Flavin adenine dinucleotide sodium (FAD)

ករណីថ្នាំលេប និង ថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- បង្ការ និង ព្យាបាលជំងឺខ្វះវីតាមីនបេ2 (Vitamin B2)

- បំពេញតម្រូវការវីតាមីនបេ2នៅក្នុងរាងកាយ សម្រាប់អ្នកដែលស្ថិតក្នុងស្ថានភាពដូចជា មានជំងឺដែលធ្វើអោយរាងកាយអស់ថាមពលច្រើន ស្ត្រីមានផ្ទៃពោះ ស្ត្រីបំបៅដោះកូន ធ្វើលំហាត់ប្រាណរាងកាយខ្លាំងក្លា។ល។

- ជំងឺដែលអាចទាក់ទងនឹងការខ្វះឬមេតាបូលីសខុសប្រក្រតីនៃវីតាមីនបេ2នៅក្នុងរាងកាយ រួមមាន ៖ រលាកគែមបបូរមាត់ រលាកបបូរមាត់ រលាកអណ្ដាត ពងបែកក្នុងមាត់ រលាត់នៅបរិវេណទ្វារធំនិងប្រដាប់ភេទ ស្បែកឡើងកន្ទួលក្រហមលក្ខណៈស្រួចស្រាវឬរ៉ាំរ៉ៃ ស្បែកឡើងកន្ទួលក្រហមដោយសារការបញ្ចេញខ្លាញ់ច្រើន(Seborrheic eczema) ជំងឺផេឡាហ្ក្រា(Pellagra) មុនលើស្បែក ជំងឺស្បែកRosacea ជំងឺរលាកស្បែកដោយសារពន្លឺព្រះអាទិត្យ ជំងឺរលាកភ្នែក(Conjunctivitis) ជំងឺភ្នែកKeratitis superficialis diffusa ជំងឺភ្នែកPericorneal hyperemia ជំងឺភ្នែកCorneal neovascularization។

ករណីថ្នាំបន្តក់ភ្នែក និង ថ្នាំក្រមួនលាបក្នុងភ្នែក：

ជាទូទៅ ឱសថនេះប្រើនៅក្នុងការព្យាបាលជំងឺដែលអាចទាក់ទងនឹងការខ្វះឬមេតាបូលីសខុសប្រក្រតីនៃវីតាមីនបេ2នៅក្នុងរាងកាយ រួមមាន ជំងឺរលាកកញ្ចក់ភ្នែក(Keratitis) និង ជំងឺរលាកត្របកភ្នែក(Blepharitis)។

ករណីថ្នាំលេប：

- មនុស្សពេញវ័យ: លេប1ថ្ងៃ 5~45mg ដោយបែងចែកជា1~3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារអាយុក្រោម1ឆ្នាំ: ពិសា 3~6mg (ថ្នាំទឹក0.3%ត្រូវនឹង1~2mL) ដោយបែងចែកជា2~3ដងក្នុង1ថ្ងៃ។

- កុមារអាយុ2~7ឆ្នាំ: ពិសា 6~15mg (ថ្នាំទឹក0.3%ត្រូវនឹង2~5mL) ដោយបែងចែកជា2~3ដងក្នុង1ថ្ងៃ។

ករណីថ្នាំចាក់：

មនុស្សពេញវ័យ: ប្រើក្នុងកម្រិត1ថ្ងៃ 1~40mg បែងចែកជា1~2ដងក្នុង1ថ្ងៃ ដោយចាក់ក្រោមស្បែក ឬ ក្នុងសាច់ដុំ ឬ តាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំបន្តក់ភ្នែក(0.05%)：

ជាទូទៅ ប្រើ1ដង 1~2តំណក់ 1ថ្ងៃ3~6ដង បន្តក់ក្នុងភ្នែក។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

ករណីថ្នាំក្រមួនលាបក្នុងភ្នែក(0.1%)：

ជាទូទៅ ប្រើ1ថ្ងៃ1~4ដង លាបក្នុងត្របកភ្នែក។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។