Iopromide

ជាទូទៅ ឱសថនេះប្រើនៅក្នុងបម្រើបម្រាស់ដូចខាងក្រោម៖

- ការថតសរសៃឈាមក្នុងខួរក្បាល

- ការថតសរសៃឈាមក្នុងទ្រូង

- ការថតសរសៃឈាមក្នុងពោះ

- ការថតសរសៃឈាមនៅតាមអវៈយវៈទាំងបួន

- ការចាក់ឱសថនេះចូលសរសៃវ៉ែនដើម្បីថតសរសៃឈាមដោយប្រើកាំរស្មីX

- ការចាក់ឱសថនេះចូលសរសៃអាកទែរដើម្បីថតសរសៃឈាមដោយប្រើកាំរស្មីX

- ការថតCT

- ការចាក់ឱសថនេះចូលសរសៃវ៉ែនដើម្បីថតផ្លូវតម្រងនោម។

ថ្នាំចាក់：

កម្រិតប្រើប្រាស់ប្រែប្រួលទៅតាមអាយុ ទម្ងន់ រោគសញ្ញារបស់អ្នកជំងឺ និង គោលដៅនៃការថតឬផ្នែកនៃរាងកាយដែលត្រូវថត។ សូមពិនិត្យព័ត៌មានលម្អិតនៅក្នុងបរិយាយប័ណ្ណរបស់ឱសថនីមួយៗ។ បរិមាណឱសថសរុបដែលអាចប្រើជាអតិបរមាគឺ260mL។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុអ៊ីយ៉ូតឬថ្នាំជំនួយការថតប្រភេទអ៊ីយ៉ូត។

・អ្នកដែលមានជំងឺក្រពេញទីរ៉ូអ៊ីតកម្រិតធ្ងន់ធ្ងរ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលកំពុងស្ថិតក្នុងស្ថានភាពរាងកាយមិនល្អខ្លាំង។

・អ្នកដែលមានជំងឺហឺត (Bronchial asthma)។

・អ្នកដែលមានបញ្ហាបេះដូងកម្រិតធ្ងន់ធ្ងរ។

・អ្នកដែលមានបញ្ហាថ្លើមកម្រិតធ្ងន់ធ្ងរ។

・អ្នកដែលមានបញ្ហាតម្រងនោមកម្រិតធ្ងន់ធ្ងរ។

・អ្នកដែលមានជំងឺMacroglobulinemia។

・អ្នកដែលមានជំងឺមហារីកខួរឆ្អឹងប្រភេទMultiple Myeloma។

・អ្នកដែលមានអាការៈកន្ត្រាក់សាច់ដុំ(Tetany)។

・អ្នកដែលកំពុងមានឬសង្ស័យថាមានជំងឺមហារីកPheochromocytoma។

ផលរំខានរួមមាន ឡើងកន្ទួលក្រហម ចង់ក្អួត រមាស់ស្បែក កន្ទាលត្រអាក ឈឺក្បាល ក្អក ស្នាមប៉ោងលើស្បែក សម្ពាធឈាមធ្លាក់ចុះ ក្ដៅខ្លួន ។ល។

ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម សម្ពាធឈាមចុះទាប បាត់បង់ស្មារតី (អាការៈប្រតិកម្មធ្ងន់ធ្ងរ(Shock) រោគប្រតិកម្មធ្ងន់ធ្ងរ)

- ពិបាកដកដង្ហើម ទឹកមុខស្លេកស្លាំង ហើមបំពង់ក ហើមត្របកភ្នែក ហើមមុខ (រោគប្រតិកម្មធ្ងន់ធ្ងរ)

- បរិមាណទឹកនោមថយចុះ អស់កម្លាំង ហើម (មុខងារតម្រងនោមចុះខ្សោយស្រួចស្រាវ)

- ពិបាកដកដង្ហើម (ទឹកដក់ក្នុងសួត)

- សាច់ដុំកន្ត្រាក់ខុសប្រក្រតី

- សាច់ដុំកន្ត្រាក់ បាត់បង់ស្មារតី (ញ័រថតក្រោមនៃបេះដូង)

- ងាយហូរឈាម ឈាមច្រមុះ ឈាមតាមអញ្ចាញធ្មេញ ស្នាមជាំស្វាយលើស្បែគ (ចំនួនប្លាកែតថយចុះ)

- បាត់បង់ចំណង់អាហារ រួយខ្លួន ភ្នែកនិងស្បែកប្រែពណ៌លឿង (មុខងារថ្លើមចុះខ្សោយ ខាន់លឿង)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថបញ្ចុះជាតិស្ករក្នុងឈាមប្រភេទBiguanide (Metformin hydrochloride, Buformin hydrochloride ជាដើម) - អាចធ្វើអោយកើតមានរោគសញ្ញានៃLactic acidosis។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅរយៈពេល48ម៉ោង បន្ទាប់ពីប្រើប្រាស់ឱសថនេះ។

・នៅក្នុងការប្រើប្រាស់ឱសថនេះ ត្រូវប្រុងប្រយ័ត្នជាពិសេសចំពោះការកើតមានអាការៈប្រតិកម្មធ្ងន់ធ្ងរ(Shock)។

・ការប្រើឱសថនេះចាក់បញ្ចូលទៅក្នុងខួរក្បាលឬឆ្អឹងខ្នង អាចធ្វើអោយកើតមានផលរំខានធ្ងន់ធ្ងរ ដូច្នេះ ត្រូវចៀសវាង។

ឱសថនេះមានផ្ទុកសារធាតុអ៊ីយ៉ូតដែលនឹងស្រូបយកកាំរស្មីX ជាពិសេសនៅពេលវាស្ថិតនៅក្នុងជាលិកានៃរាងកាយរបស់មនុស្ស ដែលធ្វើអោយគេអាចផ្ដិតយករូបភាពនៃការថតបានច្បាស់។