Fradiomycin Sulfate + Prednisolone

ជាទូទៅ ឱសថនេះប្រើនៅក្នុងការព្យាបាលជំងឺជំងឺឆ្លងនៅស្រទាប់ជ្រៅនៃស្បែក ជំងឺខ្ទុះលើស្បែករ៉ាំរ៉ៃ ជំងឺដូចខាងក្រោមដែលបង្កជាជំងឺឆ្លងមរោគឬរួមមានរោគសញ្ញាកន្ទួលរមាស់ រលាត់ ឬក្រមរលើស្បែក：

-ប្រភេទជំងឺរលាកស្បែកឬកន្ទួលរមាស់(រួមទាំងរលាកស្បែកដោយវិទ្យុសកម្ម រលាកស្បែកដោយសារពន្លឺព្រះអាទិត្យ ជាដើម)

-ជំងឺរមាស់ស្បែក(ប្រដាប់ភេទនិងទ្វារធំ)

-កន្ទួលក្រហមដោយសារប្រតិកម្មទៅនឹងឱសថឬការពុល

-សត្វល្អិតខាំ

-កន្ទួលក្រហមលើស្បែកលក្ខណៈសើម(Exudative erythema)។

ថ្នាំបាញ់：

ក្រឡុកមុននិងប្រើ។ ពេលប្រើ គួរដាក់ឆ្ងាយពីកន្លែងរបួសប្រហែល10～15cm រួចបាញ់លើមុខរបួសប្រហែល1～2វិនាទី។ ប្រើ1ថ្ងៃ1～ច្រើនដង។

・អ្នកដែលកំពុងកើតមានជំងឺឆ្លងនៅស្បែកដោយសារបាក់តេរីដែលស៊ាំនឹងឬមិនទទួលឥទ្ធិពលពីឱសថFradiomycin។

・អ្នកដែលកំពុងមានជំងឺរបេងស្បែក ជំងឺរើមសាមញ្ញ(Herpes simplex) ជំងឺអុតស្វាយ(Varicella) ជំងឺរើមហ្សូស្ទើ(Herpes zoster) ឬ ជំងឺVaccinia។

・អ្នកដែលកំពុងមានជំងឺឆ្លងមេរោគផ្សិត (ជំងឺTinea ជំងឺCandidiasis ជាដើម)។

・អ្នកដែលកំពុងមានជំងឺរលាកត្រចៀកផ្នែកខាងក្រៅដែលមានកន្ទួលរមាស់ និង មានធ្លុះក្រដាសត្រចៀក។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលធ្លាប់កើតមានរោគប្រតិកម្មជាមួយនឹងឱសថដូចខាងក្រោម៖ ឱសថប្រឆាំងបាក់តេរីប្រភេទអាមីណូគ្លីកូសាយ(Aminoglycoside antibiotics) (ដូចជា Fradiomycin, Streptomycin, Kanamycin, Gentamicin ជាដើម) ឱសថBacitracin។

・អ្នកដែលកំពុងមានអាការៈដំបៅលើស្បែក(លើកលែងជំងឺBehcet's disease) ឬ រលាកស្បែកស្រទាប់ជ្រៅចាប់ពីកម្រិតទី2ឡើងទៅដោយសារកម្ដៅឬធាតុត្រជាក់។

ផលរំខានរួមមាន ជំងឺឆ្លងនៅលើស្បែក រោគប្រតិកម្ម បញ្ហាស្បែកផ្សេងៗ ប៉ះពាល់ប្រព័ន្ធភ្ជាប់រវាងក្រពេញPituitaryនិងក្រពេញAdrenal cortex សម្ពាធភ្នែកកើនឡើង ជំងឺក្លូកូម(Glaucoma) ប៉ះពាល់មុខងារតម្រងនោម(ករណីប្រើរយៈពេលវែង) ធ្ងន់ត្រចៀក(ករណីប្រើរយៈពេលវែង)។ល។

・ស្ត្រីមានផ្ទៃពោះ ឬ ស្ត្រីអាចកំពុងមានផ្ទៃពោះ គួរចៀសវាងប្រើឱសថនេះក្នុងបរិមាណច្រើនឬប្រើនៅច្រើនកន្លែងក្នុងទំហំធំ។

ឱសថប្រឆាំងបាក់តេរីFradiomycin sulfateមានប្រសិទ្ធិភាពសម្លាប់បាក់តេរីទូទៅច្រើនប្រភេទ ហើយឱសថស្តេរ៉ូអ៊ីតPrednisoloneមានប្រសិទ្ធិភាពព្យាបាលការរលាក។