Imatinib mesilate

ជាទូទៅ ឱសថនេះប្រើនៅក្នុងការព្យាបាលជំងឺដូចខាងក្រោម៖

- ជំងឺមហារីកគ្រាប់ឈាមសប្រភេទកោសិកាខួរឆ្អឹងលក្ខណៈរ៉ាំរ៉ៃ (Chronic myelogenous leukemia, CML)

- ជំងឺមហារីកនៅបំពង់រំលាយអាហារប្រភេទGastrointestinal stromal tumor ដែលគេរកឃើញមានវត្តមានKIT(CD117)

- ជំងឺមហារីកគ្រាប់ឈាមសប្រភេទកោសិកាទឹករងៃលក្ខណៈស្រួចស្រាវ (Acute lymphocytic leukemia) ដែលគេរកឃើញមានវត្តមានក្រូម៉ូសូមPhiladelphia

- បណ្ដុំរោគសញ្ញានៃការកើនឡើងហួសហេតុនៃកោសិកាEosinophil (Hypereosinophilic syndrome, HES) ដែលគេរកឃើញមានវត្តមានFIP1L1-PDGFRα

- ជំងឺមហារីកគ្រាប់ឈាមសប្រភេទកោសិកាEosinophilលក្ខណៈរ៉ាំរ៉ៃ (Chronic eosinophilic leukemia)ដែលគេរកឃើញមានវត្តមានFIP1L1-PDGFRα។

ថ្នាំលេប：

・ករណីជំងឺមហារីកគ្រាប់ឈាមសប្រភេទកោសិកាខួរឆ្អឹងលក្ខណៈរ៉ាំរ៉ៃ (Chronic myelogenous leukemia, CML):

- នៅដំណាក់កាលរ៉ាំរ៉ៃ: ជាទូទៅ មនុស្សពេញវ័យ លេបក្នុងកម្រិត1ថ្ងៃ1ដង400mg ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមលទ្ធផលពិនិត្យឈាម អាយុនិងរោគសញ្ញារបស់អ្នកជំងឺ ប៉ុន្តែ កម្រិតប្រើប្រាស់អតិបរមាគឺ1ថ្ងៃ1ដង600mg។

- នៅដំណាក់កាលប្រែប្រួលនិងដំណាក់កាលស្រួចស្រាវ: ជាទូទៅ មនុស្សពេញវ័យ លេបក្នុងកម្រិត1ថ្ងៃ1ដង600mg ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមលទ្ធផលពិនិត្យឈាម អាយុនិងរោគសញ្ញារបស់អ្នកជំងឺ ប៉ុន្តែ កម្រិតប្រើប្រាស់អតិបរមាគឺ1ថ្ងៃ800mg(1ដង400mg 1ថ្ងៃ2ដង)។

・ករណីជំងឺមហារីកនៅបំពង់រំលាយអាហារប្រភេទGastrointestinal stromal tumor ដែលគេរកឃើញមានវត្តមានKIT(CD117):

ជាទូទៅ មនុស្សពេញវ័យ លេបក្នុងកម្រិត1ថ្ងៃ1ដង400mg ក្រោយបរិភោគអាហារ។ អាចបន្ថយកម្រិតប្រើប្រាស់ទៅតាមអាយុនិងរោគសញ្ញារបស់អ្នកជំងឺ។

・ករណីជំងឺមហារីកគ្រាប់ឈាមសប្រភេទកោសិកាទឹករងៃលក្ខណៈស្រួចស្រាវ (Acute lymphocytic leukemia) ដែលគេរកឃើញមានវត្តមានក្រូម៉ូសូមPhiladelphia:

ជាទូទៅ មនុស្សពេញវ័យ លេបក្នុងកម្រិត1ថ្ងៃ1ដង600mg ក្រោយបរិភោគអាហារ។ អាចបន្ថយកម្រិតប្រើប្រាស់ទៅតាមលទ្ធផលពិនិត្យឈាម អាយុនិងរោគសញ្ញារបស់អ្នកជំងឺ។

・ករណីបណ្ដុំរោគសញ្ញានៃការកើនឡើងហួសហេតុនៃកោសិកាEosinophil (Hypereosinophilic syndrome, HES) ដែលគេរកឃើញមានវត្តមានFIP1L1-PDGFRα និង ជំងឺមហារីកគ្រាប់ឈាមសប្រភេទកោសិកាEosinophilលក្ខណៈរ៉ាំរ៉ៃ (Chronic eosinophilic leukemia)ដែលគេរកឃើញមានវត្តមានFIP1L1-PDGFRα:

ជាទូទៅ មនុស្សពេញវ័យ លេបក្នុងកម្រិត1ថ្ងៃ1ដង100mg ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ ប៉ុន្តែ កម្រិតប្រើប្រាស់អតិបរមាគឺ1ថ្ងៃ1ដង400mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ ។

・អ្នកដែលកំពុងប្រើប្រាស់ឱសថLomitapide។

ផលរំខានរួមមាន ក្អួតចង្អោរ រាករូស បាត់បង់ចំណង់អាហារ ឡើងកន្ទួលក្រហម ហើមមុខ ត្របកភ្នែកនិងដៃជើង អាការៈខ្វះឈាម អសកម្លាំង សាច់ដុំកន្ត្រាក់ ក្ដៅខ្លួន។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- អាការៈខ្វះឈាម ក្ដៅខ្លួន ងាយហូរឈាម (ប៉ះពាល់មុខងារផលិតគ្រាប់ឈាមរបស់ខួរឆ្អឹង)

- ឈឺក្បាល ស្ពឹកមួយចំហៀងខ្លួន បាត់បង់ស្មារតី (ហូរឈាមក្នុងខួរក្បាលឬក្រោមស្រទាប់ខួរក្បាល)

- បត់ជើងឈាម ក្អួតឈាម ឈឺពោះ ហើមពោះ អាការៈខ្វះឈាម (ហូរឈាមនៅតាមបំពង់រំលាយអាហារ ធ្លាយក្រពះឬពោះវៀន ជាដើម)

- កើនទម្ងន់ ឈឺពោះ ពិបាកដកដង្ហើម (ទឹកដក់ក្នុងរាងកាយធ្ងន់ធ្ងរដូចជាក្នុងទ្រូង ក្នុងសួត ក្នុងពោះ ក្នុងបេះដូង)

- ក្ដៅខ្លួន ក្អកស្ងួត ពិបាកដកដង្ហើម (ជំងឺរលាកសួតប្រភេទInterstitial pneumonia ជំងឺក្រិនសួត)

- ទឹកមុខស្លេកស្លាំង ពិបាកដកដង្ហើម បាត់បង់ស្មារតី (រោគប្រតិកម្មធ្ងន់ធ្ងរ)។

・ឱសថLomitapide - អាចធ្វើអោយកំហាប់ក្នុងឈាមនៃLomitapideកើនឡើងខ្ពស់។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថL‐asparaginase - អាចធ្វើអោយងាយប៉ះពាល់ដល់មុខងារថ្លើម។

・ឱសថប្រឆាំងមេរោគផ្សិតប្រភេទAzole(Ketoconazole, Fluconazole, Itraconazole, Miconazole), ឱសថប្រឆាំងបាក់តេរីប្រភេទMacrolide(Erythromycin, Clarithromycin ជាដើម) - អាចធ្វើអោយកំហាប់ក្នុងឈាមនៃImatinibកើនឡើង។

・ឱសថPhenytoin, Dexamethasone, Carbamazepine, Rifampicin, Phenobarbital, អាហារបំប៉នដែលមានផ្ទុកសារធាតុSt.John's Wort - អាចធ្វើអោយកំហាប់ក្នុងឈាមនៃImatinibថយចុះ។

・ឱសថSimvastatin, Ciclosporin, Pimozide, Triazolam, Dihydropyridine calcium antagonists - អាចធ្វើអោយកំហាប់ក្នុងឈាមនៃឱសថទាំងនេះកើនឡើង។

・ឱសថNilotinib - អាចធ្វើអោយកំហាប់ក្នុងឈាមនៃឱសថទាំងពីរកើនឡើង។

・ឱសថWarfarin - អាចធ្វើអោយកំហាប់ក្នុងឈាមនៃWarfarinកើនឡើង។

・ឱសថAcetaminophen - អាចធ្វើអោយប៉ះពាល់ដល់មុខងារថ្លើម។

・ក្រូចថ្លុង - អាចធ្វើអោយកំហាប់ក្នុងឈាមនៃImatinibកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ ព្រោះសារធាតុឱសថអាចប៉ះពាល់ដល់ទារកក្នុងផ្ទៃ។

・អ្នកជំងឺជាស្ត្រីដែលអាចមានផ្ទៃពោះ គួរប្រើប្រាស់វិធីពន្យារកំណើតក្នុងអំឡុងពេលប្រើប្រាស់ឱសថនេះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・សារធាតុនៅក្នុងផ្លែក្រូចថ្លុង និង អាហារបំប៉នដែលមានសារធាតុSt.John's Wort អាចធ្វើអោយប្រសិទ្ធិភាពឱសថប្រែប្រួល ដូច្នេះ គួរចៀសវាងបរិភោគអាហារទាំងនេះក្នុងអំឡុងពេលប្រើប្រាស់ឱសថនេះ។

・ឱសថអាចផ្ដល់ផលរំខាន ដូចជា វិលមុខ ងងុយគេង ស្រវាំងភ្នែកជាដើម ដូច្នេះ ត្រូវប្រុងប្រយ័ត្នជាពិសេសនៅពេលបើកបរឬបញ្ជាម៉ាស៊ីនដែលមានគ្រោះថ្នាក់។

・អ្នកជំងឺជាស្ត្រីដែលអាចមានផ្ទៃពោះ គួរប្រើប្រាស់វិធីពន្យារកំណើតក្នុងអំឡុងពេលប្រើប្រាស់ឱសថនេះ។

・ដើម្បីកាត់បន្ថយផលប៉ះពាល់លើបំពង់រំលាយអាហារ អ្នកជំងឺគួរប្រើឱសថនេះនៅក្រោយពេលបរិភោគអាហារនិងពិសាជាមួយទឹកអោយបានច្រើន។ ម្យ៉ាងទៀត ឱសថនេះអាចបង្កអោយមានការដក់ទឹកនៅក្នុងរាងកាយធ្ងន់ធ្ងរដូចជាក្នុងទ្រូង ក្នុងសួត ក្នុងពោះ ក្នុងបេះដូង ដូច្នេះ ត្រូវតាមដានរោគសញ្ញារបស់អ្នកជំងឺដូចជាកើនទម្ងន់យ៉ាងឆាប់រហ័ស ពិបាកដកដង្ហើម ។ល។

ឱសថនេះមានប្រសិទ្ធិភាពបង្អាក់សកម្មភាពរបស់អង់ស៊ីមTyrosine kinaseនៅលើម៉ូលេគុលផ្សេងៗដែលមានតួនាទីនៅក្នុងដំណើរការកើនចំនួននៃកោសិកាមហារីក។