Indacaterol maleate

ជាទូទៅ ឱសថនេះប្រើនៅក្នុងការកាត់បន្ថយអាការៈពិបាកដកដង្ហើមបណ្ដាលមកពីការស្ទះផ្លូវដង្ហើម ដែលកើតមាននៅក្នុងជំងឺដូចខាងក្រោម ៖

- ជំងឺរលាកទងសួតរ៉ាំរ៉ៃ

- ជំងឺខ្យល់ដក់ក្នុងសួត (Pulmonary emphysema)។

ថ្នាំទម្រង់ជាឧបករណ៍បាញ់ស្រូបតាមមាត់：

មនុស្សពេញវ័យ：ប្រើ1ថ្ងៃ1ដង150μg ស្រូបតាមមាត់ដោយប្រើឧបករណ៍ដែលផលិតសម្រាប់ប្រើជាមួយឱសថនេះ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ផលរំខានរួមមាន ក្អក កន្ទាលត្រអាក រឹងសាច់ដុំ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- អស់កម្លាំង កម្លាំងសាច់ដុំធ្លាក់ចុះ ពិបាកដកដង្ហើម ស្ពឹកដៃជើង (រោគសញ្ញានៃកម្រិតប៉ូតាស្យូមក្នុងឈាមធ្លាក់ចុះទាបធ្ងន់ធ្ងរ)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលមានសកម្មភាពទប់ស្កាត់អង់ស៊ីមCYP3A4 (Erythromycin, Ritonavir ជាដើម) - អាចធ្វើអោយកំហាប់ក្នុងឈាមនៃ Indacaterol កើនឡើង បង្កជាផលរំខានផ្សេងៗ។

・ឱសថដែលមានសកម្មភាពទប់ស្កាត់ P glycoprotein (Verapamil ជាដើម) - អាចធ្វើអោយកំហាប់ក្នុងឈាមនៃ Indacaterol កើនឡើង បង្កជាផលរំខានផ្សេងៗ។

・ឱសថដែលមានសកម្មភាពអូសបន្លាយរយៈពេលQTនៃចង្វាក់បេះដូង (ឱសថប្រភេទMAO inhibitors, ឱសថព្យាបាលជំងឺបាក់ទឹកចិត្តប្រភេទTricyclic antidepressants) - អាចធ្វើអោយQTនៃចង្វាក់បេះដូងអូសបន្លាយ បង្កជារោគសញ្ញាខុសប្រក្រតីនៃចង្វាក់បេះដូង។

・ឱសថប្រភេទភ្ញោចប្រព័ន្ធសរសៃប្រសាទខួរក្បាល (Sympathomimetic agents) - អាចធ្វើអោយសកម្មភាពនៃIndacaterolកើនឡើង។

・ឱសថប្រភេទXanthine (Theophylline, Aminophylline hydrate, Diprophylline ជាដើម), ឱសថប្រភេទស្តេរ៉ូអ៊ីត(Prednisolone, Betamethasone, Hydrocortisone ជាដើម), ឱសថបញ្ចុះទឹកនោម(Trichlormethiazide, Furosemide, Acetazolamide ជាដើម) - អាចធ្វើអោយកម្រិតប៉ូតាស្យូមនៅក្នុងឈាមធ្លាក់ចុះទាប។

・ឱសថទប់ស្កាត់គ្រឿងទទួលβ (Beta blockers) (រួមទាំងថ្នាំបន្តក់ភ្នែកផងដែរ) - អាចធ្វើអោយសកម្មភាពនៃIndacaterolថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន គួរប្រើឱសថនេះក្នុងករណីចាំបាច់តែប៉ុណ្ណោះ ព្រោះសារធាតុឱសថអាចជ្រៀតចូលក្នុងទឹកដោះម្តាយ។

ឱសថនេះមានសកម្មភាពភ្ញោចគ្រឿងទទួលβ2(β2 receptor) ធ្វើអោយអង់ស៊ីមAdenylyl cyclaseមានសកម្មភាពបំលែងសារធាតុATPនៅក្នុងកោសិកាទៅជាcAMP។ ការកើនឡើងនៃcAMPមានប្រសិទ្ធិភាពពង្រីកមុខកាត់នៃទងសួតអោយរីកធំទូលាយ សម្រួលដល់ការដកដង្ហើម។ ប្រសិទ្ធិភាពនៃឱសថនេះអាចបន្តក្នុងរយៈពេលវែង។