Imipenem hydrate + Cilastatin sodium

ករណីថ្នាំចាក់ សម្រាប់ព្យួរសេរ៉ូមតាមសរសៃវ៉ែន：

ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ដូចជា អាការៈប្រតិកម្មធ្ងន់ធ្ងរប្រឆាំងនឹងការឆ្លងមេរោគចូលក្នុងឈាម(Sepsis) ជំងឺរលាកភ្នាសខាងក្នុងនៃបេះដូងដោយសារមេរោគ(Infective endocarditis) ជំងឺឆ្លងមេរោគបណ្ដាលមកពីរបួសក្រៅឬការរលាកភ្លើងឬការវះកាត់ ជំងឺរលាកខួរឆ្អឹង ជំងឺរលាកសន្លាក់ ជំងឺរលាកទងសួតស្រួចស្រាវ ជំងឺរលាកសួត ជំងឺខ្ទុះក្នុងសួត(Lung abscess) ជំងឺខ្ទុះក្នុងទ្រូង ជំងឺឆ្លងមេរោគដោយសារជំងឺផ្លូវដង្ហើមរ៉ាំរ៉ៃ ជំងឺរលាកប្លោកនោម ជំងឺរលាកតម្រងនោមប្រភេទPyelonephritis ជំងឺរលាកក្រពេញប្រូស្តាស្រួចស្រាវឬរ៉ាំរ៉ៃ ជំងឺរលាកស្រោមពោះ ជំងឺរលាកថង់ទឹកប្រមាត់ ជំងឺរលាកបំពង់ទឹកប្រមាត់ ជំងឺខ្ទុះក្នុងថ្លើម ជំងឺរលាកក្រពេញបាល់តូលីន(Bartholinitis) ជំងឺឆ្លងមេរោគក្នុងស្បូន ជំងឺរលាកដៃស្បូននិងក្រពេញអូវែរ(Adnexitis) ជំងឺរលាកជាលិកាជុំវិញស្បូន ជំងឺរលាកកញ្ចក់ភ្នែក(Keratitis)(រួមទាំងជំងឺដំបៅកញ្ចក់ភ្នែក) ជំងឺរលាកក្នុងភ្នែក(រួមទាំងជំងឺរលាកគ្រាប់ភ្នែកទាំងមូល)។

ករណីថ្នាំចាក់ សម្រាប់ចាក់ក្នុងសាច់ដុំ：

ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ដូចជា ជំងឺឆ្លងមេរោគបណ្ដាលមកពីរបួសក្រៅឬការរលាកភ្លើងឬការវះកាត់ ជំងឺរលាកខួរឆ្អឹង ជំងឺរលាកសន្លាក់ ជំងឺរលាកទងសួតស្រួចស្រាវ ជំងឺរលាកសួត ជំងឺខ្ទុះក្នុងសួត(Lung abscess) ជំងឺខ្ទុះក្នុងទ្រូង ជំងឺឆ្លងមេរោគដោយសារជំងឺផ្លូវដង្ហើមរ៉ាំរ៉ៃ ជំងឺរលាកប្លោកនោម ជំងឺរលាកតម្រងនោមប្រភេទPyelonephritis ជំងឺរលាកក្រពេញប្រូស្តាស្រួចស្រាវឬរ៉ាំរ៉ៃ ជំងឺរលាកស្រោមពោះ ជំងឺរលាកថង់ទឹកប្រមាត់ ជំងឺរលាកបំពង់ទឹកប្រមាត់ ជំងឺខ្ទុះក្នុងថ្លើម ជំងឺរលាកក្រពេញបាល់តូលីន(Bartholinitis) ជំងឺឆ្លងមេរោគក្នុងស្បូន ជំងឺរលាកដៃស្បូននិងក្រពេញអូវែរ(Adnexitis) ជំងឺរលាកជាលិកាជុំវិញស្បូន។

ថ្នាំចាក់：

・ករណីព្យួរសេរ៉ូមតាមសរសៃវ៉ែន：

-មនុស្សពេញវ័យ：ប្រើ1ថ្ងៃ 0.5～1.0g(កម្រិតនៃImipenem) បែងចែកជា2～3ដងក្នុង1ថ្ងៃ ព្យួរសេរ៉ូមតាមសរសៃវ៉ែនរយៈពេលចាប់ពី30នាទីឡើង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ករណីរោគសញ្ញាធ្ងន់ធ្ងរឬពិបាកព្យាបាល អាចបង្កើនកម្រិតដល់1ថ្ងៃ2g។

-កុមារ：ប្រើ1ថ្ងៃ30～80mg/kg បែងចែកជា3～4ដងក្នុង1ថ្ងៃ ព្យួរសេរ៉ូមតាមសរសៃវ៉ែនរយៈពេលចាប់ពី30នាទីឡើង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ករណីរោគសញ្ញាធ្ងន់ធ្ងរឬពិបាកព្យាបាល អាចបង្កើនកម្រិតដល់1ថ្ងៃ100mg/kg។

・ករណីចាក់ក្នុងសាច់ដុំ：

មនុស្សពេញវ័យ：ប្រើ1ថ្ងៃ 0.5～1.0g(កម្រិតនៃImipenem) បែងចែកជា2ដងក្នុង1ថ្ងៃ ចាក់ក្នុងសាច់ដុំ។

・អ្នកដែលមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើឱសថSodium valproate (ប្រសិទ្ធិភាពរបស់Sodium valproate ចុះខ្សោយធ្វើអោយអ្នកជំងឺរើអាការៈឡើងវិញ)។

・អ្នកដែលធ្លាប់កើតមានរោគប្រតិកម្មជាមួយនឹងឱសថស្ពឹកប្រភេទAnilide (ឱសថLidocaine ជាដើម)។ (ករណីចាក់ក្នុងសាច់ដុំ)

ផលរំខានរួមមាន រាករូស ឡើងកន្ទួលក្រហម ក្អួតចង្អោរ បាត់បង់ចំណង់អាហារ សាច់ដុំកន្ត្រាក់ ក្តៅខ្លួន បញ្ហាថ្លើម សន្លប់ ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ស្ពឹកដៃជើង ញ័រ សាច់ដុំកន្ត្រាក់ វង្វេង (ប្រកាច់ បញ្ហាប្រព័ន្ធដង្ហើម បញ្ហាស្មារតី)

- ឡើងក្រហមពេញខ្លួន បែកញើសទាំងត្រជាក់ (រោគប្រតិកម្មធ្ងន់ធ្ងរ)

- ស្បែកឡើងក្រហមនិងរលាត់ ក្តៅខ្លួន ពងទឹក ភ្នែកក្រហម (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(TEN)) ជាដើម)

- បាត់បង់ចំណង់អាហារ រោយខ្លួន ស្បែកនិងភ្នែកឡើងពណ៌លឿង (ជំងឺថ្លើម)

- ក្តៅខ្លួន ក្អកស្ងួត ពិបាកដកដង្ហើម (រលាកសួត បណ្តុំរោគសញ្ញាPIE)

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ថ្នាំព្យាបាលជំងឺប្រកាច់Sodium valproate - ប្រសិទ្ធិភាពរបស់Sodium valproate ចុះខ្សោយធ្វើអោយអ្នកជំងឺរើអាការៈឡើងវិញ

・ថ្នាំប្រឆាំងវីរុសGanciclovir - អាចមានផលរំខានធ្វើអោយប្រកាច់

・ថ្នាំប្រឆាំងមេរោគFaropenem sodium - កម្រិត Faropenem sodium កើនឡើង

・ស្ត្រីមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ត្រូវពិនិត្យអោយដឹងថាថ្នាំពិតជារលាយអស់ មុននឹងប្រើ

・ត្រូវប្រើភ្លាមៗក្រោយពេលលាយ។ អាចរក្សាទុកត្រឹម4ម៉ោងប៉ុណ្ណោះ

・សារធាតុឱសថអាចធ្វើអោយទឹកនោមប្រែទៅជាពណ៌ត្នោត

ជាឱសថប្រឆាំងបាក់តេរីប្រភេទកាល់បាផេណេម(Carbapenem antibiotic) ដោយមានប្រសិទ្ធិភាពបង្អាក់សកម្មភាពបង្កើតភ្នាសកោសិការបស់បាក់តេរី ធ្វើអោយបាក់តេរីមិនអាចកើនចំនួនបាន។

ម្យ៉ាងទៀត មានប្រសិទ្ធិភាពទប់ទល់នឹងសកម្មភាពរបស់អង់ស៊ីមβ-lactamase ធ្វើអោយប្រសិទ្ធិភាពរបស់ឱសថមានលំនឹង មិនងាយបាត់បង់ប្រសិទ្ធិភាព។