្កាត់ការកន្ត្រាក់នៃស្បូន:

ជាទូទៅ លេបក្នុងកម្រិត 1ថ្ងៃ30~60mg ដោយបែងចែកជា3~4ដងក្នុង1ថ្ងៃ។

・ករណីប្រើនៅក្នុងការព្យាបាលរោគសញ្ញាឈឺចាប់ពេលមករដូវ:

ជាទូទៅ លេបក្នុងកម្រិត 1ដង10~20mg 1ថ្ងៃ3~4ដង។

អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញារបស់អ្នកជំងឺ។

ករណីថ្នាំចាក់：

・ករណីប្រើនៅក្នុងការព្យាបាលរោគសញ្ញាបន្សល់ទុកក្រោយរបួសប៉ះទង្គិចក្បាល និង រោគសញ្ញាទាក់ទងនឹងចរន្តឈាមកម្រិតធ្ងន់ធ្ងរឬលក្ខណៈបន្ទាន់:

ជាទូទៅ មនុស្សពេញវ័យ ប្រើក្នុងកម្រិត 1ដង5~10mg 1ថ្ងៃ2~3ដង ដោយចាក់ក្នុងសាច់ដុំ។

・ករណីប្រើនៅក្នុងការទប់ស្កាត់ការកន្ត្រាក់នៃស្បូន:

ជាទូទៅ ប្រើក្នុងកម្រិត 1ដង5~10mg ដោយចាក់ក្នុងសាច់ដុំ រៀងរាល់1~2ម៉ោងម្ដង។

・ករណីប្រើនៅក្នុងការព្យាបាលរោគសញ្ញាឈឺចាប់ពេលមករដូវកម្រិតធ្ងន់ធ្ងរ:

ជាទូទៅ ប្រើក្នុងកម្រិត 1ដង5~10mg ដោយចាក់ក្នុងសាច់ដុំ។

អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញារបស់អ្នកជំងឺ។ ក្នុងករណីណាក៏ដោយ ប្រសិនបើរោគសញ្ញាបានធូរស្បើយហើយ ត្រូវប្ដូរទៅជាថ្នាំលេបវិញ។

ករណីថ្នាំចាក់：

・អ្នកដែលមានអាការៈហូរឈាមក្នុងខួរក្បាល។

・អ្នកដែលទើបសម្រាលកូនរួចភ្លាមៗ។

・អ្នកដែលមានរោគសញ្ញារបកសុកមុនពេលកំណត់(Placental abruption)។