Glycerin

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ស្ត្រីមានផ្ទៃពោះ និង ស្ត្រីបំបៅដោះកូន
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - អាការៈទល់លាមក

      - បញ្ចេញលាមកនៅពេលមានជំងឺទាក់ទងនឹងពោះវៀន។

    • កម្រិតប្រើប្រាស់

      ថ្នាំបញ្ចូលទៅក្នុងពោះវៀន：

      ជាទូទៅ ឱសថនេះមានទម្រង់ជាសូលុយស្យុង50$។

      ប្រើ1ដង 5～75g បញ្ចូលតាមទ្វារធំទៅក្នុងចុងពោះវៀនធំ(Rectum)។ កំណត់កម្រិតប្រើប្រាស់ទៅតាមអាយុនិងរោគសញ្ញារបស់អ្នកជំងឺ។

    • ហាមប្រើ

      ・អ្នកដែលមានអាការៈហូរឈាមក្នុងពោះវៀននិងអាការៈរលាកនៅក្នុងពោះ។

      ・អ្នកដែលកំពុងមានឬសង្ស័យថាមានអាការៈធ្លាយពោះវៀន។

      ・អ្នកជំងឺដែលមានសភាពទ្រុឌទ្រោមរាងកាយខ្លាំង។

      ・អ្នកដែលទើបទទួលការវះកាត់ប្រដាប់រំលាយអាហារផ្នែកខាងក្រោមភ្លាម។

      ・អ្នកដែលសង្ស័យថាមានបណ្ដុំរោគសញ្ញាពោះលក្ខណៈស្រួចស្រាវ(Acute abdomen) (រោគសញ្ញាចង់ក្អួត ក្អួត ឈឺពោះខ្លាំង ជាដើម)។

    • ផលរំខាន

      ផលរំខានរួមមាន ឡើងកន្ទួលក្រហម ឈឺពោះ ហើមពោះ មិនស្រួលក្នុងពោះវៀនធំ អារម្មណ៍មិនស្រួលឬក្ដៅនៅទ្វារធំ អារម្មណ៍បត់ជើងមិនទាន់អស់ សម្ពាធឈាមប្រែប្រួល ។ល។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើប្រាស់ឱសថនេះទេ ព្រោះអាចធ្វើអោយស្បូនកន្ត្រាក់និងរលូតកូនក្នុងផ្ទៃ។

    • សកម្មភាពឱសថ

      ឱសថនេះមានសកម្មភាពស្រូបយកជាតិទឹកចូលទៅក្នុងពោះវៀនធំ និងភ្ញោចពោះវៀនធំ ដើម្បីជម្រុញចលនាពោះវៀនក្នុងការបញ្ចេញលាមក។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល