Indometacin sodium

ជាទូទៅ ឱសថនេះប្រើនៅក្នុងការព្យាបាលជំងឺPatent Ductus Arteriosus(PDA)ចំពោះទារកកើតមិនគ្រប់ខែ ក្នុងករណីវិធីព្យាបាលរក្សាស្ថានភាព(ការកាត់បន្ថយការបញ្ចូលជាតិទឹកក្នុងរាងកាយ ការប្រើឱសថបញ្ចុះទឹកនោម ជាដើម)។

＊PDA ជាជំងឺដែលមានសរសៃឈាមអាកទែរតូចៗភ្ជាប់រវាងសរសៃអាកទែរធំនិងសរសៃអាកទែរសួត ធ្វើអោយការបញ្ជូនឈាមប្រព្រឹត្តិទៅមិនបានល្អ។

ថ្នាំចាក់：

កំណត់កម្រិតប្រើប្រាស់ទៅតាមរយៈពេលក្រោយកើតរបស់ទារក ដូចខាងក្រោម តាមរយៈការប្រើឱសថនេះចាក់តាមសរសៃវ៉ែនចំនួន3ដង ដោយទុកគម្លាត12～24ម៉ោងរវាងការចាក់ម្ដងៗ។

+ ក្រោយកើតអាយុក្រោម48ម៉ោង：នៅលើកទី1 ប្រើ0.2mg/kg។ នៅលើកទី2 ប្រើ0.1mg/kg។ នៅលើកទី3 ប្រើ0.1mg/kg។

+ ក្រោយកើតអាយុ2ថ្ងៃ～ក្រោម7ថ្ងៃ：នៅលើកទី1 ប្រើ0.2mg/kg។ នៅលើកទី2 ប្រើ0.2mg/kg។ នៅលើកទី3 ប្រើ0.2mg/kg។

+ ក្រោយកើតអាយុ7ថ្ងៃឡើងទៅ：នៅលើកទី1 ប្រើ0.2mg/kg។ នៅលើកទី2 ប្រើ0.25mg/kg។ នៅលើកទី3 ប្រើ0.25mg/kg។

ក្រោយពេលប្រើឱសថនេះ ប្រសិនបើទារកមានអាការៈមិននោមឬនោមតិចហួសហេតុ(បរិមាណទឹកនោម：ក្រោម0.6mL/kg/hr) ត្រូវផ្អាកការប្រើប្រាស់ឱសថនេះរហូតដល់ពេលមុខងារតម្រងនោមត្រលប់មកប្រក្រតីវិញ។

ប្រសិនបើក្រោយពេលប្រើប្រាស់ឱសថនេះលើកទី1ឬលើកទី2 សរសៃអាកទែរចាប់ផ្ដើមបិទភ្ជិត ត្រូវផ្អាកការប្រើប្រាស់ឱសថនេះនិងតាមដានស្ថានភាព។ ហើយប្រសិនបើក្រោយប្រើប្រាស់ឱសថនេះរយៈពេល48ម៉ោង សរសៃអាកទែរនៅបន្តបិទភ្ជិត មិនចាំបាច់ការប្រើប្រាស់ឱសថនេះបន្ថែមទៀតនោះទេ។

ករណីចាំបាច់ត្រូវប្រើប្រាស់ឱសថនេះបន្ថែមទៀត：ប្រសិនបើសរសៃអាកទែរបើកឡើងវិញ អាចចាក់បន្ថែមឱសថនេះក្នុងកម្រិតខាងលើចំនួន1～3ដង ដោយទុកគម្លាត12～24ម៉ោងរវាងការចាក់ម្ដងៗ។ ប្រសិនបើសរសៃអាកទែរនៅតែមិនបិទភ្ជិតទៀត ត្រូវពិចារណាអនុវត្តការវះកាត់បិទភ្ជិត។

・កុមារដែលមានជំងឺបេះដូងទាក់ទងនឹងសរសៃឈាមអាកទែរពីកំណើត។

・កុមារដែលមានជំងឺតម្រងនោមធ្ងន់ធ្ងរ។

・កុមារដែលមានជំងឺខាន់លឿងធ្ងន់ធ្ងរ។

・កុមារដែលមានជំងឺហូរឈាមនៅក្រពះឬពោះវៀន។

・កុមារដែលមានជំងឺហូរឈាមក្នុងក្បាល។

・កុមារដែលមានជំងឺថយចុះចំនួនប្លាកែត។

・កុមារដែលមានជំងឺទាក់ទងនឹងកំណកឈាម។

・កុមារដែលមានជំងឺឬសង្ស័យថាមានជំងឺរលាកពោះវៀនដោយមានការស្លាប់កោសិកាពោះវៀន។

ផលរំខានរួមមាន បរិមាណទឹកនោមថយចុះ ហើមពោះ ក្អួតចង្អោរ ។ល។

ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- បែកញើសទាំងត្រជាក់ ពិបាកដកដង្ហើម ទឹកមុខប្រែពណ៌ខៀវ (រោគប្រតិកម្មធ្ងន់ធ្ងរ)

- ចង់ក្អួត ឈឺក្រពះ ឈឺពោះ ក្អួតឈាម លាមកពណ៌ខ្មៅ លាមកមានឈាម ទល់លាមក ក្ដៅខ្លួន(ហូរឈាមក្នុងក្រពះឬពោះវៀន ធ្លាយក្រពះឬពោះវៀន ស្ទះពោះវៀន ជាដើម)

- បរិមាណទឹកនោមថយចុះ ហើម នោមមានលាយឈាម (ប៉ះពាល់មុខងារតម្រងនោម)

- ឈឺក្បាល ក្អួតចង្អោរ សាច់ដុំកន្ត្រាក់ ស្ពឹកដៃជើង ក្ដៅខ្លួន (ហូរឈាមក្នុងក្បាល)

- បែកញើសទាំងត្រជាក់ ញ័រដៃជើង ជីពចរលោតលឿន អារម្មណ៍ឃ្លានខ្លាំង (ជាតិស្ករក្នុងឈាមធ្លាក់ចុះ)

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថបញ្ចុះទឹកនោម(Hydrochlorothiazide, Furosemide) - អាចធ្វើអោយសកម្មភាពនៃឱសថទាំងនេះថយចុះ។

・ឱសថDigitalis - អាចធ្វើអោយសកម្មភាពនៃDigitalisកើនឡើង។

・ឱសថប្រឆាំងបាក់តេរីប្រភេទAminoglycosides - អាចធ្វើអោយសកម្មភាពនៃឱសថទាំងនេះកើនឡើង។

ឱសថនេះមានប្រសិទ្ធិភាពទប់ស្កាត់សកម្មភាពនៃអង់ស៊ីមCyclooxygenase(COX)ដើម្បីបង្អាក់ដំណើរការសំយោគសារធាតុProstaglandinដែលជាសារធាតុបង្កអោយមានអាការៈរលាក ឈឺចាប់ ឬ ក្ដៅខ្លួន។ ប៉ុន្តែ ចំពោះសកម្មភាពនៃឱសថនេះនៅក្នុងការព្យាបាលជំងឺPDAមិនទាន់មានទ្រឹស្ដីច្បាស់លាស់នៅឡើយទេ។