Flavoxate hydrochloride

ផលិតផល: 

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលអាការៈនោមញឹក ឬ អាការៈនោមមិនអស់ ដែលកើតមាននៅក្នុងជំងឺដូចខាងក្រោម៖

      - ជំងឺនោមញឹកទាក់ទងនឹងសរសៃប្រសាទ (Nervous pollakisuria)

      - ជំងឺរលាកក្រពេញប្រូស្តាតរ៉ាំរ៉ៃ

      - ជំងឺរលាកប្លោកនោមរ៉ាំរ៉ៃ។

    • កម្រិតប្រើប្រាស់

      ថ្នាំលេប：

      មនុស្សពេញវ័យ：លេប1ដង 200mg (ថ្នាំម្សៅ20%ត្រូវនឹង1g) 1ថ្ងៃ3ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

    • ហាមប្រើ

      ・អ្នកដែលមានអាការៈស្ទះនៅចុងក្រពះ(Pylorus) ឬ នៅគល់ពោះវៀនតូច(Duodenum) ឬ នៅតាមពោះវៀន។

      ・អ្នកដែលមានអាការៈស្ទះនៅផ្លូវតម្រងនោមផ្នែកខាងក្រោមកម្រិតធ្ងន់ធ្ងរ។

    • ផលរំខាន

      ផលរំខានរួមមាន ឡើងកន្ទួលក្រហម រមាស់ស្បែក មិនស្រួលក្នុងក្រពះ បាត់បង់ចំណង់អាហារ ចង់ក្អួត ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - កន្ទាលត្រអាក បែកញើសទាំងត្រជាក់ ពិបាកដកដង្ហើម (រោគប្រតិកម្មធ្ងន់ធ្ងរ)

      - អស់កម្លាំង បាត់បង់ចំណង់អាហារ ស្បែកនិងភ្នែកប្រែពណ៌លឿង (មុខងារថ្លើមមានបញ្ហា ខាន់លឿង)។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ។

    • ការប្រុងប្រយ័ត្នជាពិសេស

      ・ហាមប្រើចំពោះអ្នកជំងឺដែលមានអាការៈស្ទះនៅចុងក្រពះ(Pylorus) គល់ពោះវៀនតូច(Duodenum)ឬពោះវៀន ឬ អ្នកដែលមានបញ្ហាស្ទះនៅផ្នែកខាងក្រោមនៃផ្លូវតម្រងនោម។

      ・ម្យ៉ាងទៀត ឱសថនេះអាចធ្វើអោយសម្ពាធភ្នែកកើនឡើង។

    • សកម្មភាពឱសថ

      ឱសថនេះមានសកម្មភាពដូចខាងក្រោម៖

      - ទប់ស្កាត់ការកន្ត្រាក់នៃសាច់ដុំប្លោកនោមនៅពេលមានទឹកនោមពេញប្លោកនោម

      - បន្ធូរការកន្ត្រាក់ប្លោកនោមដែលបញ្ជាដោយការភ្ញោចសរសៃប្រសាទត្រគាកនិងសរសៃប្រសាទពោះផ្នែកខាងក្រោម

      - បន្ធូរការកន្ត្រាក់នៃសាច់ដុំរលោងនៅក្នុងប្លោកនោម ដោយទប់ស្កាត់លំហូរចូលនៃអ៊ីយ៉ុងកាល់ស្យូម និង ទប់ស្កាត់សកម្មភាពអង់ស៊ីមPhosphodiesterase (PDE) ជាដើម។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល