Interferon beta-1b

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- បង្កាការកើតឡើងម្ដងទៀតនៃជំងឺរឹងនៅតាមសរសៃប្រសាទដោយសារខូចជាលិកាព័ទ្ធជុំវិញសរសៃប្រសាទ(Multiple sclerosis)

- ទប់ស្កាត់ការវិវត្តនៃជំងឺរឹងនៅតាមសរសៃប្រសាទដោយសារខូចជាលិកាព័ទ្ធជុំវិញសរសៃប្រសាទ(Multiple sclerosis)។

ថ្នាំចាក់：

មនុស្សពេញវ័យ ប្រើក្នុងកម្រិត 800ម៉ឺន ខ្នាតអន្តរជាតិ ដោយចាក់ក្រោមស្បែករៀងរាល់2ថ្ងៃម្ដង។

របៀបលាយឱសថ: ជាទូទៅ ប្រើឱសថនេះ1អំពូល លាយនៅក្នុងសូលុយស្យុងNaClកំហាប់0.54%ដែលភ្ជាប់មកជាមួយ ដើម្បីទទួលបានសូលុយស្យុងបរិមាណ1.2mL រួចប្រើ1mLនៃសូលុយស្យុងនោះ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថអ៊ីនតាហ្វេរ៉ុន(Interferon)ផ្សេងទៀត ឬ ឱសថអាល់ប៊ុមីនបានពីមនុស្ស(Human albumin)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលធ្លាប់មានជំងឺបាក់ទឹកចិត្ត(Depression)កម្រិតធ្ងន់ធ្ងរឬអារម្មណ៍ចង់សម្លាប់ខ្លួន។

・អ្នកដែលមានជំងឺថ្លើមដំណាក់កាលមិនអាចដំណើរការមុខងារបាន(Decompensated liver disease)។

・អ្នកដែលមានជំងឺរលាកថ្លើមដោយសារបញ្ហាប្រព័ន្ធភាពស៊ាំប្រឆាំងខ្លួនឯង(Autoimmune hepatitis)។

・អ្នកដែលមានជំងឺប្រកាច់(Epilepsy)ដែលមិនទាន់គ្រប់គ្រងបានពេញលេញដោយការព្យាបាលនៅឡើយ។

・អ្នកដែលកំពុងប្រើប្រាស់ឱសថឫសឈើឈ្មោះ Sho-saiko-to។

・អ្នកដែលធ្លាប់កើតមានរោគប្រតិកម្មជាមួយនឹងឱសថជីវៈ រួមមាន វ៉ាក់សាំង ជាដើម។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ត្រូវប្រុងប្រយ័ត្នជាពិសេសចំពោះរោគសញ្ញាចង់សម្លាប់ខ្លួន និង រោគសញ្ញារលាកសួតប្រភេទ(Interstitial pneumonia) (រួមមាន អាការៈគេងមិនលក់ អារម្មណ៍ភ័យ ក្អក ពិបាកដកដង្ហើមជាដើម)។

・នៅកន្លែងចាក់ឱសថនេះ អាចកើតមានការស្លាប់ជាលិកា បង្កជារោគសញ្ញាផ្សេងៗ ដូច្នេះ ត្រូវសង្កេតតាមដានបម្រែបម្រួលសភាពនៅកន្លែងចាក់ក្រោយពេលប្រើឱសថនេះអោយបានដិតដល់។