Fluphenazine decanoate

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលជំងឺវិកលចរឹត (Schizophrenia)។

    • កម្រិតប្រើប្រាស់

      ថ្នាំចាក់:

      ប្រើ1ដង 12.5~75mg (Fluphenazine) ចាក់ក្នុងសាច់ដុំ រៀងរាល់4សប្ដាហ៍ម្ដង។ កម្រិតប្រើដំបូង មិនត្រូវអោយលើសពី50mgនោះទេ។ អាចបង្កើនឬបន្ថយកម្រិតប្រើប្រាស់និងអាចសម្រួលគម្លាតនៃការចាក់ទៅតាមស្ថានភាពរោគសញ្ញាឬផលរំខាននៃឱសថ។

    • ហាមប្រើ

      ・អ្នកដែលកំពុងស្ថិតក្នុងស្ថានភាពបាត់បង់ស្មារតី(Coma)។

      ・អ្នកជំងឺដែលកំពុងស្ថិតក្រោមឥទ្ធិពលនៃឱសថដែលមានសកម្មភាពទប់ស្កាត់ប្រព័ន្ធសរសៃប្រសាទ ដូចជាឱសថប្រភេទBarbiturates ឱសថសណ្ដំឬស្ពឹក ជាដើម។

      ・អ្នកដែលមានជំងឺខ្សោយមុខងារបេះដូង(Heart failure)កម្រិតធ្ងន់ធ្ងរ។

      ・អ្នកដែលមានជំងឺប៉ាគីនសុន(Parkinson's disease)។

      ・អ្នកដែលធ្លាប់កើតមានរោគប្រតិកម្មជាមួយនឹងឱសថប្រភេទPhenothiazinesឬឱសថស្រដៀងនោះ។

      ・អ្នកជំងឺដែលកំពុងប្រើប្រាស់ឱសថAdrenaline (លើកលែងករណីដែលត្រូវប្រើឱសថAdrenalineសម្រាប់ព្យាបាលរោគប្រតិកម្មធ្ងន់ធ្ងរAnaphylaxisជាបន្ទាន់)។

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

      ・អ្នកដែលកំពុងប្រើឬមានគម្រោងប្រើឱសថ Clozapine។

      ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

      ・អ្នកជំងឺដែលសង្ស័យថាមានបញ្ហាប៉ះពាល់ខួរក្បាលផ្នែកSubcortex (រលាកខួរក្បាល មហារីកខួរក្បាល រោគសញ្ញាក្រោយប៉ះទង្គិចក្បាល ជាដើម)។

    • ផលរំខាន

      ញ័រដៃ ស្ពឹកខ្លួន ស្ងួតក ទល់លាមក ភ្នែកស្រវាំង ងងឹតមុខពេលក្រោកឈរ បេះដូងលោតញាប់ រោគសញ្ញាDyskinesia រោគសញ្ញាDystonia ។

    • ការប្រុងប្រយ័ត្នជាពិសេស

      ・នៅពេលចាប់ផ្ដើមប្រើប្រាស់ឱសថនេះ អាចធ្វើអោយអាការៈសម្ពាធឈាមចុះទាបនៅពេលក្រោកឈរ ដូច្នេះ ត្រូវប្រុងប្រយ័ត្នដោយធ្វើចលនាយឺតៗ។

      ・ចំពោះការព្យាបាលជំងឺវិកលចរឹត (Schizophrenia) ឱសថនេះមានប្រសិទ្ធិភាពចំពោះរោគសញ្ញាវិជ្ជមាន(Positive symptoms)នៃជំងឺនេះ។

    • សកម្មភាពឱសថ

      បង្អាក់ដំណើរការភ្ញោចគ្រឿងទទួលដូប៉ាមីន(D2 receptor)នៅក្នុងខួរក្បាល ធ្វើអោយសកម្មភាពនៃសរសៃប្រសាទដូប៉ាមីនថយចុះ ដើម្បីទប់ស្កាត់រោគសញ្ញាវិជ្ជមាននៃជំងឺវិកលចរឹត។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp