Folic acid

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- បង្ការ និង ព្យាបាលជំងឺខ្វះសារធាតុអាស៊ីតហ្វូលីក(Folic acid)។

- បំពេញតម្រូវការសារធាតុអាស៊ីតហ្វូលីក(Folic acid)នៅក្នុងរាងកាយ សម្រាប់អ្នកដែលស្ថិតក្នុងស្ថានភាពដូចជា មានជំងឺដែលធ្វើអោយរាងកាយអស់ថាមពលច្រើន ស្ត្រីមានផ្ទៃពោះ ស្ត្រីបំបៅដោះកូន។ល។

- ជំងឺមិនអាចស្រូបសារធាតុចិញ្ចឹមពីអាហារបានគ្រប់គ្រាន់ (ជំងឺSprueជាដើម)។

- ជំនួយដល់ការព្យាបាលជំងឺខ្វះឈាមប្រភេទPernicious anemia។

- ជំងឺដែលអាចទាក់ទងនឹងការខ្វះឬមេតាបូលីសខុសប្រក្រតីនៃសារធាតុអាស៊ីតហ្វូលីក(Folic acid)នៅក្នុងរាងកាយ រួមមាន ៖ ជំងឺខ្វះឈាមដោយសារខ្វះសារធាតុចិញ្ចឹម ជំងឺខ្វះឈាមដោយសារការមានផ្ទៃពោះ ជំងឺខ្វះឈាមកើតនៅលើកុមារ ជំងឺខ្វះឈាមដែលកើតឡើងដោយសារការប្រើប្រាស់ឱសថព្យាបាលជំងឺប្រកាច់ឬឱសថព្យាបាលជំងឺគ្រុនចាញ់។

- ជំងឺខ្វះឈាមប្រភេទMacrocytic anemiaដែលទាក់ទងនឹងការពុលសារធាតុអាល់កុលក្នុងរាងកាយឬទាក់ទងនឹងជំងឺថ្លើម។

- ជំងឺខ្វះឈាមប្រភេទAplastic anemia។

- ជំងឺគ្រាប់ឈាមGranulocyteធ្លាក់ចុះ(Granulocytopenia)។

- អាចមានករណីដែលឱសថត្រូវបានប្រើនៅក្នុងការបន្សាបការពុលសារធាតុមេតាណុល(Methanol)ផងដែរ។

ករណីថ្នាំលេប：

- មនុស្សពេញវ័យ：លេប1ថ្ងៃ5～20mg បែងចែកជា2～3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារ：លេប 1ថ្ងៃ5～10mg បែងចែកជា2～3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីអ្នកជំងឺមានបញ្ហាស្រូបនៅក្នុងក្រពះពោះវៀន ឬ មានរោគសញ្ញាធ្ងន់ធ្ងរ គួរប្រើប្រាស់ប្រភេទថ្នាំចាក់។

ករណីថ្នាំចាក់：

មនុស្សពេញវ័យ：ប្រើ1ថ្ងៃ1ដង 15mg ចាក់ក្រោមស្បែក ឬ ក្នុងសាច់ដុំ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ផលរំខានរួមមាន ស្នាមក្រហមលើស្បែក រមាស់ស្បែក អស់កម្លាំង។ល។

・ប្រសិនបើអ្នកជំងឺមានបញ្ហាទាក់ទងនឹងមុខងារស្រូបនៃសរីរាង្គរំលាយអាហារ គួរប្រើប្រាស់ឱសថនេះប្រភេទជាថ្នាំចាក់។

ឱសថនេះមានតួនាទីជាកូអង់ស៊ីម(Coenzyme)ដែលចូលរួមនៅក្នុងប្រតិកម្មផ្សេងៗនៃរាងកាយ ជាពិសេសគឺប្រតិកម្មផលិតគ្រាប់ឈាមក្រហម ដោយមានប្រសិទ្ធិភាពទប់ស្កាត់កុំអោយកើតមានភាពខុសប្រក្រតីនៃការបំលែងកោសិកាគ្រាប់ឈាមនៅក្នុងដំណាក់កាលផលិតគ្រាប់ឈាមក្រហម។