Histamine dihydrochloride + Human immunoglobulin

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- ជំងឺហឺត(Bronchial asthma)

- ជំងឺរលាកច្រមុះលក្ខណៈរោគប្រតិកម្ម

- ជំងឺរលាកច្រមុះទាក់ទងនឹងសរសៃប្រសាទអូតូណូមិច(Vasomotor rhinitis)

- ជំងឺស្បែកលក្ខណៈរោគសប្រតិកម្ម(កន្ទាលត្រអាក កន្ទួលរមាស់រ៉ាំរ៉ៃ រលាកស្បែកអាតូភី(Atopic dermatitis))។

ថ្នាំចាក់：

ក្នុងឱសថនេះ1ដង រួមមាន：Histamine dihydrochloride 0.15μg និង Human immunoglobulin 12mg។ ប្រើដោយលាយឱសថនេះ1ដបជាមួយទឹកសម្រាប់លាយថ្នាំចាក់បរិមាណ1.5mL ដើម្បីចាក់ក្រោមស្បែក។

・ករណីជំងឺហឺត(Bronchial asthma)：

- មនុស្សពេញវ័យ：ប្រើ1ដង1ដប ចាក់ក្រោមស្បែក 1សប្ដាហ៍1～2ដង។ បន្តប្រើចំនួន6ដង (1វដ្ត)។ ករណីប្រសិទ្ធិភាពមិនគ្រប់គ្រាន់ អាចអនុវត្ត1វដ្តទៀត ដោយអាចបង្កើនកម្រិតប្រើក្នុង1ដងដល់3ដបជាអតិបរមា។ ក្រោយពេលបង្ហាញប្រសិទ្ធិភាព អាចប្រើជាប្រចាំ 1ដងរៀងរាល់3～4ខែ ដើម្បីរក្សាប្រសិទ្ធិភាពព្យាបាល។

- កុមារ：ប្រើ1ដង1ដប ចាក់ក្រោមស្បែក 1សប្ដាហ៍1ដង។ បន្តប្រើចំនួន6ដង (1វដ្ត)។ ករណីប្រសិទ្ធិភាពមិនគ្រប់គ្រាន់ អាចអនុវត្ត1វដ្តទៀត។ ក្រោយពេលបង្ហាញប្រសិទ្ធិភាព អាចប្រើជាប្រចាំ 1ដងរៀងរាល់3～4ខែ ដើម្បីរក្សាប្រសិទ្ធិភាពព្យាបាល។

・ករណីជំងឺរលាកច្រមុះលក្ខណៈរោគប្រតិកម្ម ជំងឺរលាកច្រមុះទាក់ទងនឹងសរសៃប្រសាទអូតូណូមិច(Vasomotor rhinitis) ជំងឺស្បែកលក្ខណៈរោគសប្រតិកម្ម(កន្ទាលត្រអាក កន្ទួលរមាស់រ៉ាំរ៉ៃ រលាកស្បែកអាតូភី(Atopic dermatitis))：

- មនុស្សពេញវ័យ：ប្រើ1ដង1ដប ចាក់ក្រោមស្បែក 1សប្ដាហ៍1～2ដង។ បន្តប្រើចំនួន3ដងឬ6ដង (1វដ្ត)។ ករណីប្រសិទ្ធិភាពមិនគ្រប់គ្រាន់ អាចអនុវត្ត1វដ្តទៀត ដោយអាចបង្កើនកម្រិតប្រើក្នុង1ដងដល់3ដបជាអតិបរមា។ ក្រោយពេលបង្ហាញប្រសិទ្ធិភាព អាចប្រើជាប្រចាំ 1ដងរៀងរាល់3～4ខែ ដើម្បីរក្សាប្រសិទ្ធិភាពព្យាបាល។

- កុមារ：ប្រើ1ដង1ដប ចាក់ក្រោមស្បែក 1សប្ដាហ៍1ដង។ បន្តប្រើចំនួន3ដងឬ6ដង (1វដ្ត)។ ករណីប្រសិទ្ធិភាពមិនគ្រប់គ្រាន់ អាចអនុវត្ត1វដ្តទៀត។ ក្រោយពេលបង្ហាញប្រសិទ្ធិភាព អាចប្រើជាប្រចាំ 1ដងរៀងរាល់3～4ខែ ដើម្បីរក្សាប្រសិទ្ធិភាពព្យាបាល។

・អ្នកដែលធ្លាប់កើតមានអាការៈប្រតិកម្មធ្ងន់ធ្ងរ(Shock)ជាមួយនឹងសារធាតុនៅក្នុងឱសថនេះ។

・អ្នកដែលកំពុងមានអាការៈហឺតខ្លាំងក្លា។

・អ្នកដែលស្ថិតក្នុងរយៈពេលជិតមករដូវខ្លាំងឬកំពុងមករដូវ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលកំពុងស្ថិតក្នុងស្ថានភាពរាងកាយទន់ខ្សោយខ្លាំង។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

អាការៈប្រតិកម្មធ្ងន់ធ្ងរ(Shock) ស្លេកស្លាំង សម្ពាធឈាមចុះទាប ពិបាកដកដង្ហើម រោគប្រតិកម្ម ងងុយគេង វិលមុខ ឈឺក្បាល អារម្មណ៍ក្ដៅ បេះដូងលោតញាប់ ចង់ក្អួត ក្អួត ឈឺពោះ ។ល។

・ជាសារធាតុនៃប្រព័ន្ធភាពស៊ាំបានមកពីឈាម(Human immunoglobulin)។ ការបន្តប្រើឱសថនេះជាប្រចាំមួយរយៈពេល អាចបង្ហាញប្រសិទ្ធិភាពកាត់បន្ថយរោគប្រតិកម្មនៃរាងកាយប្រឆាំងនឹងអង់ទីសែន។

・ដោយសារឱសថនេះទទួលបានពីឈាម គេពិបាកគ្រប់គ្រងមិនអោយកើតមានជំងឺឆ្លងទាំងស្រុងនោះទេ។ ដូច្នេះ ត្រូវពន្យល់ប្រាប់អ្នកជំងឺអំពីចំណុចនេះ។

ឱសថនេះពង្រឹងលទ្ធភាពការពាររាងកាយនៃសារធាតុហ៊ីស្តាមីនជាដើមដែលអ្នកជំងឺដែលមានរោគប្រតិកម្មខ្វះ ដោយឱសថនេះបង្កើនភាពស៊ាំទៅនឹងហ៊ីស្តាមីននៅក្នុងឈាម ធ្វើអោយរោគប្រតិកម្មរបស់អ្នកជំងឺមានលក្ខណៈធូរស្បើយជាងមុន។