Isosorbide dinitrate

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ករណីថ្នាំលេបឬដាក់ក្រោមអណ្ដាតឬបិទលើស្បែក:

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

      - ជំងឺត្បៀតសរសៃឈាមក្នុងបេះដូង(Angina pectoris)

      - ជំងឺស្ទះសរសៃឈាមក្នុងបេះដូង(Myocardial infarction)

      - ជំងឺដែលបណ្ដាលមកពីការខ្វះឈាមទៅដល់សរសៃឈាមបេះដូង(ischemic heart disease)ប្រភេទផ្សេងទៀត។

      ករណីថ្នាំបាញ់ក្នុងមាត់:

      ជាទូទៅ ឱសថនេះប្រើនៅក្នុងការបន្ថយអាការៈត្បៀតសរសៃឈាមក្នុងបេះដូងដែលកំពុងកើតឡើង។

      ករណីថ្នាំចាក់:

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

      - ជំងឺខ្សោយបេះដូងស្រួចស្រាវ(Acute heart failure) (រួមទាំងដំណាក់កាលស្រួចស្រាវនៃជំងឺខ្សោយបេះដូងរ៉ាំរ៉ៃ)

      - ជំងឺត្បៀតសរសៃឈាមក្នុងបេះដូងមិននឹងនរ (Unstable angina)

      - កាត់បន្ថយអាការៈកន្ត្រាក់នៃសរសៃឈាមបេះដូងនៅពេលត្រូវថតរូបភាពសរសៃឈាមបេះដូង។

    • កម្រិតប្រើប្រាស់

      ករណីថ្នាំលេប:

      <ប្រភេទរយៈពេលសកម្មភាពធម្មតា>

      មនុស្សពេញវ័យ:លេប1ដង5~10mg 1ថ្ងៃ3~4ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

      <ប្រភេទរយៈពេលសកម្មភាពវែង (R)>

      មនុស្សពេញវ័យ:លេប1ដង20mg 1ថ្ងៃ2ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

      ករណីថ្នាំដាក់ក្រោមអណ្ដាត:

      មនុស្សពេញវ័យ:នៅពេលកើតមានអាការៈ ប្រើ1ដង5~10mg ដាក់ក្រោមអណ្ដាត។ ក្រៅពីពេលកើតមានអាការៈ ប្រើ1ដង5~10mg 1ថ្ងៃ3~4ដង ដាក់ក្រោមអណ្ដាត។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

      ករណីថ្នាំបិទលើស្បែក:

      មនុស្សពេញវ័យ:ប្រើ1ដង40mg បិទនៅលើទ្រូង ផ្នែកខាងលើនៃពោះ ឬ ខ្នង ដោយផ្លាស់ប្ដូររៀងរាល់24ម៉ោងឬ48ម៉ោង។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

      ករណីថ្នាំបាញ់ក្នុងមាត់:

      មនុស្សពេញវ័យ:ប្រើ1ដង1.25mg (1ចុច) បាញ់នៅក្នុងមាត់។ ករណីប្រសិទ្ធិភាពមិនគ្រប់គ្រាន់ អាចប្រើ1ដង1.25mg (1ចុច)បន្ថែមទៀត។

      ករណីថ្នាំចាក់:

      ・ករណីជំងឺខ្សោយបេះដូងស្រួចស្រាវ(Acute heart failure) (រួមទាំងដំណាក់កាលស្រួចស្រាវនៃជំងឺខ្សោយបេះដូងរ៉ាំរ៉ៃ):

      មនុស្សពេញវ័យ:ប្រើឱសថនេះដោយផ្ទាល់ ឬ ដោយពង្រាវនៅក្នុងសេរ៉ូមប្រៃឬសេរ៉ូមគ្លុយកូស5% អោយបានកំហាប់ 0.05~0.001% រួចព្យួរសេរ៉ូមនោះតាមសរសៃវ៉ែនក្នុងល្បឿន1.5~8mg/ម៉ោង។ អាចបង្កើនឬបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ ប៉ុន្តែ កម្រិតអតិបរមាគឺ10mg/ម៉ោង។

      ・ករណីជំងឺត្បៀតសរសៃឈាមក្នុងបេះដូងមិននឹងនរ (Unstable angina):

      មនុស្សពេញវ័យ:ប្រើឱសថនេះដោយផ្ទាល់ ឬ ដោយពង្រាវនៅក្នុងសេរ៉ូមប្រៃឬសេរ៉ូមគ្លុយកូស5% អោយបានកំហាប់ 0.05~0.001% រួចព្យួរសេរ៉ូមនោះតាមសរសៃវ៉ែនក្នុងល្បឿន2~5mg/ម៉ោង។ អាចបង្កើនឬបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

      ・ករណីប្រើនៅក្នុងការកាត់បន្ថយអាការៈកន្ត្រាក់នៃសរសៃឈាមបេះដូងនៅពេលត្រូវថតរូបភាពសរសៃឈាមបេះដូង:

      មនុស្សពេញវ័យ:ប្រើឱសថនេះដោយមិនពង្រាវ ក្នុងកម្រិត5mg បញ្ចូលទៅក្នុងផ្នែក Valsalva sinus នៃបេះដូង តាមរយៈឧបករណ៍Catheter ដោយប្រើរយៈពេលតិចជាង1នាទី។ អាចបង្កើនឬបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ ប៉ុន្តែ កម្រិតអតិបរមាគឺ10mg។

    • ហាមប្រើ

      ករណីថ្នាំគ្រាប់លេបឬដាក់ក្រោមអណ្ដាតឬបាញ់ក្នុងមាត់ឬបិទលើស្បែក:

      ・អ្នកដែលមានអាការៈសម្ពាធឈាមធ្លាក់ចុះទាបធ្ងន់ធ្ងរ ឬ អ្នកដែលមានអាការៈប្រតិកម្មធ្ងន់ធ្ងរដោយសារបញ្ហាបេះដូង(Cardiogenic shock)។

      ・អ្នកដែលមានជំងឺក្លូកូមប្រភេទបិទជិទ(Angle-closure glaucoma)

      ・អ្នកដែលមានរបួសផ្នែកក្បាលឬកើតមានជំងឺហូរឈាមក្នុងខួរក្បាល

      ・អ្នកដែលមានអាការៈខ្វះឈាមកម្រិតធ្ងន់ធ្ងរ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថប្រភេទអាស៊ីតនីទ្រិច(Nitric acid)ឬប្រភេទនីទ្រីត(Nitrite)

      ・អ្នកដែលកំពុងប្រើប្រាស់ឱសថដែលទប់ស្កាត់សកម្មភាពរបស់អង់ស៊ីមPhosphodiesterase 5(PDE-5) (ឱសថSildenafil citrate, ឱសថVardenafil hydrochloride hydrate, ឱសថTadalafil) ឬ ឱសថដែលជម្រុញសកម្មភាពរបស់អង់ស៊ីមGuanylate cyclase(ឱសថRiociguat)។

      ករណីថ្នាំចាក់:

      ・អ្នកដែលមានអាការៈសម្ពាធឈាមធ្លាក់ចុះទាបធ្ងន់ធ្ងរ ឬ អ្នកដែលមានអាការៈប្រតិកម្មធ្ងន់ធ្ងរដោយសារបញ្ហាបេះដូង(Cardiogenic shock)។

      ・អ្នកដែលមានជំងឹនៃបណ្ដុំរោគសញ្ញាអាយហ្សេនមេនចឺ(Eisenmenger's syndrome)ឬជំងឺលើសសម្ពាធឈាមនៅសរសៃអាកទែរក្នុងសួតបឋម(Primary pulmonary hypertension)

      ・អ្នកដែលមានជំងឹស្ទះសរសៃឈាមនៅថតក្រោមស្ដាំនៃបេះដូង(Right ventricular infarction)

      ・អ្នកដែលកំពុងមានអាការៈខ្វះជាតិទឹក

      ・អ្នកដែលមានជំងឺNeurocirculatory asthenia (NCA)

      ・អ្នកដែលមានជំងឺក្លូកូមប្រភេទបិទជិទ(Angle-closure glaucoma)

      ・អ្នកដែលមានរបួសផ្នែកក្បាលឬកើតមានជំងឺហូរឈាមក្នុងខួរក្បាល

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថប្រភេទអាស៊ីតនីទ្រិច(Nitric acid)ឬប្រភេទនីទ្រីត(Nitrite)

      ・អ្នកដែលកំពុងប្រើប្រាស់ឱសថដែលទប់ស្កាត់សកម្មភាពរបស់អង់ស៊ីមPhosphodiesterase 5(PDE-5) (ឱសថSildenafil citrate, ឱសថVardenafil hydrochloride hydrate, ឱសថTadalafil) ឬ ឱសថដែលជម្រុញសកម្មភាពរបស់អង់ស៊ីមGuanylate cyclase(ឱសថRiociguat)។

    • ផលរំខាន

      ករណីថ្នាំគ្រាប់លេបឬដាក់ក្រោមអណ្ដាតឬបាញ់ក្នុងមាត់:

      ផលរំខានរួមមាន ឡើងកន្ទួលក្រហម ឈឺក្បាល វិលមុខ អារម្មណ៍ក្ដៅ មុខក្រហម ផ្សាក្នុងមាត់ ក្អួតចង្អោរ ឈឺផ្នែកខាងលើនៃពោះ។ល។

      ករណីថ្នាំចាក់:

      ផលរំខានរួមមាន សម្ពាធឈាមធ្លាក់ចុះទាប វិលមុខ បេះដូងលោតញាប់ ហើមដៃជើង ឈឺក្បាល ក្អួតចង្អោរ ឡើងកន្ទួលក្រហម ។ល។

      ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ទឹកមុខនិងខ្លួនមានលក្ខណៈស្លេកខៀវ បែកញើសទាំងត្រជាក់ វិលមុខ ដង្ហក់ (អាការៈប្រតិកម្មធ្ងន់ធ្ងរ(Shock))

      - បេះដូងលោតខ្លាំង វិលមុខ បាត់បង់ស្មារតី ដង្ហក់ (ជំងឺញ័រថតខាងក្រោមនៃបេះដូង)។

      ករណីថ្នាំបិទលើស្បែក:

      ផលរំខានរួមមាន ក្រហមស្បែក រមាស់ ឡើងកន្ទួលក្រហម ឈឺក្បាល សម្ពាធឈាមធ្លាក់ចុះ។ល។

    • អន្តរប្រតិកម្ម

      ・ឱសថដែលទប់ស្កាត់សកម្មភាពរបស់អង់ស៊ីមPhosphodiesterase 5(PDE-5) (ឱសថSildenafil citrate, ឱសថVardenafil hydrochloride hydrate, ឱសថTadalafil) ឬ ឱសថដែលជម្រុញសកម្មភាពរបស់អង់ស៊ីមGuanylate cyclase(ឱសថRiociguat) - អាចធ្វើអោយសម្ពាធឈាមធ្លាក់ចុះទាបខ្លាំង។ ដូច្នេះ ហាមប្រើរួមគ្នា។

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・គ្រឿងស្រវឹង - អាចធ្វើអោយសម្ពាធឈាមធ្លាក់ចុះទាប។ (លើកលែងករណីថ្នាំចាក់:)

      ・ឱសថបញ្ចុះទឹកនោម - អាចធ្វើអោយកម្រិតប៉ូតាស្យូមក្នុងឈាមកើនឡើង។

      ・ឱសថដែលមានសកម្មភាពពង្រីកសរសៃឈាម ឱសថប្រភេទអាស៊ីតនីទ្រិច(Nitric acid)ឬប្រភេទនីទ្រីត(Nitrite) - អាចធ្វើអោយកើតមានផលរំខានដូចជាឈឺក្បាលឬសម្ពាធឈាមធ្លាក់ចុះទាបជាដើម។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

      ・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • ការប្រុងប្រយ័ត្នជាពិសេស

      ករណីថ្នាំគ្រាប់លេបឬដាក់ក្រោមអណ្ដាតឬបាញ់ក្នុងមាត់ឬបិទលើស្បែក:

      ・ឱសថនេះអាចផ្ដល់ផលរំខានដូចជា ងងឹតមុខនៅពេលក្រោកឈរ ជាដើម ដូច្នេះ ត្រូវប្រុងប្រយ័ត្ននៅពេលមានអាការៈបែបនេះ។

      ・ឱសថនេះក៏អាចផ្ដល់ផលរំខានដូចជា ឈឺក្បាល បញ្ហាស្មារតី ជាដើម ដូច្នេះ ត្រូវប្រុងប្រយ័ត្ននៅពេលបើកបរឬបញ្ជាម៉ាស៊ីនដែលមានគ្រោះថ្នាក់។

      ・គ្រឿងស្រវឹងអាចធ្វើអោយសម្ពាធឈាមចុះទាបកាន់តែខ្លាំង ឬកើតមានអាការៈឈឺក្បាល វិលមុខ ងងឹតមុខ ជាដើម ដូច្នេះ គួរចៀសវាងពិសាគ្រឿងស្រវឹង ក្នុងអំឡុងពេលប្រើប្រាស់ឱសថនេះ។

      ・ករណីថ្នាំបិទលើស្បែក អាចបិទនៅផ្នែកទ្រូង ផ្នែកខាងលើនៃពោះ ឬ ផ្នែកខ្នង ដោយចៀសវាងកន្លែងដែលមានរបួស កន្ទួលក្រហម ឬ អាការៈរលាក។

    • សកម្មភាពឱសថ

      ឱសថនេះនឹងចូលទៅក្នុងកោសិកានៃសរសៃឈាមវ៉ែន សរសៃឈាមបេះដូង និង សរសៃឈាមតូចៗ ដោយបំលែងទៅជាអាសូតម៉ូណូអុកស៊ីត(NO)ដែលមានប្រសិទ្ធិភាពភ្ញោចសកម្មភាពនៃអង់ស៊ីមGuanylate cyclase ធ្វើអោយបរិមាណcGMPកើនឡើង។ ជាលទ្ធផល ឱសថនេះមានប្រសិទ្ធិភាពទធ្វើអោយសរសៃឈាមរីកធំទូលាយជាងមុខ ចរន្តឈាមក៏ដំណើរការបានស្រួល។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp