Interferon gamma-1a

ជាទូទៅ ឱសថនេះប្រើនៅក្នុងការព្យាបាលជំងឺដូចខាងក្រោម៖

・ជំងឺមហារីកតម្រងនោម

・កាត់បន្ថយភាពញឹកញាប់និងកម្រិតនៃជំងឺឆ្លងធ្ងន់ធ្ងរដែលកើតឡើងចំពោះអ្នកជំងឺGranulomatosis រ៉ាំរ៉ៃ

・ជំងឺមហារីកMycosis fungoides

・បណ្ដុំរោគសញ្ញាSezary syndrome។

ថ្នាំចាក់ ប្រភេទកកស្ងួត：

រួមមាន 50ម៉ឺន, 100ម៉ឺន, 300ម៉ឺន JRU/ដប។＊JRU: ខ្នាតតាមស្តង់ដារនៃប្រទេសជប៉ុន។

・ជំងឺមហារីកតម្រងនោម：

ក្រោយរំលាយនៅក្នុងទឹកសម្រាប់លាយថ្នាំចាក់ដែលភ្ជាប់មកជាមួយឱសថនេះ ត្រូវលាយនៅក្នុងសេរ៉ូមប្រៃឬសេរ៉ូមគ្លុយកូស5%ជាដើម។ រួចប្រើដោយព្យួរសេរ៉ូមតាមសរសៃវ៉ែនតាមវិធីទី1ឬវិធីទី2 ដូចខាងក្រោម៖

＜វិធីទី1 (ប្រើរៀងរាល់ថ្ងៃ)＞ ប្រើ1ថ្ងៃ1ដង 200ម៉ឺន～300ម៉ឺន JRU/m² ជារៀងរាល់ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

＜វិធីទី2 (ប្រើចន្លោះថ្ងៃ)＞1ថ្ងៃ1ដង 1000ម៉ឺន JRU/m² ប្រើរៀងរាល់ថ្ងៃរយៈពេល5ថ្ងៃ បន្ទាប់មក ផ្អាកប្រើរយៈពេល9ថ្ងៃ (អនុវត្តបែបនេះ2ដង)។ បន្ទាប់ពីនោះ ប្រើ1ថ្ងៃ1ដង 1000ម៉ឺន JRU/m², រៀងរាល់2ថ្ងៃម្ដង ចំនួន3ដង បន្ទាប់មក ផ្អាកប្រើរយៈពេល9ថ្ងៃ។ អនុវត្តបែបនេះចាប់ពី2ដងឡើងទៅ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・កាត់បន្ថយភាពញឹកញាប់និងកម្រិតនៃជំងឺឆ្លងធ្ងន់ធ្ងរដែលកើតឡើងចំពោះអ្នកជំងឺGranulomatosis រ៉ាំរ៉ៃ：

ប្រើ1ថ្ងៃ1ដង 25ម៉ឺន JRU/m² 1～3ដងក្នុង1សប្ដាហ៍ ចាក់ក្រោមស្បែក។ សង្កេតមើលរោគសញ្ញារបស់អ្នកជំងឺ ប្រសិនបើកើតមានផលរំខាន ត្រូវបន្ថយកម្រិតប្រើប្រើឬបញ្ឈប់ការប្រើប្រាស់ឱសថនេះ។ មិនគួរប្រើក្នុងកម្រិតហួសពី1ដង 25ម៉ឺន JRU/m²នោះទេ។

・ជំងឺមហារីកMycosis fungoides និង បណ្ដុំរោគសញ្ញាSezary syndrome：

ប្រើ1ថ្ងៃ1ដង 200ម៉ឺន JRU ដោយលាយនៅក្នុងសេរ៉ូមប្រៃឬសេរ៉ូមគ្លុយកូស5%ជាដើម រួចព្យួរសេរ៉ូមតាមសរសៃវ៉ែន 5ដងក្នុង1សប្ដាហ៍ ចាក់ក្រោមស្បែក។ ករណីប្រសិទ្ធិភាពមិនគ្រប់គ្រាន់ អាចប្រើ1ថ្ងៃ1ដង 400ម៉ឺន JRU (កម្រិតអតិបរមា)។ អាចបង្កើនឬបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថអ៊ីនតាហ្វេរ៉ុន (Interferons)ផ្សេងទៀត។

・អ្នកដែលធ្លាប់កើតមានរោគប្រតិកម្មជាមួយនឹងឱសថលក្ខណៈជីវៈ(Biological products) ដូចជា វ៉ាក់សាំង ជាដើម។