Indinavir sulfate ethanolate

ជាទូទៅ ឱសថនេះប្រើនៅក្នុងការព្យាបាលដូចខាងក្រោមដោយប្រើរួមជាមួយឱសថប្រឆាំងវីរុសហ៊ីវផ្សេងទៀត។៖

・អ្នកជំងឺអេដស៍(AIDS)

・អ្នកផ្ទុកវីរុសហ៊ីវ(HIV)ដែលមានចំនួនកោសិកាទឹករងៃCD4(កម្រិតCD4 Lymphocyte)ចាប់ពី500/mm³ចុះមុនពេលព្យាបាល មានរោគសញ្ញាឬគ្មានរោគសញ្ញា។

ថ្នាំលេប：

មនុស្សពេញវ័យ：លេប1ដង800mg, 1ថ្ងៃ3ដង រៀងរាល់8ម៉ោង នៅពេលពោះទទេ (1ម៉ោងមុនបរិភោគអាហារ ឬ 2ម៉ោងក្រោយបរិភោគអាហារ)។ ត្រូវប្រើរួមជាមួយឱសថប្រឆាំងHIVផ្សេងទៀត។ គួរបន្ថយកម្រិតប្រើប្រាស់ទៅតាមមុខងារថ្លើមរបស់អ្នកជំងឺ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថដូចខាងក្រោម：

　Amiodarone hydrochloride, Triazolam, Midazolam, Alprazolam, Pimozide, Ergotamine tartrate, Dihydroergotamine mesilate, Methylergometrine maleate , Ergometrin maleate, Rifampicin, Eletriptan hydrobromide, Azelnidipine, Blonanserin, Suvorexant, Sildenafil, Tadalafil, Atazanavir, Vardenafil, Rivaroxaban, Riociguat, Asunaprevir, Vaniprevir។

ផលរំខានរួមមាន កម្រិតBilirubinក្នុងឈាមកើនឡើង ក្អួតចង្អោរ ជាតិខ្លាញ់ក្នុងឈាមកើនឡើង ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- នោមមានឈាម ឈឺនៅផ្នែកខាងនៃពោះ (ក្រួសក្នុងតម្រងនោម)

- អាការៈងាយហូរឈាមតាមច្រមុះ តាមអញ្ចាញធ្មេញ ក្រោមស្បែក។ល។

- ទឹកមុខស្លេកស្លាំង ឈឺបំពង់ក ឈឺសាច់ដុំ ក្ដៅខ្លួន (អាការៈខ្វះឈាម ជំងឺខ្វះឈាមប្រភេទHemolytic anemia ជំងឺគ្រាប់ឈាមសថយចុះ)

- ក្ដៅខ្លួន ដំបៅក្នុងមាត់ ពងទឹកឬស្នាមក្រហមលើស្បែក (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndromeឬStevens-Johnson syndrome))

- ស្ងួតក បត់ជើងតូចញឹកញាប់ អស់កម្លាំង (កម្រិតជាតិស្ករក្នុងឈាមកើនឡើង)

- បាត់បង់ចំណង់អាហារ ក្អួតចង្អោរ ញ័រដៃ (មុខងារថ្លើមថយចុះ)

・ឱសថដូចខាងក្រោម：Amiodarone hydrochloride, Triazolam, Midazolam, Alprazolam, Pimozide, Ergotamine tartrate, Dihydroergotamine mesilate, Methylergometrine maleate , Ergometrin maleate - អាចធ្វើអោយការបញ្ចេញចោលនៃឱសថទាំងនេះថយចុះ នាំអោយកើតមានផលរំខានធ្ងន់ធ្ងរ ដូច្នេះ ហាមប្រើរួមគ្នា។

・ឱសថRifampicin - អាចធ្វើអោយកំហាប់ក្នុងឈាមនៃIndinavirថយចុះ ដូច្នេះ ហាមប្រើរួមគ្នា។

・ឱសថEletriptan hydrobromide, Azelnidipine, Blonanserin, Suvorexant - អាចធ្វើអោយកំហាប់ក្នុងឈាមនៃឱសថទាំងនេះកើនឡើង ដូច្នេះ ហាមប្រើរួមគ្នា។

・ឱសថSildenafil, Tadalafil - អាចធ្វើអោយកំហាប់ក្នុងឈាមនៃឱសថទាំងនេះកើនឡើង ដូច្នេះ ហាមប្រើរួមគ្នា។

・ឱសថAtazanavir - អាចធ្វើអោយកម្រិតBilirubinក្នុងឈាមកើនឡើង ដូច្នេះ ហាមប្រើរួមគ្នា។

・ឱសថVardenafil, Rivaroxaban, Riociguat, Asunaprevir, Vaniprevir - អាចធ្វើអោយកំហាប់ក្នុងឈាមនៃឱសថទាំងនេះកើនឡើង បង្កជាផលរំខានផ្សេងៗ ដូច្នេះ ហាមប្រើរួមគ្នា។

ក្រៅពីនេះ មានឱសថជាច្រើនផ្សេងទៀតដែលត្រូវប្រុងប្រយ័ត្ននៅពេលប្រើរួមជាមួយនឹងឱសថនេះ សូមពិនិត្យមើលព័ត៌មានបន្ថែម។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ដើម្បីចៀសវាងកុំអោយកើតមានផលរំខាននៃឱសថ(ក្រួសតម្រងនោម) អ្នកជំងឺគួរបរិភោគទឹកអោយបានច្រើន (យ៉ាងហោចណាស់1.5Lក្នុង1ថ្ងៃ)។

・ឱសថនេះមានប្រសិទ្ធិភាពត្រឹមទប់ទល់នឹងការកើនឡើងនៃវីរុសហ៊ីវក្នុងរាងកាយ ប៉ុន្តែមិនអាចកម្ចាត់វីរុសហ៊ីវអស់ទាំងស្រុងនោះទេ។

ជាឱសថប្រឆាំងវីរុសហ៊ីវ(HIV)ប្រភេទProtease Inhibitor(PI) ដោយមានប្រសិទ្ធិភាពបង្អាក់សកម្មភាពរបស់អង់ស៊ីមProtease(HIV-1និងHIV-2)របស់វីរុស ធ្វើអោយវីរុសមិនអាចវិវត្តទៅជាវីរុសសកម្មឬកើនចំនួនបាន។