Fludeoxyglucose

ជាទូទៅ ឱសថនេះប្រើនៅក្នុងបម្រើបម្រាស់ដូចខាងក្រោម៖

- ការវិនិច្ឆ័យទៅលើជំងឺមហារីក

- ការវិនិច្ឆ័យទៅលើជំងឺកង្វះការផ្គត់ផ្គង់ឈាមក្នុងបេះដូង (Ischemic heart disease) ចំពោះអ្នកជំងឺខ្សោយមុខងារបេះដូងដែលមុខងារថតក្រោមខាងឆ្វេងនៃបេះដូងចុះខ្សោយដោយសារកង្វះការផ្គត់ផ្គង់ឈាមគ្រប់គ្រាន់ ដោយចាំបាច់ត្រូវវិនិច្ឆ័យទៅលើបរិមាណនៃជាលិកាសាច់ដុំបេះដូងដែលអាចប្រើបាន ហើយការវិនិច្ឆ័យដោយប្រើMyocardial perfusion scintigraphyមានការលំបាក

- ការវិនិច្ឆ័យទៅលើទំហំនៃភាពខុសប្រក្រតីទាក់ទងនឹងមេតាបូលីសនៃគ្លុយកូសក្នុងខួរក្បាល ករណីចាំបាច់ត្រូវធ្វើការវះកាត់យកផ្នែកដែលមានបញ្ហាចេញដោយសារជំងឺឆ្កួតជ្រូកប្រភេទPartial seizureលក្ខណៈពិបាកព្យាបាល

- ការស្វែងរកផ្នែកដែលកើតមានការរលាកនៅក្នុងការវិនិច្ឆ័យទៅលើជំងឺរលាកសរសៃឈាមខ្នាតធំ។

ថ្នាំចាក់：

នៅក្នុងឱសថនេះ1mL រួមមានសារធាតុFludeoxyglucose 92.5MBq។ ហើយ1អំពូលនៃឱសថនេះអាចមានចំណុះ1.2mL(Fludeoxyglucose 111MBq) ឬ ចំណុះ1.6mL(Fludeoxyglucose 148MBq) ឬ ចំណុះ2mL(Fludeoxyglucose 185MBq)។

ជាទូទៅ មនុស្សពេញវ័យ ប្រើ1អំពូល ចាក់ក្នុងសរសៃវ៉ែនមុននឹងអនុវត្តការថត។ អាចបង្កើនឬបន្ថយកម្រិតប្រើប្រាស់ទៅតាមអាយុនិងទម្ងន់របស់អ្នកជំងឺ ដោយស្ថិតក្នុងចន្លោះ74MBq~370MBq។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។