Flunitrazepam

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- បំបាត់អាការៈគេងមិនលក់

- ប្រើនៅមុនពេលអនុវត្តការសណ្ដំ។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ប្រើដើម្បីចាប់ផ្ដើមការសណ្ដំពេញរាងកាយ (General anesthesia)

- ប្រើដើម្បីរំងាប់អារម្មណ៍នៅពេលអនុវត្តការធ្វើអោយស្ពឹកនៅផ្នែកណាមួយនៃរាងកាយ (Local anesthesia)។

ករណីថ្នាំលេប：

មនុស្សពេញវ័យ：លេប1ដង 0.5～2mg នៅមុនពេលចូលគេងឬនៅមុនពេលវះកាត់។ អាចបន្ថយឬបង្កើនកម្រិតទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ដងសម្រាប់មនុស្សចាស់គឺ 1mg។

ករណីថ្នាំចាក់：

ប្រើដោយពង្រាវ2ដងឡើងទៅនៅក្នុងទឹកសម្រាប់លាយថ្នាំចាក់ រួចចាក់ក្នុងសរសៃវ៉ែនដោយយឺតៗបំផុត(ប្រើរយៈពេល1នាទីសម្រាប់ចាក់បញ្ចូលឱសថនេះ1mg)។

・ករណីប្រើដើម្បីចាប់ផ្ដើមការសណ្ដំពេញរាងកាយ (General anesthesia)：មនុស្សពេញវ័យ：ប្រើ1ដង0.02～0.03mg/kg។ ករណីចាំបាច់ អាចបន្ថែមការចាក់ក្នុងកម្រិតដូចគ្នាឬពាក់កណ្ដាលបន្ថែមទៀត។

・ករណីប្រើដើម្បីរំងាប់អារម្មណ៍នៅពេលអនុវត្តការធ្វើអោយស្ពឹកនៅផ្នែកណាមួយនៃរាងកាយ (Local anesthesia)：

មនុស្សពេញវ័យ：ប្រើ1ដង0.01～0.03mg/kg។ ករណីចាំបាច់ អាចបន្ថែមការចាក់ក្នុងកម្រិតដូចគ្នាឬពាក់កណ្ដាលបន្ថែមទៀត។

អាចបង្កើនឬបន្ថយកម្រិតប្រើប្រាស់ទៅតាមអាយុ ស្ថានភាពរាងកាយ ប្រតិកម្មរបស់អ្នកជំងឺ និង បច្ចេកទេសវះកាត់ឬវិធីសណ្ដំ។ល។

ករណីថ្នាំលេប：

・អ្នកដែលមានជំងឺក្លូកូមប្រភេទបិទជិទ(Angle-closure glaucoma)លក្ខណៈស្រួចស្រាវ។

・អ្នកដែលមានជំងឺខ្សោយការបញ្ជាលើសាច់ដុំធ្ងន់ធ្ងរ(Myasthenia gravis។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលមានមុខងារដកដង្ហើមកំពុងធ្លាក់ចុះទាបកម្រិតធ្ងន់ធ្ងរ ដូចក្នុងករណីជំងឺខ្យល់ដក់ក្នុងសួត ជំងឺហឺត ជំងឺសរសៃឈាមខួរក្បាលដំណាក់កាលស្រួចស្រាវ ជាដើម។

ករណីថ្នាំចាក់：

・អ្នកដែលមានជំងឺក្លូកូមប្រភេទបិទជិទ(Angle-closure glaucoma)លក្ខណៈស្រួចស្រាវ។

・អ្នកដែលមានជំងឺខ្សោយការបញ្ជាលើសាច់ដុំធ្ងន់ធ្ងរ(Myasthenia gravis។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・ឱសថប្រភេទបិនហ្ស៉ូដ្យាហ្សេភីន (Benzodiazepine anxiolytics)ជាឱសថក្នុងជម្រើសទី1សម្រាប់ការព្យាបាលជំងឺគេងមិនលក់ច្រើនប្រភេទ។

・ប្រសិនបើប្រើប្រាស់ឱសថនេះរយៈពេលវែង អ្នកជំងឺអាចកើតមានអាការៈញៀន ដូច្នេះ គួរស្វែងរកឱកាសដើម្បីកាត់បន្ថយការប្រើប្រាស់ឱសថនេះ។

・អាចកើតមានអាការៈភ្លេចភ្លាំង សំដៅលើការភ្លេចនូវអ្វីដែលកើតឡើងក្នុងអំឡុងពេលក្រោកពាក់កណ្ដាលទីក្រោយពេលប្រើប្រាស់ឱសថនេះ។

・ឱសថនេះជាប្រភេទឱសថដែលសកម្មភាពឱសថមានរយៈពេលមធ្យម។

អារម្មណ៍មិនស្ងប់កើតឡើងដោយសារសកម្មភាពនៃសរសៃប្រសាទនៅក្នុងLimbic systemនៃខួរក្បាលកើនឡើងខ្ពស់។ ឱសថនេះមានសកម្មភាពជម្រុញការបញ្ចេញសារធាតុGABAដែលជាសារធាតុទប់ស្កាត់ការកើនឡើងនៃសកម្មភាពសរសៃប្រសាទខាងលើ។

※GABA：γ-aminobutyric acid មានសកម្មភាពទប់ស្កាត់មុខងាររបស់សរសៃប្រសាទ។