Human chorionic gonadotrophin = HCG

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - ជំងឺមិនអាចបញ្ចេញស៊ុតនៃមេជីវិតញី (ជំងឺរាំងរដូវ ជំងឺវដ្តរដូវខុសប្រក្រតីដោយសារមិនមានការបញ្ចេញស៊ុត ជំងឺគ្មានកូន)

      - ជំងឺធ្លាក់ឈាមពីស្បូនដោយសារអតុល្យភាពអរម៉ូន

      - ជំងឺខ្សោយមុខងារអង្គលឿង

      - ជំងឺមិនធ្លាក់ពងស្វាស (ជំងឺUndescended testicle ឬ Cryptorchidism)

      - ជំងឺគ្មានកូនសម្រាប់បុរសដោយសារខ្សោយមុខងារផលិតមេជីវិតឈ្មោល

      - ជំងឺខ្សោយមុខងារក្រពេញភេទបុរសដោយសារបញ្ហាក្រពេញPituitary gland ឬ ដោយសារអរម៉ូនGonadotropinមានកម្រិតទាប

      - ជំងឺក្រពេញវ័យ

      - អាការៈឬជំងឺរលូតកូននៅដំណាក់កាលដំបូងនៃការមានផ្ទៃពោះ

      - ប្រើនៅក្នុងការធ្វើតេស្តមុខងាររបស់ពងស្វាសឬក្រពេញអូវែរ។

    • កម្រិតប្រើប្រាស់

      សូមពិនិត្យព័ត៌មានលម្អិតនៅក្នុងបរិយាយប័ណ្ណនៃឱសថនីមួយៗ។

    • ហាមប្រើ

      ・អ្នកដែលកំពុងមានឬសង្ស័យថាមានជំងឺមហារីកដែលទាក់ទងនឹងអរម៉ូនបុរសអាន់ដ្រូជេន(Androgen)។

      ・អ្នកដែលធ្លាប់កើតមានរោគប្រតិកម្មជាមួយនឹងឱសថប្រភេទអរម៉ូនភ្ញោចក្រពេញភេទ។

      ・អ្នកដែលមានជំងឺឆាប់ពេញវ័យខុសប្រក្រតី (Precocious puberty)។

    • ផលរំខាន

      ផលរំខានរួមមាន ឡើងកន្ទួលក្រហម វិលមុខ ឈឺក្បាល គេងមិនលក់ ធ្លាក់ទឹកចិត្ត សម្លេងស្អក ដុះរោមច្រើន ឡើងដោះ អាការៈនៃការឆាប់ពេញវ័យ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ថប់ទ្រូង មុខក្រហម ពិបាកដកដង្ហើម (អាការៈប្រតិកម្មធ្ងន់ធ្ងរ(Shock))

      - ឈឺផ្នែកខាងក្រោមនៃពោះ ទឹកដក់ក្នុងពោះឬទ្រូង (រោគសញ្ញានៃការភ្ញោចក្រពេញអូវែរហួសហេតុ(Ovarian hyperstimulation syndrome))

      - ហើម ឈឺនិងស្ពឹកជើង ដង្ហក់ ឈឺទ្រូង ឈឺក្បាល មើលមិនសូវច្បាស់ភ្លាមៗ ពិបាកដកដង្ហើម (ជំងឺកំណកឈាម(Thrombosis) ស្ទះសរសៃឈាមក្នុងខួរក្បាល ជាដើម)។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថប្រភេទHuman Menopausal Gonadotropin - អាចធ្វើអោយកើតមានផលរំខានដោយសារការភ្ញោចក្រពេញអូវែរហួសហេតុ។

    • សកម្មភាពឱសថ

      ឱសថនេះមានទម្រង់ដូចទៅនឹងអរម៉ូនភ្ញោចក្រពេញភេទនៅក្នុងរាងកាយមនុស្ស ដោយមានសកម្មភាពដូចខាងក្រោម ៖

      - សកម្មភាពដូចទៅនឹងអរម៉ូនLH និង FSH

      - ជម្រុញការលូតលាស់នៃកោសិកាLeydigនៅក្នុងក្រពេញភេទបុរស ដើម្បីបង្កើនការផលិតនិងការបញ្ចេញអរម៉ូនបុរស ព្រមទាំងបង្កើនសមត្ថភាពផលិតមេជីវិតឈ្មោល

      - ជម្រុញការបញ្ចេញស៊ុតនៃមេជីវិតញី និង ការកកើតអង្គលឿង ព្រមទាំងបង្កើនការផលិតអរម៉ូនស្ត្រីប្រូជេស្តេរ៉ូន(Progesterone)

      - កាត់បន្ថយសកម្មភាពនៃប្រព័ន្ធភាពស៊ាំរបស់ម្ដាយចំពោះទារកក្នុងផ្ទៃ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល