Fluvoxamine maleate

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺឬអាការៈបាក់ទឹកចិត្ត (Depression)

- ជំងឺObsessive–compulsive disorder (OCD)

- ជំងឺខ្លាចសង្គម(Social Anxiety Disorder, SAD)។

ថ្នាំលេប：

・ករណីជំងឺឬអាការៈបាក់ទឹកចិត្ត (Depression) និង ជំងឺខ្លាចសង្គម(Social Anxiety Disorder, SAD)：

មនុស្សពេញវ័យ：ចាប់ផ្ដើមលេបពីកម្រិត1ថ្ងៃ50mg បែងចែកជា2ដងក្នុង1ថ្ងៃ។ បន្ទាប់ពីនោះ បង្កើនកម្រិតប្រើប្រាស់រហូតដល់1ថ្ងៃ150mg បែងចែកជា2ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីជំងឺObsessive–compulsive disorder (OCD)：

- មនុស្សពេញវ័យ：ចាប់ផ្ដើមលេបពីកម្រិត1ថ្ងៃ50mg បែងចែកជា2ដងក្នុង1ថ្ងៃ។ បន្ទាប់ពីនោះ បង្កើនកម្រិតប្រើប្រាស់រហូតដល់1ថ្ងៃ150mg បែងចែកជា2ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារអាយុ8ឆ្នាំឡើងទៅ：ចាប់ផ្ដើមលេបពីកម្រិត1ថ្ងៃ1ដង25mg នៅមុនពេលចូលគេង រយៈពេល1សប្ដាហ៍ឬយូរជាងនេះ។ បន្ទាប់ពីនោះ បង្កើនកម្រិតដល់1ថ្ងៃ50mg បែងចែកជា2ដងក្នុង1ថ្ងៃ ពេលព្រឹកនិងមុនពេលចូលគេង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ មិនត្រូវប្រើលើសពីកម្រិត1ថ្ងៃ150mgនោះទេ។ ត្រូវទុកគម្លាតយ៉ាងហោចណាស់1សប្ដាហ៍រវាងការបង្កើនកម្រិតម្ដងៗ ហើយបង្កើនម្ដង25mg/ថ្ងៃ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឬស្ថិតក្នុងអំឡុងពេល2សប្ដាហ៍បន្ទាប់ពីបញ្ឈប់ការប្រើប្រាស់ឱសថប្រភេទMonoamine oxidase inhibitors (Selegiline hydrochloride, Rasagiline mesilate, Safinamide mesilate)។

・អ្នកដែលកំពុងប្រើប្រាស់ឱសថPimozide ឬ ឱសថTizanidine hydrochloride ឬ ឱសថRamelteon។

ប្រសិនបើកើតមានផលរំខានដូចជា ភ្លេចភ្លាំង វង្វេងវង្វាន់ រវើរវាយ អាការៈប្រតិកម្មធ្ងន់ធ្ងរ(Shock) បណ្ដុំរោគសញ្ញាសេរ៉ូតូនីន(Serotonin syndrome) បណ្ដុំរោគសញ្ញាNeuroleptic malignant syndrome ត្រូវបញ្ឈប់ការប្រើប្រាស់ឱសថនេះ។

ក្រៅពីនេះ អាចកើតមានផលរំខានដូចជា វិលមុខ ងងុយគេង ញ័រដៃជើង។

・ប្រសិទ្ធិភាពនៅក្នុងការព្យាបាលអាការៈបាក់ទឹនៃឱសថSSRI មានលក្ខណៈស្មើឬទាបជាងឱសថប្រភេទត្រាយសាយឃ្លីក។ គេត្រូវប្រុងប្រយ័ត្នចំពោះការប្រែប្រួលអារម្មណ៍ឡើងវិញ ធ្វើអោយអ្នកជំងឺមានបំណងឬធ្វើសកម្មភាពសម្លាប់ខ្លួន។ ម្យ៉ាងទៀត ឱសថនេះមានផលរំខានធ្វើអោយសម្ពាធឈាមចុះទាបនៅពេលក្រោកឈរឬធ្វើអោយងងុយគេងតិចតួចប៉ុណ្ណោះ ដូច្នេះ ងាយប្រើចំពោះអ្នកជំងឺជាមនុស្សចាស់។

ទប់ស្កាត់ការស្រូបចូលវិញនៃសារធាតុសេរ៉ូតូនីនទៅក្នុងកោសិកាសរសៃប្រសាទ។ សកម្មភាពទប់ស្កាត់ការស្រូបចូលវិញនៃសារធាតុន័រអាដ្រេណាលីននិងដូប៉ាមីននៃឱសថនេះ មានលក្ខណៈតិចតួចជាងឱសថផ្សេងទៀត ហើយមិនមានសកម្មភាពភ្ជាប់ទៅនឹងគ្រឿងទទួលនៃសារធាតុចម្លងសញ្ញាសរសៃប្រសាទណាឡើយ និងមិនមានសកម្មភាពទប់ស្កាត់អង់ស៊ីមMAO(Monoamine oxidases)នោះទេ។