Flecainide acetate

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ករណីមិនអាចប្រើឱសថផ្សេងទៀតបានឬមិនមានប្រសិទ្ធិភាព៖

・មនុស្សពេញវ័យ：ជំងឺទាក់ទងនឹងចង្វាក់បេះដូងកើនឡើងខុសប្រក្រតី (ជំងឺញ័រថតលើនៃបេះដូង(Atrial fibrillation និង Atrial flutter)ដែលកើតឡើងម្ដងៗ និង ជំងឺទាក់ទងនឹងចង្វាក់បេះដូងកើនឡើងខុសប្រក្រតីដោយសារបញ្ហាថតក្រោមនៃបេះដូង (Ventricular tachyarrhythmia))

・កុមារ：ជំងឺទាក់ទងនឹងចង្វាក់បេះដូងកើនឡើងខុសប្រក្រតី (ជំងឺញ័រថតលើនៃបេះដូង(Atrial fibrillation និង Atrial flutter)ដែលកើតឡើងម្ដងៗ ជំងឺទាក់ទងនឹងចង្វាក់បេះដូងកើនឡើងខុសប្រក្រតីដោយសារបញ្ហាផ្នែកខាងលើថតក្រោមនៃបេះដូង(Supraventricular tachycardia)ឬនៅថតក្រោមនៃបេះដូង(Ventricular tachyarrhythmia))។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលអាការៈចង្វាក់បេះដូងកើនឡើងខុសប្រក្រតីដូចខាងក្រោមជាបន្ទាន់៖

・អាការៈញ័រថតលើនៃបេះដូង(Atrial fibrillation និង Atrial flutter)ដែលប៉ះពាល់ធ្វើអោយមានរោគសញ្ញាផ្សេងៗជាច្រើន

・អាការៈចង្វាក់បេះដូងកើនឡើងដោយសារបញ្ហាផ្នែកខាងលើថតក្រោមនៃបេះដូងដែលកើតឡើងម្ដងៗ

・អាការៈចង្វាក់បេះដូងកើនឡើងដោយសារបញ្ហាថតក្រោមនៃបេះដូង

・អាការបេះដូងកន្ត្រាក់ខុសចង្វាក់នៅថតក្រោមនៃបេះដូង(Ventricular extrasystole)កម្រិតធ្ងន់ធ្ងរ។

ករណីថ្នាំលេប：

- មនុស្សពេញវ័យ：

ចាប់ផ្ដើមលេបពីកម្រិត1ថ្ងៃ100mg បែងចែកជា2ដងក្នុង1ថ្ងៃ។ ករណីប្រសិទ្ធិភាពមិនគ្រប់គ្រាន់ អាចបង្កើនកម្រិតដល់1ថ្ងៃ200mg បែងចែកជា2ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារ：

+ កុមារអាយុ6ខែឡើងទៅ：លេបក្នុងកម្រិត1ថ្ងៃ50～100mg/m²(ផ្ទៃរាងកាយ) បែងចែកជា2～3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ200mg/m²(ផ្ទៃរាងកាយ)។

+ កុមារអាយុក្រោម6ខែ：លេបក្នុងកម្រិត1ថ្ងៃ50mg/m²(ផ្ទៃរាងកាយ) បែងចែកជា2～3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ200mg/m²(ផ្ទៃរាងកាយ)។

ករណីថ្នាំចាក់：

មនុស្សពេញវ័យ：ប្រើក្នុងកម្រិត1ដង1.0～2.0mg/kg) ចាក់តាមសរសៃវ៉ែនយឺតៗរយៈពេល10នាទី ក្រោមការតាមដានចង្វាក់បេះដូងនិងសម្ពាធឈាម។ អាចប្រើឱសថនេះដោយលាយជាមួយសេរ៉ូមគ្លុយកូស។ កម្រិតអតិបរមាប្រើក្នុង1ដងគឺ 150mg។

ករណីថ្នាំលេប និង ថ្នាំចាក់：

・អ្នកដែលមានជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)។

・អ្នកដែលមានបញ្ហាទាក់ទងនឹងការបញ្ជូនសញ្ញរវាងថតនៅក្នុងបេះដូង(ជំងឺAtrioventricular block ជំងឺSinoatrial block)កម្រិតធ្ងន់ធ្ងរ។

・អ្នកដែលកើតមានAsymptomatic premature ventricular contraction ឬ Nonsustained ventricular tachycardia នៅក្រោយកើតមានអាការៈស្ទះសរសៃឈាមក្នុងបេះដូង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលកំពុងប្រើប្រាស់ឱសថដូចខាងក្រោម : Ritonavir, Mirabegron, Telaprevir។

បញ្ហានៃការប្រើឱសថនេះគឺធ្វើអោយចង្វាក់បេះដូងកើនឡើងខុសប្រក្រតី(Ventricular tachycardia ជាដើម)ធ្ងន់ធ្ងរ និង អាចធ្វើអោយកើតមានផលរំខានដូចជា ឈឺក្បាល ចង់ក្អួត ភ្នែកស្រវាំង ។ល។

សម្រាប់ឱសថ Flecainide acetate ត្រូវប្រុងប្រយ័ត្នចំពោះផលរំខានធ្វើអោយមុខងារបេះដូងកាន់តែចុះខ្សោយ។

・មានប្រសិទ្ធិភាពនៅក្នុងការព្យាបាលជំងឺចង្វាក់បេះដូងខុសប្រក្រតីដែលទាក់ទងនឹងថតក្រោមនៃបេះដូង(Ventricular)និងផ្នែកខាងលើនោះ(Supraventricular)ផងដែរ។ ឱសថប្រភេទនេះមានសកម្មភាពខ្លាំងជាងឱសថផ្សេងទៀតដែលស្ថិតក្នុងក្រុមទីI ប៉ុន្តែ វាមិនមែនជាឱសថក្នុងជម្រើសទីមួយនោះទេ។

・ការប្រើឱសថនេះរួមជាមួយឱសថទប់ស្កាត់គ្រឿងទទួលβឬឱសថDigoxinឬឱសថWarfarin អាចធ្វើអោយកំហាប់ក្នុងឈាមនៃឱសថទាំងនេះកើនឡើង ដូច្នេះ ត្រូវប្រុងប្រយ័ត្ននៅក្នុងការប្រើប្រាស់រួមគ្នា។

មានប្រសិទ្ធិភាពនៅក្នុងការព្យាបាលជំងឺចង្វាក់បេះដូងខុសប្រក្រតីដែលទាក់ទងនឹងថតក្រោមនៃបេះដូង(Ventricular)និងផ្នែកខាងលើនោះ(Supraventricular)ផងដែរ។ ឱសថប្រភេទនេះមានសកម្មភាពខ្លាំងជាងឱសថផ្សេងទៀតដែលស្ថិតក្នុងក្រុមទីI ប៉ុន្តែ វាមិនមែនជាឱសថក្នុងជម្រើសទីមួយនោះទេ។