Hydroxocobalamin

ជាទូទៅ ឱសថនេះប្រើនៅក្នុងការបន្សាបការពុលសារធាតុស្យាន(Cyan) ឬ សមាសធាតុស្យាន(Cyanide)។

ថ្នាំចាក់：

・ការប្រើនៅលើកដំបូង：

- មនុស្សពេញវ័យ：លាយឱសថនេះ5gនៅក្នុងសេរ៉ូមប្រៃបរិមាណ200mL រួចព្យួរសេរ៉ូមនោះតាមសរសៃវ៉ែនដោយប្រើរយៈពេលចាប់ពី15នាទីឡើងទៅ។

- កុមារ：ប្រើក្នុងកម្រិត70mg/kg ដោយព្យួរសេរ៉ូមតាមសរសៃវ៉ែនដោយប្រើរយៈពេលចាប់ពី15នាទីឡើងទៅ។ កម្រិតអតិបរមាប្រើក្នុង1ដងគឺ5g។ សម្រាប់ឱសថនេះ5gត្រូវការសេរ៉ូមប្រៃបរិមាណ200mLដើម្បីលាយមុននឹងប្រើ។

・ការប្រើបន្ថែម：

ទៅតាមរោគសញ្ញា អាចប្រើបន្ថែមម្ដងទៀតក្នុងកម្រិតដដែល។ នៅពេលប្រើបន្ថែម ត្រូវព្យួរសេរ៉ូមតាមសរសៃវ៉ែនរយៈពេល15នាទី～2ម៉ោង។ កម្រិតអតិបរមាប្រើសរុបសម្រាប់មនុស្សពេញវ័យគឺ10g ហើយសម្រាប់កុមារគឺ140mg/kg(ប៉ុន្តែមិនត្រូវលើសពី10gនោះទេ)។

ជាគោលការណ៍ អ្នកជំងឺដូចខាងក្រោមមិនត្រូវប្រើប្រាស់ឱសថនេះទេ។ ករណីចាំបាច់ត្រូវប្រើ ត្រូវតាមដានស្ថានភាពជំងឺនិងផលរំខានឱសថអោយបានដិតដល់ ៖

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ(Hydroxocobalamin) ឬ វីតាមីនB12 (Cyanocobalamin)។

ផលរំខានរួមមាន ចង្វាក់បេះដូងខុសប្រក្រតី ភ្លេចភ្លាំង វិលមុខ ហើមភ្នែក ក្រហាយភ្នែក ស្ងួតក ពិបាកដកដង្ហើម រាករូស ចង់ក្អួត ឈឺក្បាល ហើមដៃជើង ឡើងកន្ទួលក្រហម រមាស់ស្បែក កន្ទាលត្រអាក នៅមិនស្ងៀម ។ល។

ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ហើមអណ្ដាត ស្នាមក្រហមលើស្បែក (រោគសញ្ញាស្រដៀងរោគប្រតិកម្មធ្ងន់ធ្ងរ)

- បរិមាណទឹកនោមថយចុះ អស់កម្លាំង ហើម (ប៉ះពាល់មុខងារតម្រងនោមលក្ខណៈស្រួចស្រាវ)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថSodium thiosulfate - អាចធ្វើអោយប្រសិទ្ធិភាពបន្សាបជាតិពុលថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ឱសថនេះមានសកម្មភាពផ្លាស់ប្ដូរអ៊ីយ៉ុងអ៊ីដ្រុកស៊ីត(Hydroxide ion, OH-)ដែលស្ថិតនៅភ្ជាប់នឹងអ៊ីយ៉ុងកូបាល់(Co3+)នៃម៉ូលេគុលឱសថនេះ ជាមួយនឹងអ៊ីយ៉ុងស្យាន(CN-) ដើម្បីក្លាយជាម៉ូលេគុលCyanocobalamin (Vitamin B12) និង បញ្ចេញចោលទៅតាមទឹកនោម។