Flumazenil

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការបំបាត់ឥទ្ធិពលនៃសកម្មភាពសណ្ដំឬសកម្មភាពទប់ស្កាត់ដំណកដង្ហើម ដែលបណ្ដាលមកពីការប្រើប្រាស់ឱសថប្រភេទBenzodiazepines។

    • កម្រិតប្រើប្រាស់

      ថ្នាំចាក់：

      នៅលើកដំបូង ប្រើ0.2mg ចាក់តាមសរសៃវ៉ែនយឺតៗ។ ប្រសិនបើក្នុងអំឡុងពេល4នាទីក្រោយចាក់ឱសថនេះ អ្នកជំងឺនៅមិនដឹងខ្លួន អាចចាក់0.1mgបន្ថែមទៀត។ បន្ទាប់ពីនោះ អាចបន្តប្រើក្នុងកម្រិត0.1mgរៀងរាល់1នាទីម្ដង រហូតដល់បរិមាណសរុប1mg (ករណីប្រើនៅICU បរិមាណសរុបគឺ2mg)។ អាចបង្កើនឬបន្ថយកម្រិតប្រើប្រាស់ទៅតាមលក្ខណៈនៃការប្រើឱសថប្រភេទBenzodiazepinesនិងស្ថានភាពរបស់អ្នកជំងឺ។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថប្រភេទBenzodiazepines។

      ・អ្នកដែលមានជំងឺប្រកាច់(Epilepsy)ដែលកំពុងប្រើប្រាស់ឱសថប្រភេទBenzodiazepines អស់រយៈពេលយូរមកហើយ។

    • ផលរំខាន

      ផលរំខានរួមមាន ចង់ក្អួត សម្ពាធឈាមកើនឡើង ឈឺក្បាល ក្អក អារម្មណ៍មិនស្រួលក្នុងបំពង់កឬក្នុងទ្រូង។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ឡើងកន្ទាលត្រអាក ទឹកមុខស្លេកស្លាំង សម្ពាធឈាមធ្លាក់ចុះទាប ពិបាកដកដង្ហើម ចង់ក្អួត (រោគប្រតិកម្មធ្ងន់ធ្ងរ)។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថប្រភេទBenzodiazepines, ឱសថព្យាបាលជំងឺបាក់ទឹកចិត្តប្រភេទTricyclic antidepressantsឬTetracyclic antidepressants - អាចធ្វើអោយសកម្មភាពនៃឱសថប្រភេទBenzodiazepinesថយចុះ និង ងាយកើតមានផលរំខាននៃឱសថប្រភេទTricyclic antidepressantsឬTetracyclic antidepressants។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

      ・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • សកម្មភាពឱសថ

      ឱសថនេះមានប្រសិទ្ធិភាពភ្ជាប់ទៅនឹងគ្រឿងទទួលBenzodiazepineនៅក្នុងប្រព័ន្ធខួរក្បាលដើម្បីទប់ស្កាត់សកម្មភាពរបស់គ្រឿងទទួលនេះ។ គ្រឿងទទួលBenzodiazepineមានទំនាក់ទំនងជាមួយនឹងគ្រឿងទទួលGABAដែលមានមុខងារកាត់បន្ថយសកម្មភាពរបស់ខួរក្បាល ដោយការភ្ញោចគ្រឿងទទួលBenzodiazepineនឹងធ្វើអោយសារធាតុGABAអាចភ្ជាប់ទៅនឹងគ្រឿងទទួលGABAបានកាន់តែល្អប្រសើរ ធ្វើអោយសកម្មភាពរបស់ខួរក្បាលកាន់តែថយចុះ។ ឱសថនេះនឹងភ្ជាប់ទៅនឹងគ្រឿងទទួលBenzodiazepineដើម្បីទប់ស្កាត់ការភ្ញោចគ្រឿងទទួលនេះដោយសារធាតុប្រភេទBenzodiazepine ជាលទ្ធផល ឱសថនេះអាចកាត់បន្ថយឥទ្ធិពលផ្សេងៗដែលកើតពីការភ្ញោចគ្រឿងទទួលBenzodiazepine។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល