Human activated protein C

ជាទូទៅ ឱសថនេះប្រើនៅក្នុងការព្យាបាលជំងឺដែលបង្កដោយការខ្វះប្រូតេអ៊ីនCពីកំណើត(Protein C deficiency) ដូចខាងក្រោម៖

- ជំងឺស្ទះកំណកឈាមក្នុងសរសៃវ៉ែននៅផ្នែកជ្រៅនៃរាងកាយ(Deep vein thrombosis, DVT)

- ជំងឺស្ទះកំណកឈាមក្នុងសួតលក្ខណៈស្រួចស្រាវ(Acute pulmonary thromboembolism)

- ជំងឺPurpura fulminans។

ថ្នាំចាក់：

・ករណីប្រើចំពោះជំងឺស្ទះកំណកឈាមក្នុងសរសៃវ៉ែននៅផ្នែកជ្រៅនៃរាងកាយ(Deep vein thrombosis, DVT) និង ជំងឺស្ទះកំណកឈាមក្នុងសួតលក្ខណៈស្រួចស្រាវ(Acute pulmonary thromboembolism):

ប្រើដោយលាយឱសថនេះជាមួយទឹកសម្រាប់លាយថ្នាំចាក់ដែលភ្ជាប់មកជាមួយ។ ជាទូទៅ ប្រើឱសថនេះក្នុងកម្រិត 1ថ្ងៃ200~300ខ្នាត/kgនៃទម្ងន់របស់អ្នកជំងឺ ដោយលាយនៅក្នុងសេរ៉ូម (សេរ៉ូមគ្លុយកូស5% សេរ៉ូមប្រៃ(Saline) សេរ៉ូមអេឡិចត្រូឡាយជាដើម) រួចព្យួរសេរ៉ូមនោះតាមសរសៃវ៉ែនរយៈពេល24ម៉ោង។ អាចបន្ថយកម្រិតប្រើប្រាស់ទៅតាមអាយុនិងរោគសញ្ញារបស់អ្នកជំងឺ។ ជាគោលការណ៍ ប្រសិនបើរោគសញ្ញានៅមិនល្អប្រសើរឡើងក្រោយប្រើឱសថនេះរយៈពេល6ថ្ងៃហើយ ត្រូវបញ្ឈប់ការប្រើប្រាស់ឱសថនេះ។

・ករណីប្រើចំពោះជំងឺPurpura fulminans:

ប្រើដោយលាយឱសថនេះជាមួយទឹកសម្រាប់លាយថ្នាំចាក់ដែលភ្ជាប់មកជាមួយ។

- នៅថ្ងៃទី1: ប្រើក្នុងកម្រិត 100ខ្នាត/kgនៃទម្ងន់របស់អ្នកជំងឺ ដោយចាក់ក្នុងសរសៃវ៉ែនយឺតៗ។ បន្ទាប់ពីនោះ ប្រើឱសថនេះក្នុងកម្រិត 600~800ខ្នាត/kgនៃទម្ងន់របស់អ្នកជំងឺ ដោយលាយនៅក្នុងសេរ៉ូម (សេរ៉ូមគ្លុយកូស5% សេរ៉ូមប្រៃ(Saline) សេរ៉ូមអេឡិចត្រូឡាយជាដើម) រួចព្យួរសេរ៉ូមនោះតាមសរសៃវ៉ែនរយៈពេល24ម៉ោង។

- ចាប់ពីថ្ងៃទី2ទៅ: ប្រើឱសថនេះក្នុងកម្រិត 1ថ្ងៃ600~900ខ្នាត/kgនៃទម្ងន់របស់អ្នកជំងឺ ដោយលាយនៅក្នុងសេរ៉ូម (សេរ៉ូមគ្លុយកូស5% សេរ៉ូមប្រៃ(Saline) សេរ៉ូមអេឡិចត្រូឡាយជាដើម) រួចព្យួរសេរ៉ូមនោះតាមសរសៃវ៉ែនរយៈពេល24ម៉ោង។ ជាគោលការណ៍ ប្រសិនបើរោគសញ្ញានៅមិនល្អប្រសើរឡើងក្រោយប្រើឱសថនេះរយៈពេល6ថ្ងៃហើយ ត្រូវបញ្ឈប់ការប្រើប្រាស់ឱសថនេះ។