Ibuprofen piconol

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

      - អាការៈកន្ទួលរមាស់លក្ខណៈស្រួចស្រាវ

      - អាការៈកន្ទួលរមាស់លក្ខណៈរ៉ាំរ៉ៃ

      - អាការៈរលាកស្បែកតាមរយៈការប៉ះពាល់ (Contact dermatitis)

      - អាការៈរលាកស្បែកអាតូភី (Atopic dermatitis)

      - អាការៈរលាកស្បែកស្រដៀងនឹងជំងឺរ៉ូហ្សាសៀ(Rosacea-like dermatitis) និង អាការៈរលាកស្បែកនៅជុំវិញមាត់

      - ជំងឺរើមហ្សូស្ទើ(Herpes zoster)

      - ជំងឺមុនលើស្បែក។

    • កម្រិតប្រើប្រាស់

      ថ្នាំលាបលើស្បែក (5%)：

      ・ករណីអាការៈរលាកស្បែកឬកន្ទួលរមាស់：

      ប្រើ1ថ្ងៃច្រើនដង លាបលើកន្លែងដែលមានអាការៈ ក្នុងបរិមាណសមស្រប។

      ・ករណីជំងឺរើសហ្សូស្ទើ (Herpes zoster)：

      ប្រើ1ថ្ងៃ1～2ដង លាបលើកន្លែងដែលមានអាការៈ ក្នុងបរិមាណសមស្រប។

      ・ករណីជំងឺមុនលើស្បែក：

      ប្រើ1ថ្ងៃច្រើនដង ក្រោយសម្អាតផ្ទៃមុខ លាបឱសថេះលើកន្លែងដែលមានអាការៈ ក្នុងបរិមាណសមស្រប។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

    • ផលរំខាន

      ផលរំខានរួមមាន រលាកស្បែក(ឡើងកន្ទួលក្រហម ក្រហាយ រមាស់ស្បែក ជាដើម) ស្ងួតស្បែក ។ល។

    • សកម្មភាពឱសថ

      ឱសថនេះមានប្រសិទ្ធិភាពបំបាត់អាការៈរលាកនិងឈឺចាប់ ដោយមានសកម្មភាពដូចខាងក្រោម៖

      - កាត់បន្ថយការឆ្លងកាត់សរសៃឈាមនៃសារធាតុផ្សេងៗ

      - ទប់ស្កាត់ការទាក់ទាញគ្រាប់ឈាមសដែលបង្កជាប្រតិកម្មរលាកផ្សេងៗ

      - ទប់ស្កាត់ការសំយោគប្រូស្តាក្លង់ឌីន (Prostaglandin)

      - ទប់ស្កាត់ការផ្ដុំគ្នានៃប្លាកែត

      - ទប់ស្កាត់ការកើតផ្លែនៅលើស្បែក ។ល។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល