Fludrocortisone acetate

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- ជំងឺនៃការកកើតហួសកម្រិតនៃផ្នែកអាដ្រណាល់កូតិចពីកំណើត ប្រភេទបាត់បង់អំបិល (Salt-losing Congenital adrenal hyperplasia)

- ជំងឺចុះខ្សោយមុខងារនៃផ្នែកអាដ្រណាល់កូតិចលក្ខណៈរ៉ាំរ៉ៃ ប្រភេទបាត់បង់អំបិល (Salt-losing Chronic adrenal insufficiency) ឬ ជំងឺអាឌីសុន(Addison's disease)។

ថ្នាំលេប：

លេប1ថ្ងៃ0.02～0.1mg ដោយបែងចែកជា2～3ដងក្នុង1ថ្ងៃ។ ចំពោះទារក និង ទារកទើបកើត ត្រូវចាប់ផ្ដើមលេបពីកម្រិត0.025～0.05mg។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ជាគោលការណ៍ អ្នកជំងឺដូចខាងក្រោមមិនត្រូវប្រើប្រាស់ឱសថនេះទេ។ ករណីចាំបាច់ត្រូវប្រើ ត្រូវតាមដានស្ថានភាពជំងឺនិងផលរំខានឱសថអោយបានដិតដល់។

・អ្នកដែលមានជំងឺលើសសម្ពាធឈាម។

・អ្នកដែលមានជំងឺឆ្លងដែលមិនមានឱសថព្យាបាលដែលមានប្រសិទ្ធិភាពនៅឡើយ ឬ អ្នកដែលមានជំងឺឆ្លងមេរោគផ្សិតពេញរាងកាយ។

・អ្នកដែលមានជំងឹដំបៅក្រពះពោះវៀន។

・អ្នកដែលមានជំងឺទាក់ទងនឹងស្មារតី។

・អ្នកដែលមានជំងឺរបេងផ្សេងៗ។

・អ្នកដែលមានជំងឺរលាកកញ្ចក់ភ្នែកដោយសារវីរុសរើម (Herpes simplex keratitis)។

・អ្នកដែលមានជំងឺភ្នែកឡើងបាយប្រភេទPosterior cataract។

・អ្នកដែលមានជំងឺក្លូកូម (Glaucoma)។

・អ្នកដែលមានជំងឹកំណកឈាម (Thrombosis)។

・អ្នកដែលមានរបួសនៅសរីរាង្គខាងក្នុងដោយសារការវះកាត់ថ្មីៗ។

・អ្នកដែលកើតមានអាការៈស្ទះសរសៃឈាមក្នុងបេះដូងស្រួចស្រាវ។

សម្ពាធឈាមឡើងខ្ពស់ កម្រិតសូដ្យូមក្នុងឈាមឡើងខ្ពស់ កម្រិតប៉ូតាស្យូមក្នុងឈាមចុះទាប។

・អាចធ្វើអោយងាយកើតមានអាការៈខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)។

ស្តុកទុកសារធាតុសូដ្យូម(Na)ក្នុងរាងកាយ ធ្វើអោយបរិមាណឈាមក្នុងប្រព័ន្ធចរន្តឈាមក៏ដូចជាសម្ពាធឈាមក្នុងរាងកាយកើនឡើង។