Iodine

ផលិតផល: 

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងបម្រើបម្រាស់ដូចខាងក្រោម៖

      - សម្លាប់មេរោគ：

      (1) នៅលើស្បែកឬភ្នាសនៅពេលវះកាត់

      (2) នៅលើស្បែកឬភ្នាសដែលមានរបួស

      (3) នៅលើស្បែកដែលរលាកដោយសារកម្ដៅ

      (4) នៅលើដៃ

      សម្គាល់：គេបែងចែកឱសថនេះទៅតាមភាគរយនៃសារធាតុថ្នាំនិងផ្នែកនៃរាងកាយដែលអាចប្រើលើបាន ដូច្នេះ សូមពិនិត្យមើលការណែនាំសម្រាប់ឱសថនីមួយៗអោយបានច្បាស់លាស់។

      - ព្យាបាលអាការៈដំបៅនៅលើស្បែក ដែលកើតឡើងដោយសារការគេងនៅមួយកន្លែងរយៈពេលយូរ ឬ ដោយសារការរលាកភ្លើង ជាដើម។

    • កម្រិតប្រើប្រាស់

      ជាទូទៅ គេប្រើឱសថនេះក្នុងកំហាប់ 0.75% ឬ 0.9% ឬ 1%។ សូមពិនិត្យព័ត៌មានលម្អិតនៅក្នុងបរិយាយប័ណ្ណនៃឱសថនីមួយៗ។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬសារធាតុអ៊ីយ៉ូត។

    • ផលរំខាន

      ផលរំខានរួមមាន រមាស់ ក្ដៅក្រហាយ ឡើងកន្ទួលក្រហម ដំបៅ ប្រែពណ៌ស្បែក ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ពិបាកដកដង្ហើម អារម្មណ៍មិនស្រួលក្នុងខ្លួន ហើម (រោគប្រតិកម្មធ្ងន់ធ្ងរ)។

    • អន្តរប្រតិកម្ម

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬសារធាតុអ៊ីយ៉ូត។

      ・ស្បែកដែលមានរបួសឬភ្នាសសើម។ (ករណីឱសថនេះមានផ្ទុកសារធាតុIsopropanol)។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីកំពុងមានផ្ទៃពោះឬស្ត្រីបំបៅដោះកូន មិនគួរប្រើឱសថនេះក្នុងទំហំធំលើស្បែករយៈពេលយូរនោះទេ។

    • ការប្រុងប្រយ័ត្នជាពិសេស

      ・ករណីប្រើលើស្បែកឬដៃ ប្រសិនបើត្រូវសម្អាតស្បែកដោយប្រើសាប៊ូមុនពេលប្រើឱសថនេះ សូមលាងជម្រះសាប៊ូចេញអោយអស់ជាមុនសិន ព្រោះប្រសិនបើនៅសល់សាប៊ូ នោះប្រសិទ្ធិភាពសម្លាប់មេរោគនឹងថយចុះ។

      ・ករណីមានផ្ទុកសារធាតុអេតាណុលឬអ៊ីសូប្រូប៉ាណុល(Isopropanol) មិនត្រូវប្រើនៅលើស្បែកឬភ្នាសដែលមានរបួសនោះទេ ព្រោះអាចធ្វើអោយផ្សាខ្លាំង។

    • សកម្មភាពឱសថ

      ឱសថនេះមានផ្ទុកធាតុអ៊ីយ៉ូត(I2) ដែលធ្វើអុកស៊ីតកម្មជាមួយនឹងទឹកបង្កើតបានជាអ៊ីយ៉ុងH2OI＋ ដោយអ៊ីយ៉ុងនេះនឹងទៅភ្ជាប់ជាមួយនឹងប្រូតេអ៊ីនដែលមាននៅលើភ្នាសកោសិការបស់បាក់តេរីឬវីរុសដើម្បីកម្ចាត់មេរោគទាំងនោះ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល