Isoprenaline hydrochloride = Isoproterenol hydrochloride

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលអាការៈជីពចរដើរយឺតកម្រិតធ្ងន់ធ្ងរគ្រប់ប្រភេទ និង ប្រើនៅក្នុងការបង្ការការកើតមានអាការៈនៃបណ្ដុំរោគសញ្ញាអាដាមស្តូក(Adams–Stokes syndrome)។ ក្រៅពីនេះ ឱសថនេះក៏ត្រូវបានប្រើនៅក្នុងការព្យាបាលអាការៈវិលមុខដោយសារបញ្ហានៅផ្នែកខាងក្នុងនៃត្រចៀកផងដែរ។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម：

- អាការៈនៃបណ្ដុំរោគសញ្ញាអាដាមស្តូក(Adams–Stokes syndrome)ប្រភេទជីពចរដើរយឺត រួមទាំងអាការៈជីពចរដើរយឺតកម្រិតធ្ងន់ធ្ងរនិងអាការៈគាំងបេះដូងផងដែរ។

- អាការៈនៃមុខងារបេះដូងចុះខ្សោយលក្ខណៈស្រួចស្រាវដែលបណ្ដាលមកពីជំងឺស្ទះសរសៃឈាមបេះដូងឬបង្កដោយសារធាតុពុលនៃបាក់តេរី។

- បណ្ដុំរោគសញ្ញានៃការថយចុះបរិមាណឈាមបាញ់ចេញពីបេះដូងនៅក្រោយពេលវះកាត់។

- អាការៈហឺតកម្រិតធ្ងន់ធ្ងរ។

ករណីថ្នាំទឹកលាយសម្រាប់ស្រូបតាមមាត់：

ជាទូទៅ ឱសថនេះប្រើនៅក្នុងការបន្ធូរអាការៈកន្ត្រាក់ទងសួតដែលកើតមាននៅក្នុងជំងឺដូចជា：ជំងឺហឺត(Bronchial asthma) ជំងឺរលាកទងសួតស្រួចស្រាវ ជំងឺរលាកទងសួតរ៉ាំរ៉ៃ ជំងឺទងសួតរីក(Bronchiectasis) ជំងឺខ្យល់ដក់ក្នុងសួត(Pulmonary emphysema)។

ករណីថ្នាំលេប：

មនុស្សពេញវ័យ：លេប1ដង15mg, 1ថ្ងៃ3～4ដង។ ករណីអាការៈវិលមុខដោយសារបញ្ហានៅផ្នែកខាងក្នុងនៃត្រចៀក ប្រើដោយលេប1ដង7.5～15mg, 1ថ្ងៃ3ដង (22.5～45.0mg/ថ្ងៃ)។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំចាក់：

-ករណីព្យួរសេរ៉ូមតាមសរសៃវ៉ែន：ប្រើក្នុងកម្រិត0.2～1.0mgលាយនៅក្នុងសូលុយស្យុងអ៊ីសូតូនិច(Isotonic solution)200～500mL រួចព្យួរសេរ៉ូមនោះតាមសរសៃវ៉ែនដោយតាមដានចំនួនបេះដូងលោតឬចង្វាក់បេះដូង(ECG)បណ្ដើរ។ ករណីអាការៈនៃបណ្ដុំរោគសញ្ញាអាដាមស្តូក(Adams–Stokes syndrome)ប្រភេទជីពចរដើរយឺត ត្រូវរក្សាចង្វាក់បេះដូងក្នុងចន្លោះ50～60/នាទី។ ករណីអាការៈប្រតិកម្មធ្ងន់ធ្ងរ(Shock)ឬបណ្ដុំរោគសញ្ញានៃការថយចុះបរិមាណឈាមបាញ់ចេញពីបេះដូង ត្រូវរក្សាចង្វាក់បេះដូងប្រហែល110/នាទី។

-ករណីបន្ទាន់：ប្រើក្នុងកម្រិត0.2mgលាយនៅក្នុងសូលុយស្យុងអ៊ីសូតូនិច(Isotonic solution)20mL រួចប្រើ2～20mLដើម្បីចាក់ក្នុងសរសៃវ៉ែនដោយយឺតៗ ឬចាក់ក្នុងសាច់ដុំ ឬ ចាក់ក្រោមស្បែក។ ករណីខ្សែចង្វាក់បេះដូងរាបស្មើ អាចប្រើក្នុងកម្រិត0.02～0.2mg ចាក់ក្នុងបេះដូង។

ករណីថ្នាំទឹកលាយសម្រាប់ស្រូបតាមមាត់：

ប្រើ1ដង3mg ស្រូបដោយប្រើឧបករណ៍ណេប៊ុឡាយហ្សឺ(Nebulizer)ជាដើម ស្រូបរយៈពេល3～10នាទី។

ករណីថ្នាំលេប ប្រើនៅក្នុងការព្យាបាលអាការៈជីពចរដើរយឺតកម្រិតធ្ងន់ធ្ងរគ្រប់ប្រភេទ និង ប្រើនៅក្នុងការបង្ការការកើតមានអាការៈនៃបណ្ដុំរោគសញ្ញាអាដាមស្តូក(Adams–Stokes syndrome)：

・អ្នកដែលមានជំងឺ Idiopathic hypertrophic subaortic stenosis (IHSS)។

・អ្នកដែលកំពុងមានអាការៈពុលដោយសារឱសថប្រភេទDigitalis។

・អ្នកដែលកំពុងប្រើប្រាស់ឱសថដូចខាងក្រោម : ឱសថប្រភេទCatecholamine (ឱសថAdrenalineជាដើម) ឱសថEphedrine ឱសថMethylephedrine ឱសថMethylephedrine saccharinate ឱសថOrciprenaline ឱសថFenoterol ឱសថDroxidopa។

ករណីថ្នាំលេប ប្រើចំពោះអាការៈវិលមុខដោយសារបញ្ហានៅផ្នែកខាងក្នុងនៃត្រចៀក：

・អ្នកដែលមានជំងឺទាក់ទងនឹងសរសៃអាកទែបេះដូងកម្រិតធ្ងន់ធ្ងរ។

・អ្នកដែលទើបរងរបួសពីខាងក្រៅលើផ្នែកក្បាលឬផ្នែកកភ្លាមៗ។

・អ្នកដែលកំពុងប្រើប្រាស់ឱសថដូចខាងក្រោម : ឱសថប្រភេទCatecholamine (ឱសថAdrenalineជាដើម) ឱសថEphedrine ឱសថMethylephedrine។

ករណីថ្នាំចាក់：

・អ្នកដែលមានជំងឺ Idiopathic hypertrophic subaortic stenosis (IHSS)។

・អ្នកដែលកំពុងមានអាការៈពុលដោយសារឱសថប្រភេទDigitalis។

・អ្នកដែលកំពុងប្រើប្រាស់ឱសថដូចខាងក្រោម : ឱសថប្រភេទCatecholamine (ឱសថAdrenalineជាដើម) ឱសថEphedrine ឱសថMethylephedrine ឱសថMethylephedrine saccharinate ឱសថOrciprenaline ឱសថFenoterol ឱសថDroxidopa។

ករណីថ្នាំទឹកលាយសម្រាប់ស្រូបតាមមាត់：

・អ្នកដែលកំពុងប្រើប្រាស់ឱសថដូចខាងក្រោម : ឱសថប្រភេទCatecholamine (ឱសថAdrenalineជាដើម) ឱសថEphedrine ឱសថMethylephedrine។

・អ្នកដែលមានជំងឺចង្វាក់បេះដូងខុសប្រក្រតីលក្ខណៈជីពចរដើរញាប់ (Tachyarrhythmia)។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ។

・រោគសញ្ញាទាក់ទងនឹងប្រព័ន្ធរបត់ឈាម：សម្ពាធឈាមកើនឡើង ជីពចរដើរលឿន បេះដូងលោតញាប់

・រោគសញ្ញាស្មារតី：ញ័រដៃជើង គេងមិនលក់ អារម្មណ៍មិនស្ងប់

・រោគសញ្ញាទាក់ទងនឹងមេតាបូលីស：កម្រិតជាតិស្ករក្នុងឈាមកើនឡើង កម្រិតប៉ូតាស្យូមចុះទាប កម្រិតអាំងស៊ុយលីនក្នុងឈាមកើនឡើង

・រោគសញ្ញាក្រពះពោះវៀន：អារម្មណ៍មិនស្រួលក្នុងក្រពះ ទល់លាមក។

នៅពេលប្រើរួមជាមួយឱសថប្រភេទទីអូហ្វីរីន (Theophylline drugs) អាចធ្វើអោយផលរំខានដូចជា បេះដូងលោតញាប់ គេងមិនលក់ ញ័រដៃជើង ជាដើម ងាយកើតឡើង។ ម្យ៉ាងទៀត ដើម្បីកាត់បន្ថយផលរំខានពីការប្រើឱសថប្រភេទស្រូបតាមមាត់ច្រើនហួសហេតុ ត្រូវកំណត់កម្រិតប្រើប្រាស់ក្នុង1ថ្ងៃអោយបានច្បាស់លាស់។

・ភ្ញោចគ្រឿងទទួលβ1(β1 receptor) ដើម្បីបង្កើនកម្លាំងកន្ត្រាក់របស់បេះដូង ក៏ដូចជាបង្កើនបរិមាណឈាមដែលច្របាច់ចេញពីបេះដូង ប៉ុន្តែឱសថនេះ មិនមានឥទ្ធិពលទៅលើចំនួនដងនៃការកន្ត្រាក់របស់បេះដូងឬសម្ពាធឈាមនោះទេ។

・មានសកម្មភាពសំខានៗ3 គឺ បន្ធូរការកន្ត្រាក់នៃសាច់ដុំរលោងនៅទងសួត ទប់ស្កាត់ការបញ្ចេញសារធាតុដែលបង្កអាការៈប្រតិកម្មផ្សេងៗ និង ជម្រុញចលនានៃរោមនៅលើភ្នាសរបស់ទងសួត។ ប៉ុន្តែ សកម្មភាពចម្បងជាងគេនោះគឺ ការបន្ធូរការកន្ត្រាក់នៃសាច់ដុំរលោងនៅទងសួត តាមរយៈការជម្រុញសកម្មភាពនៃអង់ស៊ីមAdenylate cyclase ដែលចាំបាច់នៅក្នុងការផលិតម៉ូលេគុលcAMPពីATP។ នៅពេលបរិមាណcAMPកើនឡើង ទងសួតនឹងចាប់ផ្ដើមរីកធំ។