Fluphenazine decanoate

ជាទូទៅ ឱសថនេះប្រើនៅក្នុងការព្យាបាលជំងឺវិកលចរឹត (Schizophrenia)។

ថ្នាំចាក់：

ប្រើ1ដង 12.5～75mg (Fluphenazine) ចាក់ក្នុងសាច់ដុំ រៀងរាល់4សប្ដាហ៍ម្ដង។ កម្រិតប្រើដំបូង មិនត្រូវអោយលើសពី50mgនោះទេ។ អាចបង្កើនឬបន្ថយកម្រិតប្រើប្រាស់និងអាចសម្រួលគម្លាតនៃការចាក់ទៅតាមស្ថានភាពរោគសញ្ញាឬផលរំខាននៃឱសថ។

・អ្នកដែលកំពុងស្ថិតក្នុងស្ថានភាពបាត់បង់ស្មារតី(Coma)។

・អ្នកជំងឺដែលកំពុងស្ថិតក្រោមឥទ្ធិពលនៃឱសថដែលមានសកម្មភាពទប់ស្កាត់ប្រព័ន្ធសរសៃប្រសាទ ដូចជាឱសថប្រភេទBarbiturates ឱសថសណ្ដំឬស្ពឹក ជាដើម។

・អ្នកដែលមានជំងឺខ្សោយមុខងារបេះដូង(Heart failure)កម្រិតធ្ងន់ធ្ងរ។

・អ្នកដែលមានជំងឺប៉ាគីនសុន(Parkinson's disease)។

・អ្នកដែលធ្លាប់កើតមានរោគប្រតិកម្មជាមួយនឹងឱសថប្រភេទPhenothiazinesឬឱសថស្រដៀងនោះ។

・អ្នកជំងឺដែលកំពុងប្រើប្រាស់ឱសថAdrenaline (លើកលែងករណីដែលត្រូវប្រើឱសថAdrenalineសម្រាប់ព្យាបាលរោគប្រតិកម្មធ្ងន់ធ្ងរAnaphylaxisជាបន្ទាន់)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលកំពុងប្រើឬមានគម្រោងប្រើឱសថ Clozapine។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកជំងឺដែលសង្ស័យថាមានបញ្ហាប៉ះពាល់ខួរក្បាលផ្នែកSubcortex (រលាកខួរក្បាល មហារីកខួរក្បាល រោគសញ្ញាក្រោយប៉ះទង្គិចក្បាល ជាដើម)។

ញ័រដៃ ស្ពឹកខ្លួន ស្ងួតក ទល់លាមក ភ្នែកស្រវាំង ងងឹតមុខពេលក្រោកឈរ បេះដូងលោតញាប់ រោគសញ្ញាDyskinesia រោគសញ្ញាDystonia ។

・នៅពេលចាប់ផ្ដើមប្រើប្រាស់ឱសថនេះ អាចធ្វើអោយអាការៈសម្ពាធឈាមចុះទាបនៅពេលក្រោកឈរ ដូច្នេះ ត្រូវប្រុងប្រយ័ត្នដោយធ្វើចលនាយឺតៗ។

・ចំពោះការព្យាបាលជំងឺវិកលចរឹត (Schizophrenia) ឱសថនេះមានប្រសិទ្ធិភាពចំពោះរោគសញ្ញាវិជ្ជមាន(Positive symptoms)នៃជំងឺនេះ។

បង្អាក់ដំណើរការភ្ញោចគ្រឿងទទួលដូប៉ាមីន(D2 receptor)នៅក្នុងខួរក្បាល ធ្វើអោយសកម្មភាពនៃសរសៃប្រសាទដូប៉ាមីនថយចុះ ដើម្បីទប់ស្កាត់រោគសញ្ញាវិជ្ជមាននៃជំងឺវិកលចរឹត។