Isosorbide

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- បញ្ចុះសម្ពាធក្នុងខួរក្បាល ចំពោះអ្នកជំងឺមហារីកខួរក្បាល។

- បញ្ចុះសម្ពាធក្នុងខួរក្បាល ដែលកើនឡើងដោយសាររបួសក្បាលពីខាងក្រៅ។

- បញ្ចុះទឹកនោម ចំពោះអ្នកជំងឺក្រួសក្នុងតម្រងនោមឬបំពង់ទឹកនោម។

- បញ្ចុះសម្ពាធក្នុងភ្នែក ចំពោះអ្នកដែលមានជំងឺក្លូកូម(Glaucoma)។

- ជំងឺមេនីអេ(Meniere's disease)។

ថ្នាំលេប：

・ករណីប្រើនៅក្នុងការបញ្ចុះសម្ពាធក្នុងខួរក្បាល បញ្ចុះសម្ពាធក្នុងភ្នែក និង បញ្ចុះទឹកនោម：

មនុស្សពេញវ៍យ：ពិសារ1ថ្ងៃ 49～98mg (ថ្នាំទឹក70%ត្រូវនឹង70～140mL) ដោយបែងចែកជា2～3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតារោគសញ្ញា។ អាចពង្រាវ2ដងក្នុងទឹកត្រជាក់មុននឹងពិសារ។

・ករណីជំងឺមេនីអេ(Meniere's disease)：

ពិសារ1ថ្ងៃ1.05～1.4mg/kg (ថ្នាំទឹក70%ត្រូវនឹង1.5～2.0mL/kg) (កម្រិតស្តង់ដារ) ដោយជាទូទៅ មនុស្សពេញវ៍យ ត្រូវពិសារ1ថ្ងៃ 63～84mg (ថ្នាំទឹក70%ត្រូវនឹង90～120mL) បែងចែកជា3ដងក្នុង1ថ្ងៃ ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតារោគសញ្ញា។ អាចពង្រាវ2ដងក្នុងទឹកត្រជាក់មុននឹងពិសារ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងកើតមានដុំឈាមនៅក្នុងក្បាលលក្ខណៈស្រួចស្រាវ។

ផលរំខានរួមមាន ក្អួតចង្អោរ រាករូស ស្នាមក្រហមលើស្បែក ឡើងកន្ទួលក្រហម ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឡើងកន្ទួលក្រហម ពិបាកដកដង្ហើម បេះដូងលោតញាប់ សម្ពាធឈាមទាប (រោគប្រតិកម្មធ្ងន់ធ្ងរ)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

ឱសថនេះមិនទទួលឥទ្ធិពលពីប្រតិកម្មបំលែងផ្សេងៗនៅក្នុងរាងកាយនោះទេ។ នៅពេលសារធាតុឱសថនេះចូលទៅក្នុងឈាម វាធ្វើអោយកំហាប់អូស្មូសកើនឡើង ហើយជាតិទឹកនៅក្រៅសរសៃឈាមក៏ចាប់ផ្ដើមចូលទៅក្នុងសរសៃឈាម។ ដោយសារធាតុនេះអាចឆ្លងកាត់ការច្រោះនៃតម្រងនោមបានយ៉ាងងាយ ធ្វើអោយវាអាចចូលទៅក្នុងបំពង់តម្រងនោមដើម្បីបង្កើនកំហាប់អូស្មូសនៅទីនោះ ហើយអាចទប់ស្កាត់ការស្រូបចូលវិញនៃជាតិទឹកពីក្នុងបំពង់តម្រងនោម។ ជាលទ្ធផល ឱសថនេះបង្កើនបរិមាណបញ្ចេញចោលនៃសារធាតុអេឡិចត្រូឡាយនិងជាតិទឹកទៅតាមទឹកនោម ធ្វើអោយជាតិទឹកនៅតាមជាលិកាក្នុងរាងកាយថយចុះ ក៏ដូចជា សម្ពាធក្នុងខួរក្បាលឬក្នុងភ្នែកផងដែរ។